Thiempu Lienpen, I hatlohnau ei hetpih a ei thuok pih khalo nei I hi puoh ngâl u a; eihaw guola bangakaia thepna tuoksa, hilele, gitlohna bei, nei I hi zawu ie.
Amah chuh mite muhsit leh deihloh in a um a, lungkham leh natna he mi ahi a, mite chun kihetmawh sak in a mai uh a sel u a; amah chuh muhsit in a uma bangmah lo a ngaih in a um a.
Himahleh, na ngaihthak loh u chun na chapona ziekun ka hinna hi a gûk in kap in a. Ka mitthitui nasatak in luong zing in tin; Lalpa belam hawn chuh sala puih ahih tâk ziek un.
Chun, a kawm u ah zie thu hi na gen ding ahi; “A sun a zan in ka mitthitui luong henla, hul himhim kihen. Ka mi te chanu thiengtho chun liemna nasatak leh zêpna huoisie tak chuh a thuok ta ngâl u a.
A lungkhamna chengcheng u achun amah chule a lungzîng seka, a masanga um Vânsâwlchâk chun amau chuh a hukdawk seka; a hehpihna leh a zahngaihna chun a tandawk ta a, a masang hun lai cheng khan amau chuh a puoh a, a pawm sek hi.
Ziehaw ziek chun ka kap a, ka mit chu mitthi tui in achup ta a; Ka hinna suhalh ding thamuontu kei apat a gamla ta a. Melmate’n ei zawh tâk ziekun ka chate chu amau maia nutsieh in a um tau hi.
Chun, zie thu haw chuh a ngaihthak lai un, Jerusalem khuo a naih tâk ziek leh Pathien gam hunglang zieng dinga a ginchak ziekun tehkal thu a gen tel a.
