JOHAN 14:10 - PATHIEN LEKHABU THIENGTHO (BSI)

¹⁰ Kei Pa a ka um leh, Pa keimah a um hi tih gingcha lo na hi maw? Na kawm u a ka thugen hi, keimah phuok kawma ka gen ei puoi; Pa chuh keimah ah a um zing a, zie chun thil a hih zawk sek a hii.

JOHAN 14:10 ပူးပေါင်းရင်းမြစ်များ

JOHAN 5:19

Isu’n amau haw chuh a dâwng a, “Tihtakzet, tihtakzet a ka hilh na hiu hi, Chapa’n amah mai in bangmah a hih thei puoi; Pa thilhih a muh ngâl loh chuh; Pa’n a hih bang bang chuh Chapa’n le a hih sek ahi.

JOHAN 10:38

Amahvang chuh, sem ka hih chun, kei ei gingcha kileu chin le, nasephaw bêk hi gingchau in; Pa, keimah ah a um hi tih leh, Kei, Pa ah ka um hi tih na het u a, na ginchak theih na dingun,” ti’n a dâwng a.

NASEPTE 10:38

Nazareth Isu chungchâng thu khah, khati a, Pathien in a chunga Thagau Thiengtho leh thilhih theihna a vuk zie thu haw kha. Amah chuh thilpha hih leh, Diabol bawlsiet chengcheng hihdam in, muntin a fang viel sek a, Pathien a kawma a um ziekin.

JOHAN 12:49

Ka phuok kawma ka gen ei puoi, Pa ei sawlpa chun ka gen ding leh ka hilh ding chuh thu ei piek zawk ahi.

JOHAN 10:30

Kei leh ka Pa chuh pumkhat ka hi ngâl u a,” ti’n a dâwng a.

JOHAN 8:28

Khutichun, Isu mah in a kawm u ah, “Nang un Mihiem Chapa hi na khaih kâng nung u leh, amah chuh ka hii, tih leh. Ken, keimah thu’n thil bangmah ka hih puoi, Pa’n ei hilh guol zel in zie thu haw hi ka gen zawk sek a hi tih hun he ding na hiu.

KOLOSSA 2:9

Pathien hihna bukim chuh Krista mihinna achun a um ngâl a.

JOHAN 17:8

Nangin thu nei piek kha a kawm u ah ka pie ta a, ziehaw chuh a ching u a, nangmah kawm ngêi apat ka hii tih dik takin a he tau a, nei sawl ngêi ka hii tih le a gingcha tau hi.

JOHAN 5:17

Himahlele, Isu’n amau haw chuh a hopih a, a kawm u ah, “Ka Pa’n tu tieng inle na a sem sek, ken le ka sem sek,” a ti a.

1 JOHAN 5:7

Aziek chuh, van achun hetpih thum a um a, Pa tawh, Chapa tawh Thagau thiengtho; zie thum te hi khat ahi.

2 KORINTH 5:19

Khati a, Pathien in, Krista-ah chun mihing chengcheng hi amah tawh kicham in a siem a, a sukkhelhna hawu chuh, sukkhelhna a san sak lo in, kichamna thu ei piek zawk uh ahi.

JOHAN 8:38

Ken, ka Pa kawma thil ka muh te chuh ka gen sek a, nangun. le na pau kawma thil na zak u chuh na hih sek ui,” a ti a.

KOLOSSA 1:19

Pa lung hihna mawng chun, chapa chun amah achun Pathien batna bukim chuh a nei a.

JOHAN 14:20

Zie ni tieng chu leh, Kei pa a ka um leh, Kei nangmau a ka um guolin, keimah ah na um ui tih hun he’n lau.

JOHAN 7:16

Isu’n amau haw chuh a dâwng a, “Ka thu sinsak hi keia a hi puoh a, ei sawlpa a ahi zawi.

JOHAN 8:40

Pathien kawm apat a thudik ka zak chengcheng ka hun hilh a, himahleh, thah nei guo ngâl u a. Abraham in tawbang hin thil a hih ngei dang e!

JOHAN 11:26

kuole, ei gingcha a hing ta chuh, kumkhuo’n thi ta puo’n a, zie thu chuh na gingcha?” a ti a.

JOHAN 3:2

Zie pa chuh zan in Isu kawmah a chieh a, a kawmah, “Rabbi, Pathien kawm apat a sinsakpa dinga hung na hi, tih ka heu a; Pathien a chung u a a um loh chun, zie thilmak na hih bang hi kuoma’n hih thei puo’n au,” a ti a.

JOHAN 14:11

Kei Pa a ka um hi tih leh, Pa, keimah a um hi tih gingchau in.

JOHAN 14:24

Kuole, ei hehpih lo chun, ka thu a zawp puoi; thu na het hawu hi keia ahi puoi; Pa, ei sawlpa a ahi zawi.