JOHAN 11:55 - PATHIEN LEKHABU THIENGTHO (BSI)

⁵⁵ Chun, Judate Chiehkân Kut chuh a nai ta a, tichun, mi tamtak, gamsung apat, Chiehkân Kut ma’n, kithiensak dingin Jerusalem khuo ah a va chieh u a.

JOHAN 11:55 ပူးပေါင်းရင်းမြစ်များ

THILSIEMBUL 35:2

Chun, Jakob in a inkawte leh a kawma um cheng chengte kawm achun, “Na lak u a midang pathien um haw chuh kawihmang kêi un; kisuthieng unla, na silhlechen hawu theng un:

JOB LEHKHABU THE BOOK OF JOB 1:5

Khutia a guolvaknau a zawh tieng u chuleh, Job chuh zingkal matak in a tho a, a bawn u a thien sakna dingin a min kim u a dingin maichâm a siem a. Ka chapate hin thil a na hihkhiel in, Pathien ana gensie kha’n au a tih ziekin Job chun hitibang chun a hih zing sek hi.

SAM LEHKHABU THE PSALMS 26:6

Ka khut haw hi demna bei in sil ing ka ting, Tichun, Aw Lalpa, na maichâm chu kimvel ing ka:

PAWTDAWKNA 19:10

Chun, Lalpa’n Mosi kawmah, “Mipite kawmah va chieh inla, amau haw chuh tuni tawh zing leh mipite chuh kisuthieng u henla, a puonhawu sawp ngim u hen,

KISIMNA 9:10

Israel chate kawma zie thu hi gen dingin a hilh a, “Na lak u a mi le, na suonteu laka mi hitaleh mithi luong zieka thienglo ahim, a na zinmang ahim, a na um khâk u chun Lalpa dinga Chiehkân Kut chuh a neih tho dinguh ahi;

KISIMNA 9:6

Himahleh, kuote ahim, mithi luong khawih zieka thienglo a na um u a, Chiehkân Kut ah a tel thei ta puou hi; zie ni mah chun Mosi leh Aron kawm achun a chieh uh a;

MATTHAI 26:1

Chun, Isu’n zie thu chengcheng chuh a gen zawhin, a sinsakte kawmah,

MATTHAI 26:2

“Ni nih hal leh Chiehkân Kut hung um ding ahi tih heu un, Mihiem Chapa hi khetdên dingin matsak ding ahiu hi,” a ti a.

MARK 14:1

Chun, ni nih zawh chuh, Chiehkân Kut leh Chângthâk Chawl sawhloh Kut hi ding a hi a; thiempu liente leh dân sinsaktute chun, Isu lepbawl a, a thah theihna dinguh a gûkin a hawl tau a.

LUKE 22:1

Chun, chângthâk chawl sawhloh Kut, Chiehkân Kut a tih u chuh a nai ta a.

JOHAN 12:1

Chun, Chiehkân Kut masang ni gup chun, Isûn thihna apat a a kaihthawh, Lazarus umna khuo Bethani khah a hung tung a.

JOHAN 13:1

Chun, Isu’n, Chiehkân Kut maa zie khawvel hi pawtsan a, Pa kawma chieh phat a tung tai tih a he a. Amah mi, khawvel a um, a hehpih sekte chuh, a tâwp tiengin le a hehpih zing a.

JOHAN 18:28

Chun, zingkal matak in Isu chuh Kaiapha In apat chun, gamvaipuo pa In achun a pui u a. Juda lawiupa haw chuh vang leng in achun a lut puou hi, khutilochun, kisubuok un tin uh, Chiehkân Kut an ne theilo ding a hih ziekun.

JOHAN 2:13

Chun, Judate Chiehkân Kut a nai ta a, Isu Jerusalem khuo ah a va chieh a.

JOHAN 2:6

Chun, Judate kithiensak dân guolin, suong tuibel gup, buk sawmli mun nih ahim, mun thum ahim, dawl chiet tak achun a tung u a.

JOHAN 5:1

Zie thil haw nung chun, Judate Kut khat a um a; Isu le Jerusalem khuo ah a va chieh a.

JOHAN 6:4

Chun, Chiehkân Kut, Judate guolvakna chuh a nai ta a.

NASEPTE 21:24

amau chuh pui inla, kithiensak a bawlnau achun va tel inla, a dangka sen ding cheng u chuh va piek sak ah, tichun, a sam uh met thei ding ahiu hi. Khutichun, mi chengin, mi kama na thu a zak hawu khah thudik ahi puoi tih heu u’ntin, chun, nangmah ngêi le Dan zawp in diktat takin na um zawi tih he ding ahiu hi.

NASEPTE 21:26

Chun, a zing chun, Paul in pasalte chuh a pui a, amau chu tawh kithiensakna a bawl u a, chun, Pathien Ho-In achun a lut a, a kithiensaknau hun tawp ni ding leh, a bawnu a dinga kithawihna a latna dinguh hun chuh thiempute a hetsak a.

NASEPTE 24:18

Zie chuh ka lat laia, kithiensakna ka bawl zawh nung chuh ahi, Pathien Ho-In a ei muh nau chuh. Ka kieng ah mipi a um puoh a, bangmah buoina le a um puoi,

1 KORINTH 11:28

Khutichun, mi amah kiphawchien masa hen la, chun, chângthâk chuh ne’n, khawn chuh dâwn hen.

JAKOB 4:8

Pathien naih un, tichun ama’n hun naih ina. Mi gilote haw, na khut hawu silngim un la, lungthim mumal neilote haw, na lunggil uh suthieng un!

1 SAMUEL 16:5

Chun, amah chun, “Apha lam kawk hi e! Lalpa kawma kithawi dinga hung ka hi; kisuthieng unla kithawihna ah hung un,” a ti a. Chun Jessai leh a chapate chu a suthiengtho a, kithawihna achun a chiela.