12 Tihtakzet, tihtakzet a ka hilh na hiu hi, kuole, ei gingcha chun, thil ka hih haw hi, ama’n le hih ina; ziehaw sanga thil lopi zaw hile hun hih ina, Pa kawma chieh ding ka hih ziekin.
Isu’n a kawm u ah, “Tihtakzet a ka hilh na hiu hi, taksanna na neih u a, na ginlah loh u chun, theipi chunga ka hih bang mai cha hi hih puou un na tin uh, zie tâng kawma hin le, ‘Na kichawn inla, tuisuohgiet ah na kipaih lut ah,’ na tih u chun na tih guol u chun hung um ina.
Theipi kung, a nahbawk in a khuh lieiluoi chuh gamla tak ah a vak mu a, a gah a muh khâk leh ti’n a va zuon a; himahleh a va tun phetin, a nah ngâllo chuh bangmah a mu puoh a; theipi gah hun a hi puoh him a.
Na lunggil uh lunggim kiheh, lauh le lau kiheh. ‘Chieh mang ding ka hi a, na kawm u ah hungkit ing ka,’ ka hun tih khah na he tau kha. Nangun nei hehpih hi leu chin. Pa kawma ka chieh ding ziekin kipâk ding na hiu a, Pa chuh keimah sangin a lopi zaw ngâl a.
Himahlele, thudik tak ka hun hilh na hiu hi, ka chieh nang u dingin a phai; ka chieh loh chun Lungmuonpa chuh na kawm u a hung lo ding ahi ngâl a. Himahlele, ka chieh chun, nang haw kawma hun sawl ding ka hi.
Isu’n, zie thu haw chuh, a gingchate’n Thagau a muhna ding thuu a genna ahi. Thagau chuh piek a hi tadih puou, Isu chuh lopina a kaihthawh a a um nai loh ziekin.
Khutibang chun, ni sawt tak a hih sek a. A tâwp chun, Paul chuh a lungkim ta puoh a, a kihei a, thitha kawm achun, “Isu Krista min in a sung apat pawt ding thu ka hun piek na hi,” a ti a. Chun, khutih lai tak chun a pawt ngâl ta a.
Khutichun, a sapum apat, khawsa-ul thiekna puon bang, chenthuoh puon bang, damlote kawmah a chawi u a, tichun, a natnateu chuh nawhmang in a um zel ta a, chun, thitha haw le a sung u apat a pawtdawk sek u a.
“Zie mite hi bang I lawh ta ding u? Thilmak kithang taktak a hih ui tih Jerusalem a mite chengin le a he ta ngâl u a, eihawn la I niel thei diek puoh ngâl u a.
Tichun, sawlchakte chun, thilhih-theihna nasatak tawh, Lalpa Isu thawhkitna thu a hetsak sek u a, tichun, Pathien in a bawn u a chung achun vangsakna nasatak a sunkhum ta a.
Khutichun, sawlchakte thilhih ziek chun, damlote le khawlai dung poh ah a puodawk u a, zâlkhun leh puonphah chunghaw a chun a kuol sak u a, Peter chieh viel in a lim bêka a lieh theih na’n, a tiu a.
Khutichun, Pathien thu chuh a zak zel a; Jerusalem khuo achun sinsak haw chuh a hung pung mah mah tau a; thiempute laka mi tamtak inle, taksanna chuh a awi tau hi.
zeng leh kêngbâi tamtak te le a dam tâk ziekun, mipite’n a thu a zak u a, a thilmak hih haw a muh un, Philip thugen chuh lungkiguol takin a khawksak u a.
Himahlele, Peter chun a bawn un a pawtdawk sak vek a, a khupdin a, a paucham ta a; chun, luong lam chuh a nga a, “Tabitha, tho ah,” a ti a. Tichun, a mit a hun hak a, Peter chuh a muh phetin, a chu dawk ta a.
Ziehaw chuh, thu leh thilhih in leh, melchikna leh thilmakte leh, Pathien Thagau Thiengtho mang in a hih a. Chun, Jerusalem apat a, Illurikam gam tienga ka zin lai in le, Krista Chanchin Pha chuh bukim takin ka gen zo tai.