JOHAN 12:48 - PATHIEN LEKHABU THIENGTHO (BSI)

⁴⁸ Kuole, ei deih lo a, ka thugente pawm nuom lo chuh, a chungthuu tan sak ding khat a nei ui. Ni tawp ni chu leh, ka thugente ngêi hin ahi, amau haw chungthu a hun tan ding chuh!

JOHAN 12:48 ပူးပေါင်းရင်းမြစ်များ

LUKE 10:16

Chun, Isu’n a sinsakte kawmah, “Kuole, nang haw thu ngai chuh, kei thu ngai ahi a, kuole, a hun deihlo chuh, kei ei deihlo ahiu hi; chun, kuole, kei ei deihlo chuh ei sawlpa deihlo ahi,” a ti a.

ROME 2:16

Khutichun, Chanchin Pha ka gen guolin, mihiemte lunggil a thuguk te, Pathien in Isu Krista manga a hun vaihawm ni chu leh zie tawbang mah chuh hi ding ahi.

2 THESSALONIKA 1:8

Pathien nawlh a, Lalpa Isu Chanchin Pha zawp nuom lote gawt dinga, mei kuong tawh a hung tieng leh hih ina.

JOHAN 11:24

Martha chun a kawmah, “Ni beih ni a thawhkitna ni a chun thokit ina tih ka hêi,” ti’n a dâwng a.

HEBRAI 12:25

Thugenpa chuh a na deih lo kha’n lau, chingthei un! Lei a amau haw hilhgaihna thugen ana ngai lote bawn a suohchak loh uh chun, van apat a I kawm u a thu hun gen pa nungngatte hih, suokcha mawh zawsem hitiu!

ISAI 53:3

Amah chuh mite muhsit leh deihloh in a um a, lungkham leh natna he mi ahi a, mite chun kihetmawh sak in a mai uh a sel u a; amah chuh muhsit in a uma bangmah lo a ngaih in a um a.

HEBRAI 2:3

Hiti lâwm lâwma hukdamna lopi hi thahthawt leuhing, bangti’na I suohchak theih mai zên dinguh? Zie hukdamna chuh a tûngin Lalpa ngêi manga phuon a hi a, zie chuh a zata chun a dik ngêi hi tih, ei sukdet sak uh a.

JOHAN 5:45

Ken, Pa kawma ka hun hêk ding kigingcha kiu, a chunga kinepna na kawih pên uh Mosi khan nang haw hun hêk ding ahi zaw ngâl a.

MATTHAI 21:42

Ziephet chun, Isu’n a kawm u ah, “Pathien lehkha a: ‘In sate suong deih loh khah; Zie ngêi chuh a ning a suong phachuom pên a na hi tai. Zie chuh Lalpa hih ahi a, I mitmuh un amak ahi,’ tih hi sim khalo na hiu hi?

1 SAMUEL 10:19

himahlele tuni hin na lungkhamna chengcheng u leh na gimtheihna chengcheng u apat hun hukdawk na Pathien uh ngêi chu na deih ta puou a, a kawmah, Ahi puoh ie, leng ei siem sak in, na tiu a,’ ti’n. Zieziekchun tuhin a nam-a nam leh achi achi’n Lalpa ma ah hung kilak un,” a ti a.

2 KORINTH 4:3

Himahlele, Chanchin Pha ka gen sek uh hi, khuha a um chun, beimang dingte achun ahi, khuha a um sek.

LUKE 20:17

Isu’n amau haw chuh a en a, “Zie Pathien lehkha thu umzie hi bang ahi? ‘In sate suong deih loh kha, zie mawng chuh a ning a suong phachuom pên a na hi, a tii,’ tih hi.

LUKE 17:25

Himahleh, zie masang chun thil tamtak thuok intin, tulai khanga mite deih loh hin le um ding a hii.

LUKE 9:26

Kuole, keimah leh ka thu zahpih ta chuh, Mihiem Chapa hin a lopina tawh, a Pa lopina tawh; a vânsâwlchâk thiengthote lopina tawh a hung tieng chuleh, zie pa chuh hun zahpih ina.

