JOHAN 10:3 - PATHIEN LEKHABU THIENGTHO (BSI)

³ Kawtkhak ngakpa’n amah chuh a na hawn sak sek a; a belamte chun a aw a zau a; chuleh, a belamte chuh amin un a sama, a puidawk sek hi.

JOHAN 10:3 ပူးပေါင်းရင်းမြစ်များ

2 TIMOTHE 2:19

Himahlele, Pathien suongphum dettak chuh suk tawih ding guol ahi puoh a; a chung achun zie thu haw hi zik ahi: “Lalpa chun amah a haw chuh a he a,” tih leh, “Lalpa min lo taphawtte chun gitloh taihsan hen,” tih hi.

JOHAN 10:4

Amah a cheng a thahdawk tieng leh, a masang u ah a chieh sek a, belamte chun amah a zui sek, a aw a zak sek ziekun.

JOHAN 10:16

Chun, zie belam huong a um tih loh hi, belam dang le ka nei hi; amau chule hun pui ding ka hi; ka aw le he’nau; khutichun, lawikhat in um un tin, a chingpa khat tawh.

JOHAN 10:14

Kei belam chingpa pha ka hi a, ka belamte ka he a, chun, ka belamte’n le ei heu hi.

THUPHUON 3:20

Ngaitie! kawtkhak bula dingin ka kiu hi, kuo’nle ka aw a zak a, kawt a hawn chun, a kawmah lut ing ka ting, a kawmah nitâk an ne’ng ka ting, ama’n le ka kawmah ne’na.

THUPHUON 7:17

Belamno, lalchutphah lailung a umpa chuh amau haw chingpa hi’n tin, hinna tuikhuk haw achun pui ina. Khutichun, Pathien in a mit uh apat mitthi chengcheng chuh thiek hul sak ta’n a,” a ti a.

ROME 8:30

Chun, a guotlawkte chuh a sama, chun, a sapte chuh thiem le a chansaka, chun thiem a chansakte chuh a limbawl hi.

JOHAN 6:45

Thiemgaute’n, ‘Mi tin chuh, Pathien sinsak in um vek un au,’ ti’n a zikuh ahi. Kuole, Pa thu he a, sin ta chuh, ka kawmah a hung sek ui.

JOHAN 6:37

Pa’n ei piek chengcheng chuh ka kawmah hung vek un au; kuole, ka kawma hung chuh nawhdawk hiel puo’ng ka.

ISAI 42:16

Mitdûkte chuh a chieh khâkloh nau lam ah pui ing ka ting; a het khâkloh uh lampi haw achun pui ing ka; Amau achun thim chuh vakin siem ing ka ting, lampi kuok lemlum te chule sucham ing ka. Ziehaw hi ka hih ding chuh ahi a, hengilh lo ding ka hi.

SOLOMON LA 8:13

Nang huon a cheng, ka lawite chun na aw a ngaithau a; ei ngaihthak sak un, a tiu a.

PAWTDAWKNA 33:17

Lalpa’n Mosi kawmah, “Zie chule na gen bang chun hih ing ka: ka mit na tung ngâl a, na min in ka hun hechien ngâl a,” a ti a.

THUPHUON 20:15

Kuo min hitaleh, Hinna Lehkhabu a kizik a muh loh phawt u chuh, meidil achun a paih lut tau hi.

KOLOSSA 4:3

Ei kân lawhnau, Krista thuguk chuh gen dingin Pathien in thu adingin kawt ei hawn sak theihna’n,

PHILIPPI 4:3

A hi, nang le ka namkawl puokpih tak tak, ka hun chiel na hi, Chanchin Pha nasepna lama ei hah panpih numeite khah panpih ah. Klemen tawh, ka seppih dang, Hinna lehkhabu a min chuongte kha tawh.

ISAI 40:11

Amah chun belam chingpa bangin, a belamte chuh veng intin; belam note chuh a khut nih in pawm intin, a ângsung ah kawih in tin, chun, a pi-nokaite chuh awlcha cha’n chiehpih dên dên ina.”

SAM LEHKHABU THE PSALMS 80:1

Aw Israel chingpa, Belam hawn banga Joseph puipa, ana ngaiin; Nang Cherub te chunga chu pa chun hung salhvak in.

1 PETER 1:12

Zie thu haw chuh, amau haw phatchuomna ding hilo in, nangmau haw mawng phatchuomna ding ahi zawi tih, Pathien in thiemgaute kawm achun a hetsak tai; zie thu haw chuh, van apat a sawl dawk, Thagau Thiengtho thilhih theihna’n, nanguh Chanchin Pha hun hilhpa khan a hun hilh na hi tau hi. Zie thil haw chuh ahi, vânsâwlchâkte nasan inle hêtchet a nawp sek uh khah.

1 KORINTH 16:9

Ei dodal tamtak um mahleu, nasepna dinga hun pha leh lemchâng, kawt lientak a kihawng ngâl a.

THUCHINGTE 27:23

Na belamte dinmun chuh het guon taimat suoh inla, na gan guolhaw chuh ngaihsak in.

JOHAN 10:9

Kei kawtkhak chuh ka hi. Kuole, keimah a lut ta chuh, humbit in um intin, lut in pawt intin, nek ding le kimuh ina.

1 JOHAN 4:6

Himahlele, eihaw Pathien a I hiu a, Pathien hete chun I thuu a ngaitha sek ui; Pathien a te lo chun I thuu a ngaitha sek puou hi. Ziehaw achun, thagau dik leh diklo I hekal uh ahi.

3 JOHAN 1:14

Chawmlo kal a hun muh ka kinema, zie tieng chuleh kimaichangtuoh in holim nai ti.