JOHAN 10:14 - PATHIEN LEKHABU THIENGTHO (BSI)

¹⁴ Kei belam chingpa pha ka hi a, ka belamte ka he a, chun, ka belamte’n le ei heu hi.

JOHAN 10:14 ပူးပေါင်းရင်းမြစ်များ

JOHAN 10:27

Ka belamte’n ka aw a ngaitha sek ui; ken le amau haw chuh ka he a, amau chun ei zui sek ui.

2 TIMOTHE 2:19

Himahlele, Pathien suongphum dettak chuh suk tawih ding guol ahi puoh a; a chung achun zie thu haw hi zik ahi: “Lalpa chun amah a haw chuh a he a,” tih leh, “Lalpa min lo taphawtte chun gitloh taihsan hen,” tih hi.

JOHAN 10:11

“Kei belam chingpa pha ka hi, belam chingpa pha’n belamte dingin a hinna a pie sek hi.

1 JOHAN 5:20

Chun, Pathien Chapa chuh a hung a, het theihna ei piei tih I heu a, khutichun, Pathien diktak chuh I he tau hi. A Chapa Isu Krista tawh I kipumkhatna zal uh chun, Pathien diktak chu tawh kipumkhat in I hing uh ahi. Amah chuh Pathien diktak a hi a, kumsawt hinna le ahi.

EPHESI 1:17

chun, I Lalpau Isu Krista, Pa lopitak kawm achun, amah na kawmuh a a hung kilak a, na het theihna dingun, chitna thagau hun pie dingin ka ngên sek hi.

JOHAN 17:3

Ziehi kumkhuo hinna a hii, Nang Pathien tak tak leh, na sawl Isu Krista het hi.

SAM LEHKHABU THE PSALMS 1:6

Lalpa chun mi diktatte lampi chuh a he ngâl sek a; Himahleh, mi dukdaklote lampi vang chuh beimang in a.

THUPHUON 2:2

Na sep zie te, na gim ziete leh, na thuokhat ziete, migilo na ngaih theih loh ziete ka hêi. Sawlchak hisâm lo a, sawlchak kitite chule na patepa, lepchieh ahiu ui tih le na he ta a.

2 TIMOTHE 1:12

Zieziekchun ahi, zie thil haw hi ka thuok chuh. Himahlele, ka zakcha a puoi, ka taksan pên pa chuh ka he a, a kawma ka vawp sak chuh zie Ni a ding chun a vawppha thei hi tih chientakin ka he ngâl a.

PHILIPPI 3:8

Ziehaw mai chuh hilo in, Ka Lalpa Krista Isu hetna chuh a lopi zawk bêk ziekin, thil bang cheng le chânna a ka ngaih vek ahi. Amah ziekin thil chengcheng ka chan vek ta a; ziehaw chuh thil bangmahlo mai in ka ngai a, Krista ka muh theihna ding leh,

EPHESI 3:19

Ahi, a bukima het zawh sen hilo mahleh, a lungsietna na hung chan u a, Pathien lunglam bang pua na hung dim theihna dingun ka tih ahi.

JOHAN 17:8

Nangin thu nei piek kha a kawm u ah ka pie ta a, ziehaw chuh a ching u a, nangmah kawm ngêi apat ka hii tih dik takin a he tau a, nei sawl ngêi ka hii tih le a gingcha tau hi.

THUPHUON 2:19

Na thilhih ziete, na hehpih ziete, na taksan ziete, na zenviel ziete, leh na thuokhat ziete ka hêi, na thilhih nunung pên te chuh, a tunga sang khan a nasa zawi tih le ka hêi.

THUPHUON 2:13

Na umna, Setan chutphah umna khah ka hêi; keia dingin taksanum takin na um a, ka thu ei hetpihpa Antipas, Setan umna a, na lak uh a a thah uh, ka mi taksanum tak, umlai nasan khan le, nei taksanna hi na kilepsan puoh a.

2 KORINTH 4:6

Krista mel a Pathien lopina eng chuh ei hetsak dingin, “Thim apat eng vak dawk ina,” tipa Pathien chun ka lunggil uh ei salh vak sak ta ngâl a.

THUPHUON 3:15

Na thilhih ziete ka hêi, vawt la na vawt puo’n, lum la na lum puo’n; na vawt ahim, na lum ahim ka deih ahi!

THUPHUON 3:8

Na thilhih ziete ka hêi. Thilhih theihna tawmcha na nei a, ka thu sinsak te na zawp a, keia dingin na ginum hi tih ka hêi. Kuomah khâk theih loh, kawtkhak hawn sa na masangah ka kawih hi.

THUPHUON 2:9

Na gimtheih ziete, na chatgah ziete, himahleh, na hausa ngâl a! Juda tak hilo a, Setan kikhawpna laka tel hizaw ngâla, Juda kiti haw hun gensietna le ka hêi!

ISAI 53:11

A thuokgimna a beih tieng chuleh, kipahna hun nei intin, lung-awi ta’n tin, A thuokna chuh a thâwn ahi puoi tih hun he ta’n au. Ka suok diktak, a chunga ka kipahna mah mah pa chun mi tamtak dingin thuok intin, Amah min ziekin amau haw chuh ngaidam ing ka.

THUPHUON 3:1

“Chun, Sardis khuo a sapchuom haw lawi vânsâwlchâk kawm achun hiti hin zik ah: “Pathien Thagau sagih leh, aksi sagih neipa khan zie thu haw hi a gen a hii: Na thilhih ziete ka hêi, thi zing ngâla, hing min na put hi.

ISAI 40:11

Amah chun belam chingpa bangin, a belamte chuh veng intin; belam note chuh a khut nih in pawm intin, a ângsung ah kawih in tin, chun, a pi-nokaite chuh awlcha cha’n chiehpih dên dên ina.”

NAHUM 1:7

Lalpa chuh a pha a, beidawn ni a kulhpi dettak ahi a; Amah a ginna ngate chuh a he sek hi.

JOHAN 10:13

Kithalak mai a hi a, belamte a limsak loh ziekin, a taimang sek a hii.