JOHAN 10:8 - PATHIEN LEKHABU THIENGTHO (BSI)

⁸ Ka masanga hungte chengcheng kha gucha leh suommang ahiu a, belamte chun a thuu a ngaitha puou hi.

JOHAN 10:8 ပူးပေါင်းရင်းမြစ်များ

EZEKIEL 34:2

“Mihing chapa, Israel belampute chungah genlawk inla, genlawk inla, a kawm u ah, ‘Lalpa Pathien chun belampute kawm achun hiti hin a tii: Israel belampu, amau leh amau kivâk chauh haw chung chuh agik ie! Belampu chun belam hawn chuh a vak dinguh hilo ahim?

JOHAN 10:1

Chun, Isu’n, “Tihtakzet, tihtakzet in ka hilh na hiu hi, kuole, belam huong a kawtkhaka lut lo a, mun chuom khata kal dawka lut chuh, zie chuh gucha leh suommang ahi.

JEREMIA 23:1

Ka gan tatna muna belamte hihmangthai a, delh zak sek belampute chung chuh a gik hi! tih hi Lalpa kamsuok ahi.

NASEPTE 5:36

Tuma khan le, Theodas chuh, ‘Milien ka hi’ ti’n a hung um a, zie pa chuh mi zali velin a hun kithuohpih u a. Himahlele, amah chuh thah in a um a, a nungzuite chuh a bawn un a kithehdalh vek tau a, a thilhih hawu chuh bangmah a hi ta puoi.

JOHAN 10:27

Ka belamte’n ka aw a ngaitha sek ui; ken le amau haw chuh ka he a, amau chun ei zui sek ui.

JOHAN 10:5

Mi dang vang chuh zui puou untin; taih mang san zaw’nau, mi dang aw chuh a het loh ziekun,” a ti a.

ZEKARIA 11:16

Chun, ngaitie, gamsung achun belampu kawih ing ka ting, himahleh, amah chun a mangthaite le a hawl diek puo’n tin, a note chule hawl diek puo’n a, a liemte le sudam puo’n tin, a hatlaite le vak diek puo’n a. Khutih malak in, belam thau thau chuh a sa a ne a, a kengtin teu chuh a khetsiet sak zaw ding ahi.

ZEPHANIA 3:3

A milienteu chuh sakeibaknei kitum bangin a um u a, a vaihawmteu chuh ngei gilkiel tak, duh-âm tak, zingkal tienga le a saguh peh taihsan nuom lo bang ahiu hi.