JOHAN 12:31 - PATHIEN LEKHABU THIENGTHO (BSI)

³¹ Tu’n zie khawvel hi a chung thu ngaihtuoh hun a hi ta a; zie khawvel vaihawmtu hi paihthak a um ding ahi.

JOHAN 12:31 ပူးပေါင်းရင်းမြစ်များ

2 KORINTH 4:4

Zie khawvel pathien hin a lungthim teu a sukdûk ziekin, a gingcha puou hi. Krista lopina, Pathien batpih ngêi, Chanchin Pha eng chun amau haw a salh theih lohna dingin a siem sek hi.

1 JOHAN 5:19

Khawvel pumpi hi zie Migilo vaihawmna nuoi a chuh um hi himahleh, Pathien a I hiu hi tih I he ngâl uh a.

1 JOHAN 3:8

Kuole, thilhih gilo zingzing chuh Diabol a pawt ahi: Diabol chun atûng apat thil a sukhiel ngâl a. Pathien Chapa hung kiphuon lawh pên chuh, Diabol nasep a sukmangthai theihna ding ahi.

EPHESI 6:12

I kibuonpih hawu hih sapum leh thisan a hi puoh a; lalna haw leh, thuneihna haw, leh zie khawthim chunga vannuoi vaihawm haw leh, van mun haw a thagau phalo um haw ahi zawu hi.

JOHAN 14:30

Na kawm u ah thu gen kit man ta puo’ng ka, zie khawvel vaihawmpa hi hung ding ahi ta ngâl a; amah chun ka chungah bangmah hih theih him a nei puoi,

HEBRAI 2:14

Tichun, chapangte hi, phehlevo leh thisan neite ngêi ahiu a, zie tawbang mah chun Isu ngêi chule a mihiem hihnau chuh nei in, amau haw tawbang chuh a hung hi ta a. Zie chuh, thihna chunga thunei, Setan thahatna chuh a thihna zieka a sukmangthai theihna ding leh,

KOLOSSA 2:15

Krista chun lalna leh thuneihnate chuh hâwk tha’n, zie kross achun ziehaw chuh zo in, a zawhna chuh tângphuong takin a etsak ta a.

1 JOHAN 4:4

Naute, Pathien a na hiu a, ziehaw chuh na zo tau hi, nangmau a Thagau um chuh, khawvel a thagau um sanga chuh a hatzawk ziekin.

MATTHAI 12:28

Amahvang chuh. Ken Pathien Thagau zieka thithate delh dawk sek ka hih chun. Pathien gam chuh na kawm u a hung tung hi ta’n a.

THILSIEMBUL 3:15

Chun, nang leh numei hi hun kidosak ing ka ting; nang suonte leh numei suon le kido sak ing ka; amah chun na luchang khên thidup intin nangin a khawtalzum chu thidup in la,” a ti a.

NASEPTE 26:18

A mit uh hihvak ding leh, thimna apat a vak lama kiheisak kit ding leh, Setan thilhih theihna apat a Pathien lama kihei kit a, kei ei taksan ziek u a, a gitlohnau ngaihdama um a, Pathien mite laka go chan a neihna dingun,’ a ti a.

ISAI 49:24

Sepaihte khut apat in gâllâk thilte chuh na la thei dinga ahim? Mi hangsan in suok dinga a puihte chuh na chuhtha thei dinga ahim?

JOHAN 3:19

Ziehi mawhna chuh a hii: Vak van nuoi ah a hung a, himahlele, mite’n vak sangin thim a deih zawu, a thilhih hawu a gitloh ziekin.

JOHAN 9:39

Isu’n “Zie vannuoi leisiet a hin, vaihawm dinga hung suk ka hi, mitdûkte chuh a mit uh a hung vakna ding leh, mit vakte chuh a mit uh a hung dûkna dingin,” a ti a.

1 KORINTH 1:20

Miching chuh khawitak ah a um hi? Dan thu zikpa chuh khawitak ah a um hi? Zie van nuoia mi nielhatpa chuh khawitak ah a um hi? Pathien in, zie vannuoi chitna hi, ngawlhuoi ahi, tih a hetsak hilo ahim?

1 KORINTH 1:21

Pathien in a chitna chun, mihiemte’n chitna manga amah a het theih loh nung un thugen ngawlhuoi manga gingchate hukdam chuh, Pathien in pha a sa ta a.