JOHAN 10:16 - PATHIEN LEKHABU THIENGTHO (BSI)

¹⁶ Chun, zie belam huong a um tih loh hi, belam dang le ka nei hi; amau chule hun pui ding ka hi; ka aw le he’nau; khutichun, lawikhat in um un tin, a chingpa khat tawh.

JOHAN 10:16 ပူးပေါင်းရင်းမြစ်များ

THILSIEMBUL 49:10

Leng mawlh chuh Juda apat chun mang puo’n tin, Vaihawmna mawlh chule a kengkal apat in mang diek puo’n a; Shiloh hung masangsieh chun; chun, namtin in amah thu awi un au.

SAM LEHKHABU THE PSALMS 86:9

Aw Lalpa, na siem namtin cheng te chu hung untin, na masangah hung kûn untin; Tichun na min chu hun pakcha’n au.

THUGENPA 12:11

Mipilte thugen haw chuh sutna thik tieng guolin a hiem a, a thupil lâkkhâwmteu chuh thikkilh dettak a khet lut banga det ahi a; zie chuh I bawn u a ei chingpa Pathien in a piek ahi.

ISAI 11:10

Chun, zie ni chuleh hiti hi hung hi’n tin, Jessai zung, mitin tiemtehna dinga ding chuh, amah ngêi chuh namtin in dawp tau intin; a chawlhna mun chuh lopi ina.

ISAI 43:6

Mâllam kawm achun, ‘Thahdawk un,’ ti’ng ka ting; sim lam kawm achun, ‘Hên ta kiu,’ ti’ng ka; Ka chapa chuh gamla tak apat in hun pui inla, ka chanute chuh kâwlmawng tâwp apat chun hun pui un, ti’ng ka.

ISAI 49:6

Lalpa’n ka kawmah, “Jakob namte tundin na ding leh Israel chate laka bitna a um kitna dinga suok a ka hun siem hi thil neucha ahi; Jentel te salhvak dingin le hun guot ing ka ting; khutia chuh ka hukdamna hih kâwlmawng tieng ale atun theih na dingin” a ti a.

ISAI 52:10

Lalpa’n namte mitmuh in a khut thiengtho chuh a hun zak dawk ta a, tichun kâwlmawng tawpa cheng te’n le a hukdamna chuh mu ta’n au.

ISAI 56:8

Lalpa Pathien chun hitihin a tii, “Israel nawhdawk a umte cheng chuh puikhawm kit ing ka ting, puihkhawm sate bân achun midang dang le puikhawm ding ka hi” a ti a.

EZEKIEL 34:12

A belam taizak haw laka a um laia belampu’n a belamte a hawl dawk guolin ka belamte hawl dawk ing ka ting; vannîm henla khuo thim lele a kithehzâk nau mun cheng u apat chun hukdawk ing ka.

EZEKIEL 34:23

Chun, a chung u ah belampu khat kawih ing ka ting, ka suok David ngêi chuh; amah chun amau chuh vak intin, amau chingpa hi’n tin, amau chuh vak ina.

EZEKIEL 34:6

Ka belamte chuh a vak zak u a, tâng tin leh muol tin ah a vakmang tau a; ahi, ka belamte chuh lei chung ahin a kithehzak zo tau a; amau chuh kuoma’n a ngaihsak puou a, a hawl puou hi,’ ti’n gen in,” a ti a.

EZEKIEL 37:22

Chun, zie gam achun, Israel tâng haw chung achun, nam khatin siem ing ka ting, a chunguh ah leng khat um in tin, nam nih hita puon tin un, lalgam le nih in kikhen khata puo’n au.

EZEKIEL 37:24

Ka suok David chuh a chung u ah leng hi’n tin, a bawn u a chungah belam chingpa khat um ina: ka dante zui intin un, ka dân siemte nit intin un, hih in au.

HOSEA 1:10

Himahlele, Israel chate chuh tuisuohgiet pîlnel banga tamin simsenloh leh teh theih loh a tam hung hin au. Tichun, Pathien in a kawm u ah, “Ka mite na hi puou hi,” a tihna mun ngêi a chun “Pathien hing chate na hiu ui tih ni hungtung in a,” ti’n.

ZEKARIA 2:11

Zie hun tieng chuleh, namtin in Lalpa lam hun zuon tau un tin; a mite hung hi ta’n au. Na laku ah cheng ing ka ting, tichun, na kawm u ahin amah ngêi in ei sawl ahi tih he ta’n la.

