JOHAN 10:15 - PATHIEN LEKHABU THIENGTHO (BSI)

¹⁵ Pa’n kei ei het leh, ken Pa ka het guol hin, keia te chuh ka he a, amau inle ei heu hi. Belamte dingin ka hin ka pie sek hi.

JOHAN 10:15 ပူးပေါင်းရင်းမြစ်များ

ISAI 53:10

Himahlele, zêp thidup a a um chuh Lalpa phasak lam ahi a, suknat in a um ta ngeia, a hinna chuh gitloh ngaihdamna dinga kithawihna ahi ngâl a, a mah chite chuh hun mu’n tin; a nite chuh suksau sak in tin, tichun, Lalpa deihlam chuh amah achun sukbukim in um ina.

ISAI 53:8

Thudik a vaihawmna chuh heikawi in, thah dingin amah chuh a pui u a; himahleh, a tunung thu ding kuo a ngaihtuoh sak? Mihing gam apat in satthak in a um a; I miteu gitlohna zieka sukliem a um ahi ngâla.

DANIEL 9:26

Zie hun chuh a hung tâwp tieng leh, Pathien tel ngêi leng chuh diklo taka thah in um in a. Leng dang thil hihthei tak sepaihte chun hun do untin, khawpi leh Jerusalem chuh suksiet in um in a. A tawpna chuh tuilien bangin hung intin; Pathien in a guonggalhsa, kidona leh sietna chuh hungtung in a.

ZEKARIA 13:7

“Aw chemzâm, kipan inla, ka belampu leh ka na seppih pa chuh do ah! Belampu chuh zêp inla, belam hawn chuh dalh u hen. A note chung achun ka khut tha ding ka hi.

MATTHAI 11:27

“Ka pa’n thil chengcheng ei vawp sak tai; Pa tello in kuoma’n Chapa hi a he puoi; Chapa leh, a kawm u a Chapa’n a phuon nawpna te tihloh chun kuoma’n Pa chuh a he puoi.

MATTHAI 20:28

Mihiem Chapa hi zen a um dinga hung ahi puoh a, mi zen ding leh, mi tamtak tatna dinga a hinna pie dinga hung a hih guol hin,” a ti a.

LUKE 10:21

Zielai tak chun, Isu chuh Thagau a kipahna’n a hih dim a, “Aw hepa, lei leh van Lalpa, nangin mi ching leh bilpilte kawmah zie thu hi na îm a, mingawngte kawma na phuon ziekin ka hun pakchâi. Ahi, hepa, nangin zie chuh na kipahna lam ahi ngâla.

LUKE 10:22

“Ka pa’n bangakai ei vawp sak tai, Chapa chuh kuo ahi tih Pa ngâllo chun kuoma’n a he puoi; Pa chule kuo a hih, Chapa leh a kawm u a Chapa’n a phuon nawp nate ngâllo chun kuoma’n a he diek puou,” a ti a.

JOHAN 1:18

Kuoma’n bangmah tikin Pathien a mu ngei puou, Chapa changkhat neih. Pa ângsung a um ngêi khan, a chanchin a gen ahi tai.

JOHAN 10:11

“Kei belam chingpa pha ka hi, belam chingpa pha’n belamte dingin a hinna a pie sek hi.

JOHAN 15:13

Mihiem in a guol sika a hinna a piek khela hehpihna nasa zaw kuoma’n a nei puoi.

JOHAN 17:25

Aw he Pa diktat! khawvel in vang a hun he puou a, ken vang ka hun hêi; te haw hin le, nangin kei nei sawl a hii tih a heu hi.

JOHAN 6:46

Mi kuoma’n Pa a mu ngei puou hi, Pathien kawm apat a hung pa ngâllo chun, amah chauh chuh Pa mu ahi.

JOHAN 8:55

Nangun amah na he kha puou a, himahleh, ken ka hêi. Amah chuh ka he kha puoi, ti leng, nang haw guol mah a lepchieh hi ding ka hi. Himahleh, amah chuh ka he a, a thu le ka zawp ahi.

GALATI 1:4

Krista chun, Pathien leh Pa deih lam taka thu zawp in, zie tulai vannuoi gilo lak apat eihaw ei hukdam dingin, amah mawng chuh I gitloh man un a kipie ta a.

GALATI 3:13

Himahlele, Krista chuh I sik uh a hansiedawl a um in; Dan hansie lak apat chuh ei tandawk tai; Pathien Lehkha thu chun, “Thing a kikhai ta chuh, hansiedawl ahiu,” ti a a gen guol khan.

EPHESI 5:2

Chun, Krista’n, a hun hehpih a, gimlim a dingin, Pathien kawma thillat leh kithawihna a I sik uh a a kipiek guol khan, hehpihna ah um un.

TITA 2:14

Amah chuh sukkhelhna chengcheng lak apat ei hukdawk ding leh, amah a mai hi a, a mi thiengthote I hih theihna dingun leh, thilpha hih a phachuom ngai dingin I sik un a hung kipie ta a.

1 PETER 2:24

Gitloh lama thi a, diktatna lama I hin theihna dingun, Krista mawng chun kross lêk a khan a sapum in I gitlohna hawu a puo a, amah kizêpna kigawlh haw chun sukdam in na um tau hi.

1 PETER 3:18

Pathien kawma ei uh ei puih theihna dingin, Krista chun gilote ziekin khatvei a thuok ta ngâl a, mi diktat chun mi diktatlo sik in a thuok a; a taksa ngêi chuh thaha um in, thagau vang achun sukhin in a um a;

1 JOHAN 2:2

Amah chuh I gitlohteu lutchamna a hii; eihaw gitlohna mai hilo in, mi chengcheng gitloh lutchamna le ahi.