JOHAN 11:25 - PATHIEN LEKHABU THIENGTHO (BSI)

²⁵ Chun, Isu’n a kawmah, “Kei hi thawh kitna leh hinna chuh ka hii. Kuole, ei gingcha chuh, thi mahlele hing ina;

JOHAN 11:25 ပူးပေါင်းရင်းမြစ်များ

SAM LEHKHABU THE PSALMS 36:9

Hinna tuikhuk chuh na kieng ah a um ngâla: Na vak achun vak mu’ng ka tin uh.

ISAI 26:19

Na mithi te chuh hung hing kit untin, a luongteu chuh hung tho kit ina. Aw nang haw leivui a ipmute haw, hung tho unla, kipahna la sau in. Na dâichîm chuh thaichi dâichîm bang ahi a, hun sawt taka ana thite chuh lei hin hun paih dawk ding ahi ngâl a, tih hi.

ISAI 38:16

“Aw Lalpa, zie bang thil ziek hin mihingte hi a hing sek uh a, zie tak mai achun ka thagau hinna chuh a um sek hi; Zieziekchun, ei hihdam kit inla, nanga ding mai in hing ing ka ting, nang ding chauh in ei hihdam inla, ei hinsak in.

LUKE 23:43

Isu’n a kawmah, “Tihtakzet a ka hun hilh na hi, tuni hin, ka kawmah, paradis ah um inla,” a ti a.

JOHAN 1:4

Amah achun hinna a um, zie hinna chuh mihiemte vak ahi.

JOHAN 14:19

Chawmkhat hal leh, khawvel in ei mu kit ta puo’n au; himahlele, nang u vang in chuh ei mu’n lau; keimah ka hin ziekin, nang haw le hing un lau.

JOHAN 14:6

Isu’n a kawmah, “Keimah hi lampi leh Thutak leh Hinna ka hii; keimah a chieh lo chuh, kuomah Pa kawm a tung ngei puou.

JOHAN 3:16

Pathien in khawvel a hehpih mah mah ziekin, a Chapa changkhat neih sun a pie a, kuole, amah gingcha taphawt chuh mangthai puou un tin; himahleh, kumkhuo hinna nei zawn au.

JOHAN 3:36

Kuole, Cha gingcha chun, kumkhuo a hinna a nei a; kuole Cha gingchalo chun hinna nei puou untin, Pathien lungnatna chuh a chungu ah um zing zaw’na, a ti a.

JOHAN 5:21

Pa’n mi thite a kai tho a, a hih hin sek guolin, Chapa’n le a ut ta poh a hih hing sek.

JOHAN 5:26

Pa ngêi chuh hinna bulpi a hih mah bangin, Chapa le amah chuom a hinna bulpi nei in a siem:

JOHAN 6:35

Isu’n a kawm u ah, “Kei hi hinna chângthâk chuh ka hi, kuole, ka kawma hung chuh a gil kiel puo’n a, kuole, ei gingcha chuh, bangtik inle a dangchâk puo’n a.

JOHAN 6:44

Pa, ei sawl pa’n a hîp loh chun, kuomah ka kawmah hung thei puo’n au; chun, ken ni tâwp ni chuleh a hung chuh kaitho ing ka.

NASEPTE 3:15

Hinna Siempa chuh na that u a; himahlele, Pathien in amah chuh mithi lak apat a kaitho kit a, zie chuh a hetpihte ka hiu hi.

ROME 4:17

“Nam tamtak te pa’n ka hun siem hi,” ti a a gen guol khan. Mithite suhingpa leh thil umlote a um banga gen pa a ginchak Pathien mitmuh ah.

ROME 8:2

Krista Isu a hinna thagau dân chun, gitlohna leh thihna dân apat chuh ei pawtsak ta ngâl a.

1 KORINTH 15:18

Khuti a hih chun, Krista a na thisate kha, beimang hi ta’n au.

1 KORINTH 15:29

Khuti a hih loh chun, mithite ding tuma baptistma ana changte chuh, bang a lawh ta ding u? Mithite, kaihthawha a um loh hiel ding u chun, bang khawka, amau tuma dinga baptistma a na chang sek ahi ding u?

2 KORINTH 4:14

Lalpa Isu, hinna a kaithopa Pathien chun, eihaw le Isu tawh ei kaitho intin, nang haw tawh a umna a chuh ei puikhawm ding ahi, tih ka he ngâl u a.

PHILIPPI 1:23

A kal lak a hin a lawhna helo a um mai ka hi; chieh dawka Krista kawma um nawpna ka neih ziekin, zie chuh a pha zaw mah mah ngâl a.

PHILIPPI 3:10

Ka nawppen chuh, Krista het a, a thawhkitna thilhih theihna chan a, a thuokna kikawppih a, a thihna kibatpih a um leh,

1 THESSALONIKA 4:14

Isu a thi a, a tho kit tai tih I ginchak ngâl u chun. amah gingcha a na ipmusate chuh, Pathien in Isu tawh kitawn in puikit ding ahi ngâl a.

THUPHUON 1:18

A hingzingpa chuh ka hi! Ka hung thi a, himahleh, ngaitie, kumkhuotuong a dingin ka hung hing kit tai. Thihna leh Thihna khawvel chung achun thu ka nei tai.

THUPHUON 20:5

(Mithi dangte vang chuh, kum sangkhat a kivel masang sieh chun a hing kit tadih puou hi.) Zie chuh, thawhkitna masapen chuh ahi.

THUPHUON 21:4

A mit uh apat mittui chengcheng thiek hul intin; Thihna um kit ta puon tin, Kahlemau leh natna le um kit diek ta puo’n a; Thil masate chuh a mangthai ta ngâl a,” a tih le ka za a.

THUPHUON 22:1

Chun, amah chun hinna luipi chîm tak, krustal suong tawbanga val, Pathien leh Belam No Lalchutphah apat hung luong dawk chuh ei etsak a.

THUPHUON 22:17

Thagau leh mo chun, “Hung ah,” a tiu a. Kuole, a za ta cheng chun, “Hung ah,” tiu hen. Dangchâk ta cheng hung uh hen; a nuom ta chengin Hinna tui hi a thawn in hung kilak u hen.