JOHAN 13:21 - PATHIEN LEKHABU THIENGTHO (BSI)

²¹ Isu’n tawbanga chuh a gen zawhin, a lungthim in a lungkham a, “Tihtakzet, tihtakzet a ka hun hilh na hiu hi, na lak u a khat hin ei matsak unlau,” ti’n a gendawk ta a.

JOHAN 13:21 ပူးပေါင်းရင်းမြစ်များ

MATTHAI 26:21

Ankuong a um lai un Isu’n, “Na lak uh a khat hin ei matsak in a,” a ti a.

JOHAN 13:18

“Na bawn u a chung thu gen kei puoi, ka telte chuh ka hêi. Himahlele, ‘Ka chângthâk nekpihpa’n a khawtalzum ka chungah a lek tai,’ tih Pathien lehkha Thu kha a hung guitun theihna ding a hi.

MARK 14:18

Tichun, dawhkan a an a nek lai un Isu’n a kawm u ah, “Tihtakzet a ka hun hilh na hiu hi, na lak u a mi khat, ei nekpih hin ei matsak ding ahi,” a ti a.

JOHAN 12:27

“Tu’n ka lung a dawng hi; bang ka gen ta die aw? ‘Hepa, zie hun apat hin ei hukdam in,’ ka ti die leh aw? Bang hilele, zie gimtheihna thuok hi ka hung lawh ahi ngâl a.

JOHAN 11:33

Isu’n, Mari kap leh a hun zui mipite kap chuh a muhin, a lungthim a in a thum a, a lungkham a, “Amah chuh khawitak ah na siel u?” a ti a.

1 JOHAN 2:19

Amau haw chuh I lak uh apat in a pawt uh a, eihaw tawh I kitimatnau a um loh ziekin. Eihaw tawh kitimatna um hile chuh, I kawmuh a um zing ding a hi ngâl uh a. Himahlele, eihaw tawh I kitimatnau a um puoi tih suklatna dingin, ei taihsan sek uh ahi.

NASEPTE 17:16

Chun, Paul in Athen khuo a Silas leh Timothe a na ngak lai in, khuo chuh pathien lima dim in a mu a, a lung a vilh mah mah ta a.

JOHAN 13:2

Isu leh a sinsakte’n nitâk Ankuong a um u a. Diabol in Simon chapa, Iskariot Juda lungthim achun, Isu matsakna dingin na a na sem zo kêi ta ngâl a.

JOHAN 11:38

Isu chuh a lungthim in a thum kit a, thân chuh a tung ta a. Zie thân chuh suonghâwm ahi a, a kawt bula chun suong a kikawih a.

JOHAN 11:35

Isu a kap ta a.

MARK 3:5

Isu chun a et viel lai in a lungna mah mah a, himahleh, a lunggil tâk zieu chuh a muh in khawk a sa mah mah a. Chun, mi pa kawm achun, “Na khut tung dawk ah.” a ti a. Tichun, a tung dawka, a hung dam ta a.

MATTHAI 26:38

tichun, a kawm u ah, “Ka lungthim a lungkham mah mah ta a, thihna kham hiel ahii; taka hin um unla, nei ven pih un,” a ti a.

JOHAN 13:22

Ziephet chun, Sinsakte chun, kuo a tih chuom a he puou a, a ki-entuoh u a.