JOHAN 10:36 - PATHIEN LEKHABU THIENGTHO (BSI)

³⁶ Kei ka hih leh, Pa’n ei tel a, khawvel a hin ei sawl ka hi ngâl a. Khutichun, ‘Pathien Chapa ka hi,’ ka tih ziekin bangtia Pathien na gensiei, nei tih uh ahi?

JOHAN 10:36 ပူးပေါင်းရင်းမြစ်များ

SAM LEHKHABU THE PSALMS 2:2

Lei chunga lengte a hel u a, vaihawmte chuh a kihokhawm u a, Lalpa leh a thaunuh chuh a kalh u a,

ISAI 42:1

“Ka suokpa, ka tundawk, hattak a ka siem a, ka teldawkpa, a chunga ka kipahna mah mah pa a um hi! Amah chuh ka thagau in ka hihdim a, namtin chungah vai hun hawm ding ahi.

ISAI 42:3

Luong kihek gawpsa chuh hekbawng pai puo’n tin, phita kuong liek liek chule sumit diek puo’n a; Thudik chuh ginum takin puodawk ina.

ISAI 55:4

Ngaitie, amah chuh namte hetpih dingin ka siem a, namte puitu ding leh thupie dingin ka guot a, Amah achun ka thilhih theihna etsak ing ka.

JEREMIA 1:5

“Sûl a ka hun siem makhan le ka hun he a, na pien ma a namte thiemgau dinga ka hun kawih chuom na hi tai” ti’n.

MATTHAI 27:43

Pathien a taksang hilo maw, a nawp chun, tuhin hukdam hen; Pathien Chapa ka hi, a ti ngâl a,” a tiu a.

MATTHAI 27:54

Chun, sepaih za lawiupa leh a kawma Isu venga umte chun leiling leh thil umzie haw chuh a muh un, a lau mah mah tau a, “Zie pa hi, Pathien Chapa ahi takzet nai,” a tiu a.

LUKE 1:35

Vânsâwlchâk chun a dâwng a, a kawmah, “Thagau Thiengtho na chungah hungtung intin, Pathien thilhih theihna chuh na chungah um intin, zieziekchun, nau thiengtho hung pieng ding chule Pathien Chapa ti’n au.

JOHAN 10:35

Pathien thu tunnate bawn, pathiente a tih u chun, Pathien lehkha thu’n a gen chu la a kitheng ngei puoh ngâl a.

JOHAN 17:18

Nangin khawvel a kei nei sawl guolin, ken le amau haw chuh khawvel a ka sawl a hii.

JOHAN 17:21

A bawn u a pumkhat a hih theihna dingun ka ngetsak ahi. He Pa, nang keimah a na um leh, kei nangmah a ka um mah bang hin, amau haw le eimah a a umna dingun. Pumkhat a hih u a, ti a chuh khawvel in kei nei sawl ngêi ahi tih a ginchak theihna dingun.

JOHAN 17:8

Nangin thu nei piek kha a kawm u ah ka pie ta a, ziehaw chuh a ching u a, nangmah kawm ngêi apat ka hii tih dik takin a he tau a, nei sawl ngêi ka hii tih le a gingcha tau hi.

JOHAN 19:7

Judate chun a kawmah, “Ka dân uh lampi khat a um, zie dân guola chuh, Pathien Chapa a a kisiem ziekin a thih ding ahi,” a tiu a.

JOHAN 20:28

Thoma’n a kawmah, “Ka Lalpa leh ka Pathien na hi,” ti’n a dâwng a.

JOHAN 20:31

Himahlele, ziehaw hi, Isu chuh Krista, Pathien Chapa a hii tih na ginchakna dingu leh, na ginchak u a, a min a hinna na neih na dinguh a zik ahi.

JOHAN 3:17

Pathien in khawvel mawhchansak dingin a Chapa khawvel ah a hun sawl puoh a, amah zieka hukdama a um theihna dingun a sawl a hi zawi.

JOHAN 3:34

Pathien sawl chun, Pathien thu mah a gen sek. Amau chuh Pathien in tehkhel khelin thagau a pie puoh ngala.

JOHAN 5:30

“Keimah chauh in bangmah ka hih thei puoi; bil a ka zak bang zelin vai ka hawm sek, ka vaihawm chuh diktak ahi, keimah thu thu’n hih ka guo puoh a, ei sawl pa thu thu a hih ka guot zawk sek ziekin.

JOHAN 6:27

An khadang a mang mai ding delh in phe phe kiu in, himahleh kumkhuo a hin chana um ding an, Mihiem Chapa’n a hun piek ding chuh delh in phe zawu un: Pa Pathien chun amah chuh a melchik ta ngâl a,” a ti a.

JOHAN 6:38

Kei deih bang hih dinga van apat a hung suk ka hi puoh a, ei sawl pa deih bang hih dinga hung suk ka hi zawi.

JOHAN 6:57

Pa hing chun ei sawl a, Pa vanga hing ka hih guol mah hin. Zieziekchun, kuole, kei ei ne chuh keimah vangin amah le hing ina.

JOHAN 6:69

Nang, Krista, Pathien hing Chapa chuh na hii tih ka gingcha tau a, het le ka heu hi,” a ti a.

JOHAN 8:42

Isu’n a kawm u ah, “Pathien na pau a hih chun, nangun ei hehpih ta’n lau; Pathien kawma pawt leh, a kawm apat hung ka hi ngâl a. Keimah thu a hung ka hi puoh a, ama’n ei sawl zawk ka hi.

ROME 1:4

Thienthona thagau lam thu vang achun mithi lak apat thilhih theihna nasa taka kaihthawha a umna chun Pathien Chapa a hihna nasa takin a taklang hi.

ROME 8:3

Phehlevo zieka Dan chuh a hatloh a, a hih theih guol loh chuh, Pathien in amah Chapa ngêi, phehlevo gitloh bang pu’n, gitloh thawihna dingin a hun sawl a, phehlevo a gitlohna um chuh mawh a hun chansak ta a:

ROME 9:5

Chi hun suonte chule amau ahiu a, phehlevo lam thu achun Krista chuh amau haw apat hung pawt ahi a; Pathien chuh thil chengcheng chunga vaihawm, kumsawt a pahchak tâk ahi. Amen.

GALATI 4:4

Himahlele, a hunbi a hungtun khan, cha hihna I muh theih na dingun.