MATTHAI 17:5

A gen lai takin, ngaitie, meitang vam takin amau haw chuh a hun lieh ta a, chun, ngaitie, meitang apat chun aw gi khatin, “Ziehi ka chapa deih tak, ka lungkimna mah mah chuh ahi; amah thu ngai un,” a ti a.

LUKE 15:8

“Chun, numei kuo’nle makhai sawm nei in, khat mansak ta hen la hi leh, thaumei de a, In phiet in, a muh kit masang sieh kuo a guntaka hawl lo ding?

JOHAN 10:11

“Kei belam chingpa pha ka hi, belam chingpa pha’n belamte dingin a hinna a pie sek hi.

JOHAN 10:2

Kuole, kawtkhaka lut vang chuh, belam chingpa a hii.

JOHAN 10:27

Ka belamte’n ka aw a ngaitha sek ui; ken le amau haw chuh ka he a, amau chun ei zui sek ui.

JOHAN 10:3

Kawtkhak ngakpa’n amah chuh a na hawn sak sek a; a belamte chun a aw a zau a; chuleh, a belamte chuh amin un a sama, a puidawk sek hi.

JOHAN 10:4

Amah a cheng a thahdawk tieng leh, a masang u ah a chieh sek a, belamte chun amah a zui sek, a aw a zak sek ziekun.

JOHAN 10:5

Mi dang vang chuh zui puou untin; taih mang san zaw’nau, mi dang aw chuh a het loh ziekun,” a ti a.

JOHAN 11:52

Amau haw a ding mai a hi puoh a, Pathien mite, van nuoia dalh zakte cheng cheng, sapum khata a puih khawm theihna dingin le ahi.

JOHAN 17:20

“Ziete hawa ding maia hi ngetsak ka hi puoh a, a thugen teu zieka kei ei hun gingcha dingte ding ale ngetsak ka hi kawm hi.

JOHAN 6:37

Pa’n ei piek chengcheng chuh ka kawmah hung vek un au; kuole, ka kawma hung chuh nawhdawk hiel puo’ng ka.

NASEPTE 15:14

Pathien in amah min pu dingin, a lak uh apat mi haw ladawk dingin Jentel te a veh tûng zie thu chuh Simeon hin a na gen ta a.

NASEPTE 18:10

kei na kawmah ka um a puo, nang hun suna dingin kuoma’n na chungah khut tha puo’n au; zie khuo ahin mi tamtak ka nei ngâl a,” a ti a.

NASEPTE 22:14

Chun, amah chun, ‘Ei uh ei suonte Pathien in, amah deihlam he ding leh, a Suok Diktat chuh mu ding leh, amah kam ngeia a thugen za dingin a hun tel na hi.

ROME 11:25

Suohpihte, zie thuguk hi na hetloh uh ka deih puoi; khutilochun, kichitsak kha’n lau. Jentel te bukimna a hungtun ma’n, Israel mi khenkhatte chung achun châtvaihna a hungtung tadih ahi, tih hi.

2 THESSALONIKA 2:13

Suohpih, Lalpa deihtakte haw, Thagau Thiengtho thilhih theihna zieka, thudik gingcha a, hukdama um dinga, a masapen a Pathien in a hun tel na hih ziekun, na chungchâng thuu ahin, Pathien kawma kipahthu gen zing ding him ka hiu ui.

HEBRAI 13:20

Chun, Chamna Pathien, I Lalpau Isu Krista mithi lak apat kaithopa, kumsawt thugawlhna thisan zâla belam Chingpa Lien chun,

1 PETER 2:10

Ma khan, Pathien mi na hi puou a, tuhin chuh, a mite na hung hi tau a; makhan chuh, Pathien zahngaihna na mu puou a, tuhin chuh, Pathien hehpihna na mu ta ngâl uh a.

1 PETER 2:25

Belam mang guola mang na hiu a, himahlele, tuhin vang chuh, na thagau uh chingpa leh vawppa chuh zui dingin a kawm lam achun na kîkkit tau hi.

1 PETER 5:4

Tichun, Belam Chingpa Lalpen chuh a hung kilak tieng leh, lopina lallukhuk, tuoi theilo chuh mu’n lau.

THUPHUON 3:20

Ngaitie! kawtkhak bula dingin ka kiu hi, kuo’nle ka aw a zak a, kawt a hawn chun, a kawmah lut ing ka ting, a kawmah nitâk an ne’ng ka ting, ama’n le ka kawmah ne’na.