JOHAN 10:1 - PATHIEN LEKHABU THIENGTHO (BSI)

¹ Chun, Isu’n, “Tihtakzet, tihtakzet in ka hilh na hiu hi, kuole, belam huong a kawtkhaka lut lo a, mun chuom khata kal dawka lut chuh, zie chuh gucha leh suommang ahi.

JOHAN 10:1 ပူးပေါင်းရင်းမြစ်များ

MATTHAI 7:15

“Thiemgau lêmte lak achun chingthei un, ziete chuh belam vun silh in na kawm u ah a hung sek u a, a sunggil lam u chulah ngei gawlham tak tawbang ahi ngâl u a.

ROME 16:18

Khutibang mite chuh, I Lalpau Krista nasem ahi puou a, amau haw gilpi ding sem ahi zaw sek ui. Tichun, a kamphatnau leh, a kam thiem un mi chinglote lungthim chuh a thempai sek u a.

1 JOHAN 4:1

Deihtakte, thagau tapoh gingcha kiu, amahvang chuh, thagau chuh, Pathien apat a hih leh, hih loh khuoltuok masa’n, patep un. Thiemgau lêm tamtak khawvel ahin a hung pawt tâk ziekun.

HEBRAI 5:4

Kuoma’n thiempu Lien hihna zieka limbawlna chuh amau in a kilak kha puou hi. Pathien sapna ziek chauh in mi chuh Thiempu Lien in a pang sek ui, Aron a hih mah bang in.

2 PETER 2:3

Chun, sumduh ziekin, lepchieh thu’n sumkawlveina’n hun mang un tin; himahlele, masang apat a a chungthuu tanna ding chuh guot zawhsa ahi ta a, amau haw hihsie ding pa chu le a ipmu diek puoi!

2 PETER 2:1

Malai khan le, mite lak achun thiemgau lêmte a um sek uh kha, zie tawbang mah chun, nang haw lak ah le, sinsaktu diklote hung pawt ding ahiu hi. Khutichun, sietna, thugin diklo hun puo lut un tin; amau haw hukdampa Lalpa ngêi chuh kizuksan in, amau haw chung ngêi ah, kintaka manthaina hun tunsak un au.

1 PETER 1:10

Zie hukdamna thu hi ahi, thiemgaute’n chingthei taka a hawl uh a, gunchuh taka sut a, Pathien in, thilpiek, nanguh a hun piek ding thu a genlawk sek uh khah.

JEREMIA 23:32

Lalpa chun, Ngaitiem u! mang lepchieh maimai gen a, hilh a, a lepchieh thuteu leh, a uonna thuteu maimai zieka ka mite puimang thiemgaute chuh ka do ahi, Lalpa’n a tii! Sawl la ka sawl puoh a, thu la ka pie diek puoi; zieziekchun, zie mipite hin phatchuompih diek puo’n a,” tih hi Lalpa kamsuok ahi.

ROME 10:15

Sawl a hihloh u chun, bangti’n a thu a gen dinguh? “Thil pha chanchin kipah-um tunte keng chuh a hawih na e!” tih zik guol khan.

JOHAN 3:3

Isu’n a dâwng a, a kawmah, “Tihtakzet, tihtakzet a ka hilh na hiu hi, mi kuole a pienthak loh chun, Pathien gam mu thei puo’n au,” a ti a.

JEREMIA 23:21

Thiemgaute chuh, ka sawl loh in a tai uh a, a kawmuh a thu ka gen loh lai inle a genlawk u a.

TITA 1:11

Ziehaw kam chuh hup sak ding ahi, lepna diklo deih ziekin, thu sinsak loh ding pi sinsak in, mi a inkuon kuon un a chawk chavai sek ngâl u a.

JEREMIA 14:15

Zieziekchun, Lalpa’n hiti hin a tii: Ka sawl loh a ka min sal a, zie gam ahin kiel leh chemzâm tung puo’n a ti a gen thiemgaute chuh chemzâm leh kiel in sumangthai un au.

JOEL 2:9

Khawpi chungah a chawm u a, kulh chungah a tai u a; In sunghaw ah a kal u a, gucha bangin tukvanhaw ah a lut u a.

JOHAN 10:7

Khutichun, Isu’n a kawm u ah a gen kit a, “Tihtakzet, tihtakzet in ka hilh na hiu hi: Kei hi belam kawtkhak chuh ka hii.