JOHAN 12:25 - PATHIEN LEKHABU THIENGTHO (BSI)

²⁵ Kuole, a hinna thalah chun a chan sek a; kuole, zie khawvel a hi, a hinna ngaitam chun, kumsawt a hinna ding vawp zing ina.

JOHAN 12:25 ပူးပေါင်းရင်းမြစ်များ

MATTHAI 10:39

Kuole, a hinna mu chun chan intin; chuleh, kei min zieka a hinna chân chun mu’n a.

LUKE 17:33

Kuole, a hinna humbit guo ta’n chan intin, kuole, a hinna chan ta’n humbit ina.

MARK 8:35

Kuole, a hinna humbit nuom ta’n chan in tin; himahleh, kei ziek leh Chanchin pha zieka a hinna chân ta’n humbit ding ahi ngâl a.

MATTHAI 16:25

Kuole a hinna hukbit nuom ta chun chan intin; kuole, kei zieka hinna chan tan, hukhing ina.

LUKE 14:26

“Kuole, ka kawma hung chun, a pa te, a nute, a zite, a chate, a suohpih te, a suohpihnute, leh amah hinna nasan le a hawt loh chun, ka nungzui hi thei puo’n a.

THUPHUON 12:11

Belamno thisan vang leh, thudik a hettuoksak thuu vanga guolzote a hiu a, a hinnau chan khawp leh thih ngama pang te a hi ngâl uh a.

MATTHAI 19:29

Kuole, suohpihte ahim, suohpihnute ahim, nu ahim, chate ahim, gam ahim, ka min zieka taihsan ta chun aleh za muu untin, kumsawt a hinna hung chang un au.

NASEPTE 20:24

Himahlele, kitaihsiekna lampi, ka maban muolsuoh ding leh, Pathien lungsietna Chanchin Pha phuong dinga Lalpa Isu’n nasep ding ei piek chuh sem buting phawt leng, ka hinna le thaklah takin ka ngai puoi.

THUGENPA 2:17

Zieziekchun, hinkhuo hi ka haw a, a ziek chuh ni nuoia thil kibawl hih keia dingin lungkham um ahi a; thil chengcheng hih bangmahlo mai ahi.

NASEPTE 21:13

Himahleh, Paul chun, “Bang na tiu a ahim, na kah na kah uh a, ka tha na suksiet uh? Lalpa Isu min ziek chun, Jerusalem khuo ah kân maicha hi puo’ng ka ting, thih le hung thi ding ka hi a puo!” a ti a.

HEBRAI 11:35

Taksanna ziekin numeite chun, a inkawteu thisa thokit te a muu a. Khenkhatte chuh sawisak in a um uh a, thawhkitna phazaw a chan theihna dingun, hukdawk a um a nuom puou hi.