LUKE 9:22

Chun, a kawm u achun, “Mihiem Chapa hin nasatak in thuok intin, upate, thiempu liente leh dân sinsakte deih loh in um intin, thah a um ding ahi a, ni thum ni leh kaihthawh a um ding ahi,” ti’n a gen a.

LUKE 7:30

Himahlele, Pharisaite leh Danthuzikte chuh baptistma a chang nuom puou a, Pathien in amau dinga a lemguot sak chuh a niel tau hi.

MARK 16:16

A gingcha a baptistma chang chuh hukdam in um intin, a gingcha lo chuh vang mawhchang in um ina.

MARK 12:10

Zie Pathien lehkhathu hi na sim puou a ahim? ‘Insate suong deih loh chuh, A ning a suong phachuom pên a hung hi tai;

MATTHAI 25:31

“Mihiem Chapa hi leng guola a vânsâwlchâkte tawh a lopina a kithuoma a hung tieng leh, a lopina chutphah chungah chu’n tin, a ma achun namtin kikhawm un au.

1 SAMUEL 8:7

Tichun Samuel chu Lalpa kawmah a paucham a. Chun, Lalpa chun Samuel kawmah, “Mipite’n na kawma a gen chengcheng u chu ngaitha’n; nang hun deihlo ahi puou a, a chung u a leng dinga kei ei deihlo ahi zawu hi.

NASEPTE 3:23

Mi kuole, zie thiemgau thu ngailo chuh, Pathien mipite laka pat khenchuom in um intin, sukmangthai in um ina!’ a tih khah.

MARK 8:31

Chun, Isu’n a sinsakte chuh: Mihiem Chapa’n thil tamtak a thuok ding te, upate, thiempu liente leh danthuzikte deih loh a a um ding leh thaha a um ding thu leh, ni thum nunga a thawhkit ding thute chuh a sinsak pan ta a.

MATTHAI 10:15

Tihtakzet a ka hilh na hiu hi, thutan ni leh zie khuote sang chun Sodom leh Gomorra gam thuok ding chuh a dân um zaw’n a!

JOHAN 6:39

Ei sawl pa deih bang chuh, Ama’n ei piek chengcheng khat chale mansak lo a, ni tâwp ni a a bawn u a hinna changa kaih thawh vek chuh ahi.

JOHAN 8:47

Pathien kawma pawt chun, Pathien thu a ngaitha sek hi. Zieziek taka chuh na ngaihnawp loh uh ahi, Pathien kawma pawt na hih loh ziekun,” a ti a.

NASEPTE 17:31

Khutichun, khawvel pumpi, a mitelte manga vaihawmna dika thu a tan khumna ding chuh a guot ta a. Zie chuh, Pathien in, amah chuh mithi lak apat kaitho in, mi chengcheng kawmah a hetsak tai,” ti’n.

HEBRAI 4:12

Pathien thu hi a hing a, thil a hih thei a, chemzâm hiem tuok sangin le a hiem a, hinna, thagau leh guh kisuktuohna, theng sukhen thei hiela sun thei ahi; chuleh, lunggel leh lungthim ngaihtuohte hetuok pai zieng thei ahi.

HEBRAI 10:25

Mi khenkhatte hih dân guola, I kivawpkhawmna sekteu haihsan diek lo in, kitîlkhoh tuoh zawi tiu, Lalpa Ni chuh hung nai tel tel a na het u hin, kihah tîl zawsem sem un.

1 PETER 1:5

Hun nunung a lang ding ginna a hukdamna chuh mu dingin; taksanna ziekin, Pathien thilhih theihna a ven chuh na hiu hi.

2 PETER 3:3

A masapen in, ziehi heu in, ni nunung achun, mi, a hinnau amau deih banga puih manga umte hung kilang ding ahiu hi. Ziete haw chun hun nuihsan un tin uh,

2 PETER 3:7

Himahlele, tu a van leh leisiet umte hi, zie Pathien thupiek mah chun, meia sukmangthai dinga sit a hi tai. Pathien khawksalo mite chunga vaihawmna ni leh, sukmangthai ni a dinga sît a um a hi tai.