JOHAN 1:51 - PATHIEN LEKHABU THIENGTHO (BSI)

⁵¹ Isu mah in a kawmah, “Tihtakzet, tihtakzet a ka hun hilh na hiu hi, van kihawng a, Pathien vânsâwlchâkte Mihiem Chapa chunga kum leh kal hun mu’n lau,” a ti a.

JOHAN 1:51 ပူးပေါင်းရင်းမြစ်များ

THILSIEMBUL 28:12

Chun, mang a nei a, lei apat a van chana lei kidawh leh a chunga Pathien vânsâwlchâk te kum leh kal haw chu tawh a mu ta a.

EZEKIEL 1:1

Kum sawmthum na tha lina, ni ngana ni chun hiti hi a hung hi a, Kebar lui panga saltâng haw laka ka um lai chun van a hung kihawng a, Pathien kilâkna haw ka mu ta a.

ZEKARIA 13:7

“Aw chemzâm, kipan inla, ka belampu leh ka na seppih pa chuh do ah! Belampu chuh zêp inla, belam hawn chuh dalh u hen. A note chung achun ka khut tha ding ka hi.

MATTHAI 25:31

“Mihiem Chapa hi leng guola a vânsâwlchâkte tawh a lopina a kithuoma a hung tieng leh, a lopina chutphah chungah chu’n tin, a ma achun namtin kikhawm un au.

MATTHAI 26:24

Mihiem Chapa hi, a chanchin a zik guol tak uh khan chieh ding ahii, himahlele, Mihiem Chapa matsak ding pa mihiem chung chuh a gik hi! zie mihiem chuh pieng kihen la hileh amah dingin phazaw’n a,” ti’n a dâwng a.

MATTHAI 3:16

Tichun, Isu chuh baptistma a chan zawh zawh chun tui apat in a pawtdawk zieng a, chun, ngaitie, amah dingin van a hung kihawng a, Pathien Thagau chuh vakhu banga hung kum in a chunga hung chuh a mu a.

MATTHAI 4:11

Zie nung chun Diabol in a taihsan ta a; tichun Vânsâwlchâkte a hung u a, a na a hung sep sak tau a.

MATTHAI 8:20

Isu’n a kawmah, “Si-âlte’n kuo a nei u a; vachate’n bu a nei u a, himahleh, mihing chapa hin vang lungakna ding a nei puoi,” a ti a.

MATTHAI 9:6

Bang hitalele, lei chunga hin Mihiem Chapa’n gitloh ngaihdam theihna a nei hi tih na het theihna dingun,” a ti a. Khutichun, zeng kawm achun, “Tho inla, na puonphah la’n la, na In ah chieh ah,” a ti a.

MARK 1:10

Tui apat a a pawtdawk zawh zawhin, van kihawng ah, Thagau chuh vakhu banga a chunga hung kum a mu a.

MARK 14:62

Ziephet chun, Isu’n, “Ka hi, Mihiem Chapa hi, Bangakai hihtheipa khut changlama chuh a, van mei laka hung hun mu ding na hiu hi,” a ti a.

LUKE 2:13

Ziephet chun, thakhat in, vânsâwlchâk kawm achun van a mihaw, mipite chuh a hung kilang phut uh a, Pathien pahchak na la a hun sau a:

LUKE 2:9

Lalpa vânsâwlchâk a kieng u ah a hung kilak a, Lalpa lopina’n a kimvel uh chuh a hun khawh vak a. A lau mah mah tau a,

LUKE 22:43

Chun, vânsâwlchâk khat, van apat in a hung kilak a, amah a hung suhalh a.

LUKE 22:69

Himahlele, tu a kipat hin chuh, Mihiem Chapa hi, Pathien Bangakai hihtheipa changlam ah chu ta’n a,” a ti a.

LUKE 24:4

Chun, tihi ahi a, zie lungzînpih a a din lai u chun, ngaitie, mi nih, puon tesepsup silh in a kieng u ah a hung ding u a;

LUKE 3:21

Chun, tihi ahi a, mi cheng cheng in baptistma a chan zawh phet uh chun, Isu’n le baptistma a chang ta a, a paucham lai in van a hung kihawng a,

JOHAN 1:50

Isu’n a kawmah, “Theipi bula na um lai khan ka hun mu a puo, ka tih ziekin na gingcha ahi maw? Ziehaw sanga thil lopi zaw hi hun mu’n la,” a ti a, a dâwng a.

JOHAN 10:1

Chun, Isu’n, “Tihtakzet, tihtakzet in ka hilh na hiu hi, kuole, belam huong a kawtkhaka lut lo a, mun chuom khata kal dawka lut chuh, zie chuh gucha leh suommang ahi.

JOHAN 10:7

Khutichun, Isu’n a kawm u ah a gen kit a, “Tihtakzet, tihtakzet in ka hilh na hiu hi: Kei hi belam kawtkhak chuh ka hii.

JOHAN 13:16

Tihtakzet, tihtakzet a ka hun hilh na hiu hi; suok, a pu sangin a lopi puoi; sawlchak le, a sawlpa sangin a lopi diek puoi.

JOHAN 13:38

Isu’n a kawmah “Keimah ziekin na hinna chan ding maw? Tihtakzet, tihtakzet a ka hun hilh na hii; âk khuo’n masang in, nangin thum vei ei kizuksan inla” a ti a.

JOHAN 14:12

Tihtakzet, tihtakzet a ka hilh na hiu hi, kuole, ei gingcha chun, thil ka hih haw hi, ama’n le hih ina; ziehaw sanga thil lopi zaw hile hun hih ina, Pa kawma chieh ding ka hih ziekin.

