JOHAN 13:14 - PATHIEN LEKHABU THIENGTHO (BSI)

¹⁴ Kei Sinsakpa leh Lalpa bawnin na keng uh ka sil chun, nangmau haw le na keng uh na kisil sak dinguh ahi.

JOHAN 13:14 ပူးပေါင်းရင်းမြစ်များ

1 PETER 5:5

Khutibang mah in, nanguh tanglak deuhte haw; upate kawmah kitulut un. A hii, na bawn uh a kizen tuoh chiet dingin, nuoilutchuhna’n kivan un; Pathien in mi husiete a do a, kingainiemte vang chuh lungsietna a pie sek hi.

NASEPTE 20:35

Thil cheng chengah, zie tawbanga hi nasa taka nasem in na zuih dingun ka hun tatmuh sek na hiu kha, Lalpa Isu thu hezing kawmin mi hatlote na panpih dinguh ahi; amah ngêi in, ‘Lak sangin piek in lukhawng a nei zawi,’ a tih kha,” a ti a.

GALATI 5:13

Suohpihte, nang haw suok hilo dinga sap na hi ngâl u a; himahlele, na suok hihloh nau chuh, phehlevo dingin awnthawlna’n mang kiu inla, hehpihna’n kizen tuoh chiet zawu in.

ROME 12:16

Lungthim munkhat in um chiet un. Kingaisang taluo kiu unla, mi neu neu kivawppih zawu in. Ching kisa taluo kih.

1 PETER 4:1

Khutichun, Krista’n taksa ngeia a thuok ziekin, nanguh le zie tawbang ngaihtuohna chuh nei in, kisuhat un: kuole, taksapum ngeia thuoksa te chun gitloh a haihsan sek ngâl a.

1 KORINTH 8:13

Zieziekchun, ka nek le châkin ka suohpih a sukpuk chun, ka suohpih ka sukpuk lohna dingin, kumkhuotuong in, sa himhim ne ta puo’ng ka.

HEBRAI 12:2

Chun, Isu, I taksannau siempa leh subukimpa lam chuh en zing hitiu. Amah chun, a masanga lawpna a um ziek chun, zahchâkna chuh ngaidau in, kross achun a thuok a, tichun, Pathien lalchutphah changlam achun a va chu ta a.

2 KORINTH 10:1

Kei Paul, na kawm u a um chenga nunnem tak leh zaidam taka um a; na kawm u a ka um loh tienga, nanguh a ding a hahkat taka pang sek pa hin, na kawm u ah ka hun ngên hi.

2 KORINTH 8:9

I Lalpau Isu Krista hehpihna chuh, a chatgahna zieka na hung neih zawh theihna dingun, neizo mahlele, nang haw zieka, a hung chatgah tâk khah na he ngâl u a.

ROME 12:10

Suohpihte, kihehpihna lam achun, kihehpih takin kilainat tuoh chiet un; kilimbawlna lam achun, kideihsak tuoh chiet un.

JOHAN 11:2

(Mari chuh, thau gimlim Lalpa nuh a, a sama thiek nu khah a hi a, zie nu suohpihpa Lazarus chuh ahi, damlo chuh.)

1 KORINTH 12:3

Zieziekchun, kuole, Pathien Thagau puih a um ta chun, “Isu chuh hansie dawl ahi,” a ti ngei puou a; kuole, Thagau Thiengtho puih a um lo chun, “Isu chuh Lalpa ahi,” a ti thei diek puou ui, tih na hetuh ka nuom hi.

PHILIPPI 2:11

tichun, Pa Pathien lopina dingin, Isu Krista chuh Lal ahi, ti’n lei tin chengin phuong chiet un au.

1 TIMOTHE 5:10

thilpha hih lama mi pahchak a um; numei, a chate phataka dâwn tei a, malzinte a In a na lawp thiem a, mi thiengthote keng a na sil sak a, mi lunggimte na khuotuoh a; amah mawng thilpha hihna lama kipumpiek mi hi ding ahi.