JOHAN 11:33 - PATHIEN LEKHABU THIENGTHO (BSI)

³³ Isu’n, Mari kap leh a hun zui mipite kap chuh a muhin, a lungthim a in a thum a, a lungkham a, “Amah chuh khawitak ah na siel u?” a ti a.

JOHAN 11:33 ပူးပေါင်းရင်းမြစ်များ

MARK 3:5

Isu chun a et viel lai in a lungna mah mah a, himahleh, a lunggil tâk zieu chuh a muh in khawk a sa mah mah a. Chun, mi pa kawm achun, “Na khut tung dawk ah.” a ti a. Tichun, a tung dawka, a hung dam ta a.

MARK 9:19

Ziephet chun, Isu’n a kawm u ah, “Aw khangthak taksanna nei lote haw, bang chana na kawm u a ka um a, bang chana ka hun hungaih theih ding? amah chuh ka kawmah hun pui un,” a ti a.

JOHAN 11:19

tak achun, a suohpihpau thihna chunga thamuon dingin, Judia gam mi tamtak, Martha leh Mari kawm achun a hung u a.

JOHAN 11:31

In sunga a thamuon dinga Mari kawma um haw chun, a kipan a, kin taka a pawtdawk a muh u chun, thana kap dinga chieh ding ahi khuh, ti’n a zui u a.

JOHAN 11:34

Amau chun a kawmah, “Lalpa, hung inla, en tie!” a tiu a.

JOHAN 11:35

Isu a kap ta a.

JOHAN 11:38

Isu chuh a lungthim in a thum kit a, thân chuh a tung ta a. Zie thân chuh suonghâwm ahi a, a kawt bula chun suong a kikawih a.

JOHAN 12:27

“Tu’n ka lung a dawng hi; bang ka gen ta die aw? ‘Hepa, zie hun apat hin ei hukdam in,’ ka ti die leh aw? Bang hilele, zie gimtheihna thuok hi ka hung lawh ahi ngâl a.

JOHAN 13:21

Isu’n tawbanga chuh a gen zawhin, a lungthim in a lungkham a, “Tihtakzet, tihtakzet a ka hun hilh na hiu hi, na lak u a khat hin ei matsak unlau,” ti’n a gendawk ta a.

ROME 12:15

Kipakte chuh kipahpih unla, kapte chuh kahpih un.

HEBRAI 4:15

Thiempu Lienpen, I hatlohnau ei hetpih a ei thuok pih khalo nei I hi puoh ngâl u a; eihaw guola bangakaia thepna tuoksa, hilele, gitlohna bei, nei I hi zawu ie.