JOHAN 12:32 - PATHIEN LEKHABU THIENGTHO (BSI)

³² Chun, kei lei apat a khaihkang a ka um chun, mi chengcheng ka kawmah hîp vek ing ka,” a ti a.

JOHAN 12:32 ပူးပေါင်းရင်းမြစ်များ

JOHAN 8:28

Khutichun, Isu mah in a kawm u ah, “Nang un Mihiem Chapa hi na khaih kâng nung u leh, amah chuh ka hii, tih leh. Ken, keimah thu’n thil bangmah ka hih puoi, Pa’n ei hilh guol zel in zie thu haw hi ka gen zawk sek a hi tih hun he ding na hiu.

JOHAN 3:14

Chun, Mosi’n thaleka dâkgûl a khaih kâng guol khan, Mihiem Chapa hile khaihkang a um ding ahi:

1 PETER 2:24

Gitloh lama thi a, diktatna lama I hin theihna dingun, Krista mawng chun kross lêk a khan a sapum in I gitlohna hawu a puo a, amah kizêpna kigawlh haw chun sukdam in na um tau hi.

JOHAN 6:44

Pa, ei sawl pa’n a hîp loh chun, kuomah ka kawmah hung thei puo’n au; chun, ken ni tâwp ni chuleh a hung chuh kaitho ing ka.

1 JOHAN 2:2

Amah chuh I gitlohteu lutchamna a hii; eihaw gitlohna mai hilo in, mi chengcheng gitloh lutchamna le ahi.

1 TIMOTHE 2:6

Mi chengcheng tatna dinga kipiepa chuh ahi.

HEBRAI 2:9

Himahlele, Isu chuh, Pathien hehpihna zieka mitin a dinga thi a hih theihna dingin, chawmkhat sung maia dingin vânsâwlchâkte sanga nuoinung zaw deuha siem in I muu hi. Tuhin vang chuh, thihna thuokna zieka lopina leh limbawlna lallukhuk chuh khuk saka um in I mu zaw tau ahi.

GALATI 3:13

Himahlele, Krista chuh I sik uh a hansiedawl a um in; Dan hansie lak apat chuh ei tandawk tai; Pathien Lehkha thu chun, “Thing a kikhai ta chuh, hansiedawl ahiu,” ti a a gen guol khan.

JOHAN 1:7

Zie pa chuh vak thu hetsak dingin a hung a; amah vanga mi cheng cheng in a het u a, a ginchak theihna dingun.

HOSEA 11:4

Mihing khauhuol, lungsietna khaugui haw chun amau ka kai a. Dawm sangin, ka bieng tawh ka sutuoh a; a masang u a kun in nek ding ka pie a.

THUPHUON 5:9

Chun, amau haw chun, “Nang, lehkhabu chuh laa, A tiemtehna te phel tâk na hi ie; Thah in na um ta a, Chitin a mite, namtin a mite, Pathien dingin na thisan in na chaw a,

1 PETER 3:18

Pathien kawma ei uh ei puih theihna dingin, Krista chun gilote ziekin khatvei a thuok ta ngâl a, mi diktat chun mi diktatlo sik in a thuok a; a taksa ngêi chuh thaha um in, thagau vang achun sukhin in a um a;

JOHAN 19:17

Amah chun a kross chuh kiput in, “Luguh mun,” a tih uh, (Hebrai pau a Golgotha) kiti mun tieng chun a chieh ta a.

ISAI 49:6

Lalpa’n ka kawmah, “Jakob namte tundin na ding leh Israel chate laka bitna a um kitna dinga suok a ka hun siem hi thil neucha ahi; Jentel te salhvak dingin le hun guot ing ka ting; khutia chuh ka hukdamna hih kâwlmawng tieng ale atun theih na dingin” a ti a.

JOHAN 12:34

Mipite chun a dâwng u a, “Ka Dan Lehkhabuu chun, Krista chuh kumlekhuo’n hing zing ina, ti’n ei hilh a puo! Aleh, bangti dana, nangin Mihiem Chapa hi khaihkang a um ding ahi na tih a? Zie Mihiem Chapa chuh kuo a hi?” a tiu a.

SOLOMON LA 1:4

Ei kai inla, hun zui ing ka, ei puilut tai, leng chun a indan sung ah; nangmah a chun lâwpin kipâk ing kau, gen zel ing kau na hehpihna, uain sang in, a hun hehpih takzet ui.

2 SAMUEL 18:9

Chun, Absalom chun David mite chu a va kituokpih phut ta a. Chun, Absalom chu a sabiltung chungah a chu a, chun, sabiltung chu gangpi thingbawk phatak nuoia hin a tai lut a, a lu chu gangpi thing achun a tâng ta a, lei sulo, van sulo in a kikhai zing ta mai a; a sabiltung chu la a tai zang pai ta a.

ISAI 11:10

Chun, zie ni chuleh hiti hi hung hi’n tin, Jessai zung, mitin tiemtehna dinga ding chuh, amah ngêi chuh namtin in dawp tau intin; a chawlhna mun chuh lopi ina.

JOHAN 18:32

(Isu’n a thih dân ding thu a gen banga kha a hung tunna dingin ziehaw huh hung um ahi.)

KISIMNA 21:9

Khutichun Mosi chun sumeng gûl lim a siem a, khuom ah a khâi ta a; kuole, gûl chuk taphawt chun sumeng gul lim chuh a et u leh, a dam zel tau hi.