JOHAN 16:20

Tihtakzet, tihtakzet a ka hun hilh na hiu hi, nang haw hi kap in lungkham un na tin un, himahleh, khawvel hi kipâk ding ahi; lungkham un na tin uh, himahleh, na lungkhamnau chuh lawpna hung suok ding ahi.

JOHAN 16:23

“Zie ni chuh a hungtun tieng leh, nangun kei bangmah ei dawng puo’n lau. tihtakzet in ka hun hilh na hiu hi. Pa kawma bang hitaleh, na nget u chun, keimah min in nanguh hun pie’n a.

JOHAN 21:18

Tihtakzet, tihtakzet a ka hilh na hii, na chapan lai khan na tai ah na kigak a, na utna chengah na chieh sek a; himahlele, na upat tieng leh, na khuthaw zak in na tin, mi dangin hun gâk sak intin, na ut lohna lam ah hun kai un au,” a ti a.

JOHAN 3:3

Isu’n a dâwng a, a kawmah, “Tihtakzet, tihtakzet a ka hilh na hiu hi, mi kuole a pienthak loh chun, Pathien gam mu thei puo’n au,” a ti a.

JOHAN 3:5

Isu’n a dâwng a, “Tihtakzet, tihtakzet in ka hilh na hii, mi kuole, tui leh Thagau a a pien loh chun Pathien gam lut thei puo’n au.

JOHAN 5:19

Isu’n amau haw chuh a dâwng a, “Tihtakzet, tihtakzet a ka hilh na hiu hi, Chapa’n amah mai in bangmah a hih thei puoi; Pa thilhih a muh ngâl loh chuh; Pa’n a hih bang bang chuh Chapa’n le a hih sek ahi.

JOHAN 5:27

Mihiem Chapa a hih ziekin, a kawmah vaihawm theihna thuneihna a piei.

JOHAN 6:26

Isu’n a dâwng a, “Tihtakzet a ka hilh na hiu hi, thilmak haw hi na muh ziek u a ei hawl na hi puou a, chângthâk pek na nek vah ziek u a ei hawl na hi zawu ui.

JOHAN 6:32

Isu’n a kawm u ah, “Tihtakzet a, tihtakzet a ka hilh na hiu, van apana chângthâk na muh u kha Mosi hun piek ei puoi, ka Pa chun chuh, van apat in chângthâk tak a hun piek na hiu hi.

JOHAN 6:47

Tihtakzet a ka hilh na hiu, kuole, a gingcha chun, kumsawt a hinna a nei hi.

JOHAN 6:53

Ziephet chun, Isu’n a kawm u ah, “Tihtakzet, tihtakzet a ka hilh na hiu hi, Mihiem Chapa phehlevo na nek u a, a thisan na dâwn loh u chun, nangmau in hinna nei hawn lo chuh.

JOHAN 8:34

Isu’n a kawm u ah, “Tihtakzet, tihtakzet a ka hilh na hiu hi, kuole, thil hihgilo ta gitloh suok ahi.

JOHAN 8:51

Thudik tak ka hun hilh na hiu hi, kuo’nle, ka thu a zawp chun, thih ni mel mu puo’n a,” a ti a.

JOHAN 8:58

Isu’n a kawm u ah, “Tihtakzet, tihtakzet a ka hilh na hiu, Abraham pien ma’n le ka um hi,” a ti a.

NASEPTE 10:11

Chun, van kihawng a, bangkhat bawm, puon lientak tawbang, a ning li a kikhit a, leia hung kitultha’n a mu a.

NASEPTE 7:56

“Ngaitiem u, van kihawng ka mu a, Pathien chang lama Mihiem Chapa ding le ka mui.” a ti a.

2 THESSALONIKA 1:7

tichun, nangmau haw chunga leh, keihaw chung ahin chawlhdamna ei pie’n a. Zie chuh, Lalpa Isu van a kipat, a vânsâwlchâk hattak tawh,

2 THESSALONIKA 1:9

Tichun, Lalpa apat leh, a lopina thilhih theihna apat a, khenchuom a um in, kumlekhuo a manthaina gawtna chuh thuok un au.

1 TIMOTHE 3:16

Chun, I Pathien ngaihsakna thuguk chuh, niel guol loh a lopi ahi ngâl a: “Phehlevo a hung kiphuong a, Thagau a thiem chang a; Vânsâwlchâkte’n le a muh uh, Jentel te laka tângsappih a, Khawvel pumpi a mite ginchak a, Lopina a puih toh takpa chuh.”

HEBRAI 1:14

Amau haw chuh thagau, Pathien nasem leh, hukdamna goluoh dinga a sawl dawkte chuh ahiu hi.

JUDA 1:14

Chun, ziete kawm achun, Adam a thâk a khang sagihna Enok chun, hun sawttak apat in a chanchin uh chuh a na genlawk ahi tai,

THUPHUON 19:11

Chun, van kihawng ka mu a; ngaitie! sakawl kâng leh, a chunga chu, “Taksanum leh Diktak,” a tih uh chule ka mu a; amah chun diktat takin vai a hawm a, a do sek hi.

THUPHUON 4:1

Zie thil haw nung chun ka vak en a, chun, ngaitie! van ah kawtkhak kihawngsa ka vak mu a. Aw ka zak masak, pengkun gi banga ei hopihpa khan, “Taka hin hung to ah, tichun, tunung a thil hung um dingte chuh hun etsak ing ka,” a ti a.