JOHAN 11:42 - PATHIEN LEKHABU THIENGTHO (BSI)

⁴² Kumkhuo’n ka thu nei zakpih hi tih ka he zing a; himahlele, zie a mipi ding haw ziek hin ka tih a hii, nang nei sawl ngêi a hii tih, ei ginchak theihna dingun,” a ti a.

JOHAN 11:42 ပူးပေါင်းရင်းမြစ်များ

JOHAN 3:17

Pathien in khawvel mawhchansak dingin a Chapa khawvel ah a hun sawl puoh a, amah zieka hukdama a um theihna dingun a sawl a hi zawi.

JOHAN 17:21

A bawn u a pumkhat a hih theihna dingun ka ngetsak ahi. He Pa, nang keimah a na um leh, kei nangmah a ka um mah bang hin, amau haw le eimah a a umna dingun. Pumkhat a hih u a, ti a chuh khawvel in kei nei sawl ngêi ahi tih a ginchak theihna dingun.

1 JOHAN 4:14

Chun, Pa’n a Chapa chuh khawvel hukdampa dingin a hun sawl hi tih keihaw’n ka mu tau a, mi dangte ka hilh sawn uh ahi.

HEBRAI 7:25

Zieziekchun, amah zieka Pathien kawma hungte chuh a tâwp chanin a hukdam thei a, amau haw sik gensak dinga kumkhuo a a hin zing ziekin.

HEBRAI 5:7

Amah chun, phehlevo a a umlai nihaw khan, thihna laka amah hukdawk theipa kawm achun hahpi a kiko leh, mitthi thiek kawmin, pauchamna leh ngetna a nei a. Tichun, a kingaihniem ziek leh, a kipumpiek ziek chun, Pathien in a ngaitha ta a.

ROME 8:3

Phehlevo zieka Dan chuh a hatloh a, a hih theih guol loh chuh, Pathien in amah Chapa ngêi, phehlevo gitloh bang pu’n, gitloh thawihna dingin a hun sawl a, phehlevo a gitlohna um chuh mawh a hun chansak ta a:

JOHAN 20:31

Himahlele, ziehaw hi, Isu chuh Krista, Pathien Chapa a hii tih na ginchakna dingu leh, na ginchak u a, a min a hinna na neih na dinguh a zik ahi.

JOHAN 17:25

Aw he Pa diktat! khawvel in vang a hun he puou a, ken vang ka hun hêi; te haw hin le, nangin kei nei sawl a hii tih a heu hi.

JOHAN 17:8

Nangin thu nei piek kha a kawm u ah ka pie ta a, ziehaw chuh a ching u a, nangmah kawm ngêi apat ka hii tih dik takin a he tau a, nei sawl ngêi ka hii tih le a gingcha tau hi.

JOHAN 11:22

Tuhin le, Pathien kawma na nget takphawt chuh hun pie’n a tih ka hêi,” a ti a.

MATTHAI 26:53

Tuhin le, vânsâwlchâk sanggup mun sawm le mun nih sanga tamzaw ei hun sawl sak dingin ka Pa kawma ngên thei lo dingin nei gingchau a ahi leh?

GALATI 4:4

Himahlele, a hunbi a hungtun khan, cha hihna I muh theih na dingun.

JOHAN 11:31

In sunga a thamuon dinga Mari kawma um haw chun, a kipan a, kin taka a pawtdawk a muh u chun, thana kap dinga chieh ding ahi khuh, ti’n a zui u a.

JOHAN 8:42

Isu’n a kawm u ah, “Pathien na pau a hih chun, nangun ei hehpih ta’n lau; Pathien kawma pawt leh, a kawm apat hung ka hi ngâl a. Keimah thu a hung ka hi puoh a, ama’n ei sawl zawk ka hi.

JOHAN 8:29

Ei sawlpa chuh ka kawmah a um a, ei thahtham puoi; a thil kipahlam tak ka hih zing sek ziekin,” a ti a.

JOHAN 8:16

Himahleh, a na awimawh hita leng chuh, ka awihmawhna thu chuh dik ina, kei mai ka hi puoh a; Pa, ei sawl pa chun ei umpih ziekin.

JOHAN 11:43

Khutia a gen zawh phet chun, ngeih tak in, “Lazarus, hung pawt ah,” ti’n a kiko a.

JOHAN 12:11

Amah zieka Judate tamtakin, a taihsan u a, Isu a ginchak ziekun.

JOHAN 12:17

Chun, Lazarus thân apat a sap dawk a, mithi lak apat a kaih thawh laia, a kawma mipi umte khan a thu chuh a hetsak zel tau a.