JOHAN 14:13 - PATHIEN LEKHABU THIENGTHO (BSI)

¹³ Chun, ka min a thil bang hitaleh na nget u chun, hih zel ing ka, ti a chuh Chapa zieka Pa limbawla a um theihna dingin.

JOHAN 14:13 ပူးပေါင်းရင်းမြစ်များ

MATTHAI 21:22

Chuleh, bangakai, gingcha kawma na nget tâk phawt u chuh mu’n lau,” ti’n a dâwng a.

MATTHAI 7:7

“Ngên un, tichun piek in um unlau; hawl un, tichun mu’n lau; kiu un, tichun hawn sak in um unlau;

MARK 11:24

Zieziek hin ka hun hilh na hiu hi: Bang ahim khat ngên a na paucham tieng u leh, na nget u chuh a mu sa’n kingai un; tichun, na nget tâk u chuh piek in um un lau.

LUKE 11:9

Khutichun, ka hun tih na hiu hi; Ngên un, tichun piek in um unlau; hawl un, tichun mu’n lau; kiu un, tichun hawn sak in um unlau.

JOHAN 10:30

Kei leh ka Pa chuh pumkhat ka hi ngâl u a,” ti’n a dâwng a.

JOHAN 12:44

Chun, Isu chun aw ngeih tak in, “Kuole, ei gingcha chuh, kei ei gingcha ei puoh a, ei sawlpa gingcha ahi zawi.

JOHAN 13:31

Chun, Juda’n a pawt san nung chun Isu’n, “Tuhin, Mihiem Chapa limbawl in a um tai, amah ziekin Pathien le limbawl in a um tai.

JOHAN 14:14

Nangun ka min a thil bang hitaleh na nget u chun, zie chuh hih zel ing ka.

JOHAN 14:6

Isu’n a kawmah, “Keimah hi lampi leh Thutak leh Hinna ka hii; keimah a chieh lo chuh, kuomah Pa kawm a tung ngei puou.

JOHAN 15:16

Nangun nei tel puou a, ken ka hun tel zawk na hiu ui; chieh a, sawttak a um zing dinga tamtak a va gah dingin ka hun guot na hi ngâl u a. Khutichun, ka min a Pa kawma na nget tak uh hun pie zel ina.

JOHAN 15:7

Nanguh keimah a na um zing u a, ka thu le nangmau a a um zing chun, na deih chenguh ngên un, nang u dingin hihin um ina.

JOHAN 16:23

“Zie ni chuh a hungtun tieng leh, nangun kei bangmah ei dawng puo’n lau. tihtakzet in ka hun hilh na hiu hi. Pa kawma bang hitaleh, na nget u chun, keimah min in nanguh hun pie’n a.

JOHAN 16:26

Zie ni tieng chu leh, ka min in thil ngên unlau; chun, ‘Pa kawmah ken hun nget sak ing ka’ ti ka hi puoh a;

JOHAN 16:7

Himahlele, thudik tak ka hun hilh na hiu hi, ka chieh nang u dingin a phai; ka chieh loh chun Lungmuonpa chuh na kawm u a hung lo ding ahi ngâl a. Himahlele, ka chieh chun, nang haw kawma hun sawl ding ka hi.

JOHAN 4:10

Isu’n a dâwng a, a kawmah, “Pathien thilpiek leh dâwn ding nei pie’n ti a na kawma ngên pa hi he leh chin, nangin a kawma ngên zaw ding na hi a, tichun, ama’n hin tui hun pie zaw ding hi a,” a ti a.

JOHAN 4:14

kuole, a kawma tui ka piek ding dâwn ta chuh, kumkhuo’n a dang uh châk kit ta puo’n a, ken tui a kawm u a ka piek ding chuh a sung u ah tuinak hung um intin, kumkhuo tuonga hinna dingin kichik to ina,” a ti a.

JOHAN 5:19

Isu’n amau haw chuh a dâwng a, “Tihtakzet, tihtakzet a ka hilh na hiu hi, Chapa’n amah mai in bangmah a hih thei puoi; Pa thilhih a muh ngâl loh chuh; Pa’n a hih bang bang chuh Chapa’n le a hih sek ahi.

JOHAN 7:37

Chun, Kut kichaihna ding ni lopi pên achun Isu a ding a, aw ngeih tak in a kiko a, “Kuole, a dang a châk chun, ka kawmah hung hen la, dâwn heh.

1 KORINTH 14:13

Zieziekchun, pau zatchuom a thugenpa chun, a hilhchet theihna dingin, paucham hen.

EPHESI 2:18

Chun, Krista ziek mai in ahi, I bawn u a, Juda le, Jentel le, Thagau munkhata Pa kawma lut theihna I neih chiet tak uh hi.

EPHESI 3:12

Krista tawh pumkhata um in, amah I taksanna ziek u chun, nelna leh ngam tak a Pathien kawma lut theihna chuh I nei tau hi.

EPHESI 3:14

Zieziek hin Pa, van leh leia inkuon tinin, min diktak a muhna pau masang achun,

PHILIPPI 4:13

Ei suhatpenpa achun thil bang cheng ka hih thei ahi.

KOLOSSA 3:17

Chun, na hih tak uh chuh, thugen in ahim, thilhih in ahim, amah zâla Pa Pathien kawma kipahthu gen kawmin, Lalpa Isu min in hih vek un.

HEBRAI 13:15

Tichun, amah zal chun kithawihna chuh Pathien kawmah lân zing hi tiu; zie chuh, amah chuh “Lalpa ahi,” tih, mûk a phuondawk a I lat uh chuh ahi ngâl a.

HEBRAI 4:15

Thiempu Lienpen, I hatlohnau ei hetpih a ei thuok pih khalo nei I hi puoh ngâl u a; eihaw guola bangakaia thepna tuoksa, hilele, gitlohna bei, nei I hi zawu ie.

HEBRAI 7:25

Zieziekchun, amah zieka Pathien kawma hungte chuh a tâwp chanin a hukdam thei a, amau haw sik gensak dinga kumkhuo a a hin zing ziekin.

JAKOB 1:5

Na lak uh a kuo’n le, chitna a tâksap chun, mi chengcheng kawma gailo leh it lo a pie sek pa Pathien kawmah ngên hen, khutichun, piek in um ina.

JAKOB 5:16

Khutichun, sukdam a na um theihna dingun, na gitlohnau thupha kichawi tuoh unla, kipauchamsak tuoh sek un. Mi diktat pauchamna chun thil nasatak a hih sek hi.

1 PETER 2:5

Chun, nang haw le, suong hingte guola, thagau lam ho In a sak dawkin na um tau a, Isu Krista zâla Pathien pawm tâk, thagau lam kithawihna lân dinga, thiempu thiengthote banga na zenviel theihna dingun.

1 JOHAN 3:22

Khutichun, a thupiekte I zawp ziekuh leh, amah kipahlam tak I hih sek ziekun, I nget takphawt uh chuh a kawm apat I mu sek ui.

1 JOHAN 5:14

Ziehi Pathien lama I hansan nau chuh ahii, bang hitaleh, a deih lama I nget takphawt uh, ei na zak sak sek hih.