JOHAN 12:34 - PATHIEN LEKHABU THIENGTHO (BSI)

³⁴ Mipite chun a dâwng u a, “Ka Dan Lehkhabuu chun, Krista chuh kumlekhuo’n hing zing ina, ti’n ei hilh a puo! Aleh, bangti dana, nangin Mihiem Chapa hi khaihkang a um ding ahi na tih a? Zie Mihiem Chapa chuh kuo a hi?” a tiu a.

JOHAN 12:34 ပူးပေါင်းရင်းမြစ်များ

ISAI 9:7

A gam lien zel intin, a vaihawmna leh chamna chun tâwp tik ni nei puo’n a. David lalchutphah leh a lalgam ah chu’n tin, bawt dawk ding leh sudet dingin diktak leh kitûp takin vaihawm ina, tu apat kumlekhuo’n, Sepaihte Lalpa phatchuomngaihna chun zie chuh hih ina.

DANIEL 7:14

A kawm achun thuneihnate, lopinate, leh leng thilhih theihnate chuh piek ahi a, mitin te, namtin te, leh pautin te chun a na sep sak un au. A thuneihna chuh kumlekhuo’n um in tin, bei ngei talo ding ahi a, lalgam chun tawp ni neita puo’n a.

SAM LEHKHABU THE PSALMS 110:4

Lalpa a kihâksiel a, a lungthim kinungzuk ta puo’n a, “Nang vang chuh Melkisedek umdan banga kumsawt a thiempu na hi a,” ti’n.

DANIEL 7:27

Tichun, lei chunga lalgam chengcheng thuneihna leh lopina chuh, Chungnung pên pa Pathien mite kawma chuh piek hi ta’n a. A lalgam chuh tâwp ta puo’n tin, lei chunga vaihawmte chengcheng in a nau sep sak un tin, a thuu zawp ta’n au.” ti’n.

DANIEL 2:44

Chun, zie lengte nihaw achun lalgam hun tungdawk in tin, zie chuh sie ngei ta puo’n tin, a lalna le midang a ding a nutsieh hi puo’n a. Zie lalgam chengcheng hi hihgawp in, hih mang zaw’n tin, kumkhuo’n ding zing ina.

2 SAMUEL 7:13

Amah chun keia dingin Ho-In sa’n tin, a lalchutphah chu kumlekhuo a dingin hih det ing ka.

ROME 5:18

Khutichun, khat sukkhelh ziekin, mawhchansakna vaihawmna chuh mi chengcheng chungah a hung um a; khutibang mah chun, khat diktat ziekin, hinna muh na’n, thiem chansakna thil thawnpiek chuh mi chengcheng chungah a hung um tai.

MIKA 4:7

Tichun, kêngbâi chuh suohchak sak ing ka ting, gamla taka nawhmang a umte chuh nam lopitak a siem ding ka hi.

SAM LEHKHABU THE PSALMS 72:7

Mi diktat chuh a damlai in duoh hut hut hen la; Thapi a beih masang sieh in thamuong takin um hen.

ROME 3:19

Khutichun, Dan in thil bang hitaleh a gen ta chuh, kam tin cheng a thip theihna ding leh khawvel pumpi Pathien masanga thiemloh a chan theihna dingin Dan thu thu a umte kawma a gen ahi tih I heu hi.

JOHAN 15:25

Bang hitaleh, Dan Lehkhabu ah, ‘Amau haw’n bangmah a ziek dukdak um lo in ei hawu ahi,’ tih zik kha a hung guitun theihna dingin ti ahiu hi.

JOHAN 12:32

Chun, kei lei apat a khaihkang a ka um chun, mi chengcheng ka kawmah hîp vek ing ka,” a ti a.

JOHAN 10:34

Isu’n a kawm u ah, “Na Dan Lehkhabuu ah, ‘pathien haw na hiu ka tii,’ tih zik hilo ahim?

ISAI 53:8

Thudik a vaihawmna chuh heikawi in, thah dingin amah chuh a pui u a; himahleh, a tunung thu ding kuo a ngaihtuoh sak? Mihing gam apat in satthak in a um a; I miteu gitlohna zieka sukliem a um ahi ngâla.

MATTHAI 21:10

Chun, Isu chuh Jerusalem khuo a hung lut phetin, a khuozâng un: “Zie pa hi kuo ahim?” ti’n a phu mul mul zieng tau a.

MATTHAI 16:13

Chun, Isu chuh Philippi, Kaisari biel chuh a hung tun in, a sinsakte kawmah, “Mi haw’n Mihiem Chapa hi kuo ahi a tiu hi?” ti’n a dâwng a.

MATTHAI 8:20

Isu’n a kawmah, “Si-âlte’n kuo a nei u a; vachate’n bu a nei u a, himahleh, mihing chapa hin vang lungakna ding a nei puoi,” a ti a.

JOHAN 8:28

Khutichun, Isu mah in a kawm u ah, “Nang un Mihiem Chapa hi na khaih kâng nung u leh, amah chuh ka hii, tih leh. Ken, keimah thu’n thil bangmah ka hih puoi, Pa’n ei hilh guol zel in zie thu haw hi ka gen zawk sek a hi tih hun he ding na hiu.

HEBRAI 7:24

Himahleh, Isu chuh kumlekhuo a a hin zing ziekin, a thiempu hihna nasep chuh san theih loh in a neih zing zawk ahi tai.