JOHAN 14:16 - PATHIEN LEKHABU THIENGTHO (BSI)

¹⁶ Tichun, Pa kawmah ngên ing ka ting, ama’n Lungmuonpa dang nanguh hun pie’n a, kumkhuo a na kawm u a um dingin.

JOHAN 14:16 ပူးပေါင်းရင်းမြစ်များ

MATTHAI 28:20

Chun, thu ka hun piek chengcheng hi pawm dingin hilh un. Chun, ngaitiem u; Kei, kumkhuo’n, khawvel beih tiengin le na kawm u ah um zing ing ka,” a ti a. Amen.

JOHAN 14:14

Nangun ka min a thil bang hitaleh na nget u chun, zie chuh hih zel ing ka.

JOHAN 14:18

“Thawmhau in nanguh hun nusieh puo’ng ka; na kawm u ah hungkit ing ka.

JOHAN 14:26

Chun, Lungmuonpa Thagau Thiengtho, Pa’n, ka min a a hun sawl ding khan, zie chun bangakai nanguh hun sinsak intin, na kawm u a ka gen chengcheng kha hun het dawk sak kit ina.

JOHAN 15:26

“Chun, Pa kawm apat Lungmuonpa na kawm u a ka hun sawl ding chuh, Pathien chanchin diktak phuongdawk sek, Thagau chuh a hii. Amah chuh Pa kawm apat ka hun sawl ahi a, amah chun ka chanchin hun hetsak ina.

JOHAN 16:22

Zie chuh, tu a nanguh dinmun tawbang hi ahi: tuhin na lungkham u a, himahleh, nanguh hun mu kit ing ka, tichun, na lunggil u chuh kipahna kuoma’n a hun lâksak theih loh ding chun dim ina.

JOHAN 17:15

Nangin, amau haw chuh khawvel apat a na lak dawk dinga ngên ka hi puoh a, migilo laka chuh na hum ding ti ka hi zawi.

JOHAN 17:20

“Ziete hawa ding maia hi ngetsak ka hi puoh a, a thugen teu zieka kei ei hun gingcha dingte ding ale ngetsak ka hi kawm hi.

JOHAN 4:14

kuole, a kawma tui ka piek ding dâwn ta chuh, kumkhuo’n a dang uh châk kit ta puo’n a, ken tui a kawm u a ka piek ding chuh a sung u ah tuinak hung um intin, kumkhuo tuonga hinna dingin kichik to ina,” a ti a.

JOHAN 7:39

Isu’n, zie thu haw chuh, a gingchate’n Thagau a muhna ding thuu a genna ahi. Thagau chuh piek a hi tadih puou, Isu chuh lopina a kaihthawh a a um nai loh ziekin.

NASEPTE 1:4

A kawm u a a um sung chun, hiti hin thu a pie a: “Jerusalem khuo taihsan kiu inla, Pa thil tiem, na kawm u a ka gen kha na ngak zing un.

NASEPTE 13:52

Chun, sinsakte chuh kipakna leh, Thagau Thiengtho in a dim tau hi.

NASEPTE 9:31

Khutichun, Sapchuomte chuh Judai gam vel ale, Galili gam vel ale, Samari gam vel haw achun a det deuh deuh tau a, muong takin a um tau hi. Lalpa limbawl in, Thagau Thiengtho lungmuon in, a um u a, a hung pung tiltil tau hi.

ROME 14:17

Pathien gam chuh nek le châk lam thu ahi puoh a, diktatna leh chamna leh, Thagau thiengtho akipahna haw ahi zaw ngâl a.

ROME 15:13

Thagau thiengtho thilhih theihna zieka kinepna na hauh theihna dingun, kinepna Pathien chun, na ginchak ziekun, a kipakna leh chamna tin chengin hun hihdim hen.

ROME 5:5

Thagau thiengtho I kawm u a ei piek khan, Pathien hehpihna chuh I lunggil u a a sunthak tâk ziekin, zie kinepna chun ei sulungkham puoi.

ROME 8:34

Kuo a mawh chansak ding? A thi khah Krista Isu ahi ngâl a. Ahi, thihna apat a tho kit a, Pathien changlama um a, ei gensak pa mah kha ahi.

GALATI 5:22

Himahlele, thagau gah vang chuh: hehpihna haw, lawpna haw, kichamna haw, thuokhatna haw, nunnemna haw, phatna haw; taksanumna haw,

PHILIPPI 2:1

Khutichun, Krista a na hinnau chun a suhat in, a lungsietna chun a hun thamuon sak na hiu hi. Thagau a kivawp khawm in, kilainat in na kilungsiet tuoh ngâl u a.

2 THESSALONIKA 2:16

Tichun, I Lalpau Isu Krista mawng leh, Pathien I Pau, ei hehpihpa leh, a lungsietna vanga, hansanna thâwn lo leh, kinepna det ei piepa chun,

HEBRAI 7:25

Zieziekchun, amah zieka Pathien kawma hungte chuh a tâwp chanin a hukdam thei a, amau haw sik gensak dinga kumkhuo a a hin zing ziekin.

1 JOHAN 2:1

Ka naute, thil na sukkhelh lohna dinguh a zie thu hi na kawmuh a ka hun zik ahi. Chun kuo’n le thil a sukkhelh chun, Pa kawma ei nget sakpa, Isu Krista mi diktat chuh I nei ui.

1 JOHAN 2:27

Nanguh vangin, Krista kawm apat thau nuhna chang na hiu kha. Zie Thagau Thiengtho chuh nangmau a a um sung cheng, kuomah hun sinsak ngai puon lau. Thagau Thiengtho chun bang cheng a hun sinsak a, thu dik lo hilo in, thudik tak a hun sinsak sek ziekin. Khutichun, Thagau hun sinsaknate chuh zawp unla, amah tawh pumkhat a um hiding na hiu hi.

2 JOHAN 1:2

thutak chuh keimau a a um zing ziekin leh, kumlekhuo a le a um zing ding ziekin.