JOHAN 12:23 - PATHIEN LEKHABU THIENGTHO (BSI)

²³ Isu’n a dâwng a, a kawm u ah, “Mihiem Chapa limbawla a um phat chuh a hungtung tai.

JOHAN 12:23 ပူးပေါင်းရင်းမြစ်များ

ISAI 55:5

Tichun, na hêtkhâk loh gamdang mite chuh sam in na tin, nang hun helo namdangte chuh na kawmah hung tai khawm un au. Kei, Lalpa na Pathien, Israel Pathien Thiengtho hin ziehaw chuh hih ing ka ting, lopina leh limbawlna hun pie’ng ka!

ISAI 60:9

Amah chun ahun limbawl tâk ziekin, Lalpa na Pathien min a ding leh Israel Mithiengtho a ding chun na chapate chuh a dangkau leh sana tawh gamla tak apat a pui dingin, matheilo in tuikuol a umte chun ei ngak un, Tarshis lawngte chun masak pên hih guo’n au.

MATTHAI 25:31

“Mihiem Chapa hi leng guola a vânsâwlchâkte tawh a lopina a kithuoma a hung tieng leh, a lopina chutphah chungah chu’n tin, a ma achun namtin kikhawm un au.

MATTHAI 26:45

Zie zawh chun sinsakte kawm achun a hungkit a, a kawm u ah, “Tuhin chuh ipmuu inla, kichawl tau in! ngaitiem u! a phat a hung tung ta a, Mihiem Chapa hi mi gilote khuta matsak ding ahiu hi.

MARK 14:35

Chun, masang lam zuonin neu khat a chieh a, tuol ah a bawkkhup a, a hihtheih chun, zie hun chun amah peltha dingin a paucham a,

MARK 14:41

Chun, a hung thumveina achun, a kawm u ah, “Tuhin chuh ipmuu inla kichawl tau in. A hun tai! A hun chuh a hung tung tai! En tiem u, Mihiem Chapa hi migilote khuta matsak a um ding ahi.

JOHAN 12:16

Ziehaw chuh, a tûngin a sinsakte’n a he puou a; himahlele, Isu limbawla a um nung leh, a chanchin ah zie thu haw chuh zik a hii tih leh, a chungah ziehaw chuh a na hih nau hi tih a na he tau hi.

JOHAN 12:27

“Tu’n ka lung a dawng hi; bang ka gen ta die aw? ‘Hepa, zie hun apat hin ei hukdam in,’ ka ti die leh aw? Bang hilele, zie gimtheihna thuok hi ka hung lawh ahi ngâl a.

JOHAN 13:1

Chun, Isu’n, Chiehkân Kut maa zie khawvel hi pawtsan a, Pa kawma chieh phat a tung tai tih a he a. Amah mi, khawvel a um, a hehpih sekte chuh, a tâwp tiengin le a hehpih zing a.

JOHAN 7:39

Isu’n, zie thu haw chuh, a gingchate’n Thagau a muhna ding thuu a genna ahi. Thagau chuh piek a hi tadih puou, Isu chuh lopina a kaihthawh a a um nai loh ziekin.