JOHAN 10:25 - PATHIEN LEKHABU THIENGTHO (BSI)

²⁵ Isu’n a kawm u ah, “Ka hun hilh ta kha la, na gingcha nuom puou a. Ka Pa min a thil ka hih hin, ka chanchin a hetsak ahi.

JOHAN 10:25 ပူးပေါင်းရင်းမြစ်များ

JOHAN 10:38

Amahvang chuh, sem ka hih chun, kei ei gingcha kileu chin le, nasephaw bêk hi gingchau in; Pa, keimah ah a um hi tih leh, Kei, Pa ah ka um hi tih na het u a, na ginchak theih na dingun,” ti’n a dâwng a.

JOHAN 8:58

Isu’n a kawm u ah, “Tihtakzet, tihtakzet a ka hilh na hiu, Abraham pien ma’n le ka um hi,” a ti a.

JOHAN 14:11

Kei Pa a ka um hi tih leh, Pa, keimah a um hi tih gingchau in.

HEBRAI 2:3

Hiti lâwm lâwma hukdamna lopi hi thahthawt leuhing, bangti’na I suohchak theih mai zên dinguh? Zie hukdamna chuh a tûngin Lalpa ngêi manga phuon a hi a, zie chuh a zata chun a dik ngêi hi tih, ei sukdet sak uh a.

NASEPTE 10:38

Nazareth Isu chungchâng thu khah, khati a, Pathien in a chunga Thagau Thiengtho leh thilhih theihna a vuk zie thu haw kha. Amah chuh thilpha hih leh, Diabol bawlsiet chengcheng hihdam in, muntin a fang viel sek a, Pathien a kawma a um ziekin.

JOHAN 20:30

Isu’n a Sinsakte ma achun thilmak dang tamtak a hih a, ziehaw chuh zie lehkhabu a hin zik ahi puoi.

JOHAN 12:37

Zie thilmak chengcheng chuh amau haw umna ngêi ah hih mah lele, a gingcha diek puou hi,

JOHAN 11:47

Khutichun, thiempu liente leh Pharisaite chun, vaihawm haw chuh a sam khawm u a, “Bang I lawh ta ding u leh? Zie pa hin thilmak tamtak a hih ta ngâl a!

JOHAN 10:32

Isu’n amau chuh a hopih a, “Pa’n hih dinga ei piek, thilpha tamtak, nang haw ka hun etsak a, ziehaw laka khan, a bang pên ziek khan em, suong a nei seh dinguh?” a ti a.

JOHAN 8:24

Zieziekchun ahi, na gitloh uh nei zingin thi’n lau ka hun tih khah. ‘Amah chuh Kei ka hi’ tih na ginchak loh u chun, na gitloh uh nei zingin thi tei un lau,” a ti a.

JOHAN 8:12

Chun, Isu’n Pharisaite kawmah thu a gen kit a, “Kei khawvel salh vak chuh ka hii; kuole, ei zui chuh thim lak ah leng puo’n tin, hinna vak nei zaw’na,” a ti a.

JOHAN 7:31

Mipi, abang, tamtak vang chun amah a gingchau a, “Krista chuh a hung tun tieng leh, zie pa hih sanga tam zaw hi thilmak hun hih ding a hi a a hi?” a tiu a.

JOHAN 3:2

Zie pa chuh zan in Isu kawmah a chieh a, a kawmah, “Rabbi, Pathien kawm apat a sinsakpa dinga hung na hi, tih ka heu a; Pathien a chung u a a um loh chun, zie thilmak na hih bang hi kuoma’n hih thei puo’n au,” a ti a.

NASEPTE 2:22

“Nanguh Israel mite haw, zie thu haw hi zau in! Nazareth Isu, Pathien in amah manga na lak u a thil lopihaw, thilmak haw, melchikna haw a hih ngêi khan, a hun hêtchet sak na hiu hi. Nangmau ngêi in ziehaw khah na he ngâl u a, na lak u a hungtun tâk ziekin.

JOHAN 8:56

Na puu Abraham kha, ka ni hung mu ding a hih ziekin a lawp mah mah a, a mu ta ngêi a, a kipâk ahi.” a ti a.

JOHAN 10:37

Ka Pa nasem ka hih loh chun, ei gingcha kiu.