JOHAN 1:29 - PATHIEN LEKHABU THIENGTHO (BSI)

²⁹ Chun, a zing chun, Johan in Isu a kawma hung dingin a mu a, a gen a, “En tiem u, Pathien Belamno, vannuoi gitloh la mang pa khuh!

JOHAN 1:29 ပူးပေါင်းရင်းမြစ်များ

ISAI 53:7

“Amah chuh muhsit leh êngbawl in a um a; himahleh, kingainiem in a kam a ka puoi. Belamno thah dinga puih a um leh; belam a mulmetpa ma a thip kêi guolin, ama’n le a kam a ka puoi.

1 JOHAN 2:2

Amah chuh I gitlohteu lutchamna a hii; eihaw gitlohna mai hilo in, mi chengcheng gitloh lutchamna le ahi.

1 JOHAN 3:5

Krista chuh gitloh haw la mang dingin a hung lang tai tih na heu hi; amah achun gitloh bangmah a um puoh ngâl a.

1 PETER 1:19

belamno melhemlo leh buok beklo thisan guola, Krista thisan lul a tat na hi zawu hi tih, na he ngâl uh a.

2 KORINTH 5:21

Amah a chuh, mi diktat I hung hih theihna dingun, gitloh himhim helo hiel pa chuh, Pathien in eimau haw ziekin, gilo in a siem ta ngâl a.

1 PETER 2:24

Gitloh lama thi a, diktatna lama I hin theihna dingun, Krista mawng chun kross lêk a khan a sapum in I gitlohna hawu a puo a, amah kizêpna kigawlh haw chun sukdam in na um tau hi.

HEBRAI 1:3

Amah chuh Pathien lopina eng leh, Pathien hihna kibatpih ngêi, a thu thilhih thei taka bangakai vawp det pa chuh ahi. Mi chengcheng dinga gitloh ngaihdamna a siem nung in, van a, Pathien Bangakai hihtheipa khut changlam akhun a va chu ta a.

ISAI 53:11

A thuokgimna a beih tieng chuleh, kipahna hun nei intin, lung-awi ta’n tin, A thuokna chuh a thâwn ahi puoi tih hun he ta’n au. Ka suok diktak, a chunga ka kipahna mah mah pa chun mi tamtak dingin thuok intin, Amah min ziekin amau haw chuh ngaidam ing ka.

THUPHUON 6:1

Chun, Belamno chun, tiemtehna sagihte laka khat a hihsiet a, a phel lai tak chuh ka mu a, chun, ganhing lite laka khat chun vangi tawbang hielin, “Hung ah,” a tih ka za a.

THUPHUON 12:11

Belamno thisan vang leh, thudik a hettuoksak thuu vanga guolzote a hiu a, a hinnau chan khawp leh thih ngama pang te a hi ngâl uh a.

GALATI 3:13

Himahlele, Krista chuh I sik uh a hansiedawl a um in; Dan hansie lak apat chuh ei tandawk tai; Pathien Lehkha thu chun, “Thing a kikhai ta chuh, hansiedawl ahiu,” ti a a gen guol khan.

JOHAN 1:36

Isu chieh viel lai a mu a, “En tiem u, Pathien Belamno khuh!” a ti a.

THUPHUON 7:17

Belamno, lalchutphah lailung a umpa chuh amau haw chingpa hi’n tin, hinna tuikhuk haw achun pui ina. Khutichun, Pathien in a mit uh apat mitthi chengcheng chuh thiek hul sak ta’n a,” a ti a.

NASEPTE 8:32

Chun, lehkhabu a sim lai chuh ziehi ahi: “Thah dingin belam guolin amah chuh a pui u a; Belamno a mulmetpa maa a thip kêi guolin, Ama’n le a kam a ka puoi;

THUPHUON 17:14

Ziete haw chun Belamno chuh do un tin; himahleh Belamno chun, a telte, leh amah nungzui ginumte chu tawh amau chuh zo unau; amah chuh Lalte Lal leh, Lengte Leng a hih ziekin,” ti’n.

THUPHUON 15:3

Pathien sawntawlawi Mosi la leh Belamno la: “Aw Lalpa Pathien, Bangkim hihthei, Na thilhihte chuh a lopi in, a mak a; Nang, namtin Lalpen, Na lampi chuh a diktat in, a dik ngâl a!

THUPHUON 14:1

Chun, ka vak et leh, ngaitie! Belamno, Zion tânga ding leh, a chalpâng uh a a min leh a Pa min kizik, mi nuoi khat leh singli leh sangli a kawma umte chuh ka mu a.

THUPHUON 7:14

Kei chun a kawmah, “Hepu, ka he puoi, nangin na he’i” ka ti a. Amah chun ka kawmah, “Ziehaw hi, gimtheihna nasatak apat a pawtte khah ahiu a, Belamno thisana a puon uh sawp vamte ahiu hi.

