JOHAN 13:24 - PATHIEN LEKHABU THIENGTHO (BSI)

²⁴ Simon Peter in zie pa kawm achun, “Kuo thu pên a hi a gen, vak dawng tie,” a ti a.

JOHAN 13:24 ပူးပေါင်းရင်းမြစ်များ

NASEPTE 21:40

Chun, sepaih lawiupa chun lem a sak phet chun, Paul chuh kemkai achun a ding a, mipite chuh thip dingin khut in a vak zap a; chun, a thip huou phet un Hebrai pau in a kawm u ah:

NASEPTE 13:16

Ziephet chun, Paul a ding dawk a, khut in a zap a, a gen ta a: “Israel mite leh Pathien laute haw, ngaithau in!

NASEPTE 12:17

Khutichun, amah chun a thipna dingun khut in a zap a, thamuong takin um un, ti’n, Pathien in suongkul apat amah a puihdawk dante chuh a hilh ta a. Chun, “Zie thu haw hi Jakob suohpihte va hilh un,” a ti a. Tichun, a pawtdawk a, mun chuom ah a chieh ta a.

LUKE 5:7

Ziephet chun, kuong danga a lawiteu um haw chuh amau haw hung panpih ding chun khut in a vak zap u a. Tichun, a hung u a, kuong nih chuh tum vang vang hielin a sungdim gel u a.

LUKE 1:22

Chun, a hung pawt phet chun, amau haw a hopih thei ta puoh a, ziephet chun, Ho-In sung achun kilâkna a mui tih, a he tau a. Thumal khat le a gen thei ta puoh a, a khuta thawh in, a kawm u ah a gen ta a.

JOHAN 13:23

A sinsakte laka mi khat, Isu’n a hehpih chuh, dawhkân sika Isu kawm achun a chu a.

JOHAN 13:25

Khutichun, amah chuh Isu sik achun a kichawn naih deuh a, a kawmah, “Lalpa, kuo pên a hi?” a ti a.