JOHAN 10:35 - PATHIEN LEKHABU THIENGTHO (BSI)

³⁵ Pathien thu tunnate bawn, pathiente a tih u chun, Pathien lehkha thu’n a gen chu la a kitheng ngei puoh ngâl a.

JOHAN 10:35 ပူးပေါင်းရင်းမြစ်များ

MATTHAI 24:35

Lei leh van bei in tin, ka thu vang chuh bei puo’n a.

ROME 13:1

Mitin, a chung u a vaihawmte thu thu’n um u hen. Pathien thu lo in vaihawmte kuomah a um puoh ngâl u a; vaihawmte hih Pathien guot ahiu hi.

LUKE 16:17

Himahlele, dân thu a sut vawm neucha beihmang sangin le, van leh leisiet beihmang a baihlam zawi.

NASEPTE 1:16

“Suohpihte haw, Thagau Thiengtho in, David manga Isu mante puipa Juda thu a genlawk kha, zie Pathien lehkha thu kha hungtung him ding ahi.

THILSIEMBUL 15:1

Zie thil haw nung chun, Lalpa thu chuh Abram kawmah vaulam in a hung tung a, “Abram, lau kih, kei hi na phaw ka hi a, na kipahman chuh lopi tak hiding ahi” ti’n

MATTHAI 27:35

Chun, kross a a khetdên zawh un, phunsân in a silhlechen haw chuh a kihawm u a.

MATTHAI 5:18

Tihtakzet a ka hilh na hiu hi, lei leh van a beihmang masang sieh, dân thu a sutvawm neucha ahim, thaihvawm neucha ahim hi a bawna a tunkim masang sieh khatcha hile beimang hiel puo’n a.

1 KHANGTHUBU 22:8

Himahleh, mi tamtak ka thah leh, gâl tamtak ka do chu Lalpa’n ei hilh a. Thisan tamtak ka na suoh tâk ziek chun, Lalpa’n a Ho-In chu ei sak sak lo ding ahi.

2 SAMUEL 7:5

“Ka suok David chu va hilh in, Lalpa chun hiti hin a tii, ‘Ka umna ding nangin nei sak sak dinga ahim?

1 SAMUEL 30:8

Chun, David chun, “Zie mi buluhte chu ka delhzui dem? Delh leng ka delhpha zo dem?” ti’n Lalpa chu a dawng a. Amah chun, “Delhzui ah; delhpha tei tei in na tin, sala a matteu le abawn un hukdawk ngêi ngêi ding na hi,” ti’n a dâwng a.

1 SAMUEL 28:6

Chun, Saul in Lalpa a dawng a, ahih ziekin Lalpa chun mang ahim, Urim ahim, thiemgau ahim mang in a dâwng ta himhim puoh a.

1 SAMUEL 15:1

Chun, Samuel chun Saul kawmah, “Lalpa’n a mite Israel te chunga leng hidinga thau hun nuh dingin ei sawl ahi kha; zieziekchun, tuhin Lalpa thugen hi ngaitha’n.

DAN NIHNA 18:15

Lalpa na Pathien un na lak u apat ngêi in kei tawbang thiemgau hun siem sak intin; a thu chuh na ngaihkhawk dinguh ahi;

JOHAN 19:28

Zie nung chun, Isu’n bangakai tu’n a kim tai tih a he a, chun, Pathien Lehkha Thu khah a tunkimna’n, “Ka dang a châk hi,” a ti a.

2 KHANGTHUBU 19:2

Thiemgau Hanani chapa Jehu’n a na muok a, leng Jehoshaphat kawmah, “Migilo chu panpih a, Lalpa hawte chu hehpih ding na hi maw? Zieziek hin Lalpa lungnatna na chunga hung um a hi tai.

JOHAN 10:34

Isu’n a kawm u ah, “Na Dan Lehkhabuu ah, ‘pathien haw na hiu ka tii,’ tih zik hilo ahim?

JOHAN 10:36

Kei ka hih leh, Pa’n ei tel a, khawvel a hin ei sawl ka hi ngâl a. Khutichun, ‘Pathien Chapa ka hi,’ ka tih ziekin bangtia Pathien na gensiei, nei tih uh ahi?

2 LENGTE 15:12

Zie chuh Lalpa’n Jehu kawma, “Na chapate chu suon lina tiengin Israel te lalchutphah ah chu’n tin,” tih thu a gen khah a hung guitunna ahi.