1 PETER 3:18

Pathien kawma ei uh ei puih theihna dingin, Krista chun gilote ziekin khatvei a thuok ta ngâl a, mi diktat chun mi diktatlo sik in a thuok a; a taksa ngêi chuh thaha um in, thagau vang achun sukhin in a um a;

THUPHUON 19:9

Chun, vânsâwlchâk chun ka kawmah, “Belamno zi neihna guolvakna a chiela umte chuh a hamphau ui, ti’n zik ah,” ei ti a. Vânsâwlchâk mah chun, “Zie thu haw hi Pathien Thutak ahi,” a ti a.

THUPHUON 14:10

Pathien lungnatna uain, a thangtawmna khawn bangmah tawh helloh a hun sundawk chuh dâwn untin, chun, vânsâwlchâk thiengthote leh Belam No mitmuh ah mei leh kât a gawt a um ding ahi, ti’n aw ngeih tak in a kiko a.

THUPHUON 13:8

Tichun, lei chunga um chengcheng, lei kisiem tunga thahsa Belamno Hinna Lehkhabu a min zik loh taphawtte chun, Pathien ho tawbang in ho un au.

JOHAN 3:16

Pathien in khawvel a hehpih mah mah ziekin, a Chapa changkhat neih sun a pie a, kuole, amah gingcha taphawt chuh mangthai puou un tin; himahleh, kumkhuo hinna nei zawn au.

THUPHUON 19:7

Lawp takin kipâk hi tingun, amah pakchai tiu, Belamno zi neih chuh a phat ta ngâl a; mo le a kisazo tai!” a tih ka za a.

THUPHUON 14:4

Ziete haw chuh numei tawh kisubuok lote, nungak thiengtho bang a hi ngâl uh a. Ziete haw chun Belamno chuh a chiehna lam chengah a zui uh a. Ziete haw chuh Pathien a ding leh, Belamno a dinga gah masa hi dinga lei apat a tatdawkte chuh ahiu hi.

THUPHUON 5:8

Ziephet chun, ganhing lite leh, upa sawmnih leh lite chuh Belamno ma achun a bawkkhup tau a. Amau haw chun kingkang leh sana belhbu, gimlima dim a kichawih chiet uh a, zie chuh Pathien mite pauchamna chuh a hii.

THUPHUON 1:5

Isu Krista, thu hetpih taksanum tak, mithi lak apat a kaihthawh a um masapen ding pa leh, leia lengte vaihawmpa kawm apan chun A lungsietna leh chamna na kawm u ah um hen. Ama’n ei hehpih a, a thisan in I gitlohnau apat ei tandawk a,

THUPHUON 21:9

Chun, belhbu sagih chawi, gawtna nunung pên sagih puo, vânsâwlchâk sagihte laka khat chuh a hung a, ka kawmah, “Khaile, mo, Belamno zi chuh hun etsak ing ka,” ti’n ei hopih a.

THUPHUON 6:16

Tichun, tângte leh suongpite kawm achun. “Ei delh khum unla, Lalchutphah a chu pa maikawk apat leh Belamno lungnatna apat ei lieh u!

TITA 2:14

Amah chuh sukkhelhna chengcheng lak apat ei hukdawk ding leh, amah a mai hi a, a mi thiengthote I hih theihna dingun leh, thilpha hih a phachuom ngai dingin I sik un a hung kipie ta a.

THUPHUON 21:27

Himahlele, thil buok himhim khawpi achun lut puo’n tin, thil muhdahum hihte leh, lepchieh gente le lut diek puo’n au. Belamno Hinna Lehkhabu a min a zikteu maicha lut un au.

1 JOHAN 4:10

Ziehi ahi hehpihna chuh; eimau in Pathien I hehpih ui ti ka hi puoh a, ama’n ei uh ei hehpih a, I gitloh uh lutchamna hi dingin, a Chapa a hun sawl hi ti ka hi zaw ie.

1 TIMOTHE 2:6

Mi chengcheng tatna dinga kipiepa chuh ahi.

1 KORINTH 15:3

A masapen in, ka muh mah khah ka hun hilh sawn na hiu hi: khati a, Krista chuh, Pathien Lehkha thu bang zela, I gitlohna hawu zieka a thih a;

MATTHAI 20:28

Mihiem Chapa hi zen a um dinga hung ahi puoh a, mi zen ding leh, mi tamtak tatna dinga a hinna pie dinga hung a hih guol hin,” a ti a.

THUPHUON 5:6

Chun, lalchutphah lailung a ding, Belamno, ganhing lite leh upate um kimvela um chuh ka mu a. Zie Belamno chuh a kithat sa hi leh kilawm tak hin a kilang a. Ki sagih leh mit sagih hi a nei a, ziete chuh Pathien Thagau, khawvel pumpi chunga sawl dawka umte chuh ahiu hi.

HEBRAI 9:28

Zie guol mah chun, Krista chu le, mi tamtak gitloh lâkmangna dingin, khatvei kithawihna’n a kipie ta ngâl a. Zieziekchun, a nih veina achun, gitloh thu ngaihtuoh ding hilo in, amah a na ngakte hukdam dingin a nih veina ah hung kilak kit ina.

GALATI 1:4

Krista chun, Pathien leh Pa deih lam taka thu zawp in, zie tulai vannuoi gilo lak apat eihaw ei hukdam dingin, amah mawng chuh I gitloh man un a kipie ta a.

NASEPTE 13:39

kuole, a gingcha ta, bang chengah thiemchan sak in a um ui, ziehaw achun Mosi dân in thiemchan sak in na um thei puou hi.

MATTHAI 1:21

Chapa hun hing in tin, a min dingin ISU sa’n la: amah chun a mite a thil hihkhelh nau apat hukdam ding ahi ngâl a,” a ti a.

THUPHUON 21:14

Chun, zie khawpi kulh bâng chuh, suongphum sawm le nih chunga kilem ahi a, ziehaw achun, Belamno sawlchak, sawm le nih te min chuh a kizik chiet a.

HEBRAI 2:17

Khutia chuh, mipite gitloh ngaihdam a hih theihna dinga, Pathien kawma a zenviel nasepna a chuh, Thiempu Lienpen, mi lainat thiem a hihna dingin, suohpihpa bang a hung um ahi zawi.

THIEMPUDANTE 10:17

“Bang zieka gitloh thawihna sa chuh mun thiengtho a na nek loh u a? Thil thiengtho pên hi a, mipite gitlohna pawding a Lalpa ma a chamna siem sak na dinga a hun piek ahi ngâl a.

HOSEA 14:2

Lalpa kawm lam achun vaikit unla, ziehi pauchamna na lat ding dân u chuh hi hen: “Ka gitlohnateu cheng ei ngaidam inla, ka hihphat taphawt u chuh pawm in; tichun, ka mûk hawu gahte chuh bâwngchal sik in hun pie’ng kau.

PAWTDAWKNA 28:38

Aron in zie chuh a chalpâng ah belh intin, tichun, kei Lalpa hin Israel chate’n kei a hima a piek thiengthoteu chuh pawm sak ing ka ting, ka mipite’n a thilpiek chungchâng u a thil bang ahim khat a na sukhiel mah leule pawm sak ing ka.

KISIMNA 18:23

Tu apat hin Levi te chauh hin puon-In na sem untin, a mawh chengcheng chuh puo’n au. Zie hi na suonteu tieng a dingin le zuih hi’n a. Levi te chun Israel te lak achun gochan det nei puo’n au,

KISIMNA 18:1

Chun, Lalpa’n Aron kawmah a gena, “Nang leh na chapate leh Levi te hin munthiengtho a gitlohna mawh chuh puou un na tin uh: chun, nang leh na chapa te hin na thiempu hihnau lam thila gitlohna mawh chuh puo’n lau.

KISIMNA 7:27

Hâlmang thillat dingin bâwngchal tuoi khat, belamchal khat, belamno achal kum khata upa khat,

ISAI 53:10

Himahlele, zêp thidup a a um chuh Lalpa phasak lam ahi a, suknat in a um ta ngeia, a hinna chuh gitloh ngaihdamna dinga kithawihna ahi ngâl a, a mah chite chuh hun mu’n tin; a nite chuh suksau sak in tin, tichun, Lalpa deihlam chuh amah achun sukbukim in um ina.

ZEKARIA 13:1

“Zie ni chuh a hungtun tieng leh, David suonte leh Jerusalem mite gitlohna leh milim honau apat sukthien na dingin tuikhuk hawn in um ina,

JOHAN 1:35

Chun, a zing kit chun, Johan a ding a, a sinsakte nih tawh:

JOHAN 1:43

Chun, a zing chun, Isu chuh Galili gama chieh a guo a. Philip a mu a, a kawmah, “Nei zui ah,” a ti a.

JOHAN 2:1

Chun, a ni thum ni chun, Galili gama Kana khuo ah kichênna a um a, tak achun Isu nu le a um a.

JOHAN 4:42

Tichun, numei kawma chun, “Tuzet hin chuh, na thugen vanga gingcha ka hi ta puou; keimau ngêi in a thu ka heu a, zie pa hi khawvel hukdampa a hi tak zet hi, tih ka he tau hi,” a tiu a.

JOHAN 6:51

Kei hi, van apana chângthâk hing hung suk chuh ka hi, kuo’n le zie chângthâk hi a nek chun, kumsawt in hing zing in a, khawvel hinna dinga chângthâk ka piek ding chuh, ka phehlevo hih ahi.” a ti a.

KISIMNA 7:39

Hâlmang thillat dingin bâwngchal tuoi khat, belamchal khat, belamno chal kum khata upa khat.

KISIMNA 21:9

Khutichun Mosi chun sumeng gûl lim a siem a, khuom ah a khâi ta a; kuole, gûl chuk taphawt chun sumeng gul lim chuh a et u leh, a dam zel tau hi.