JOHAN 1:18 - PATHIEN LEKHABU THIENGTHO (BSI)

¹⁸ Kuoma’n bangmah tikin Pathien a mu ngei puou, Chapa changkhat neih. Pa ângsung a um ngêi khan, a chanchin a gen ahi tai.

JOHAN 1:18 ပူးပေါင်းရင်းမြစ်များ

THILSIEMBUL 16:13

Tichun, Hagar chun a hopih Lalpa chuh a sama “Mutheipa Pathien na hi” a ti a. Pathien chuh mu tak tak ngâla hing nalai ka hi die aw! a ti a.

THILSIEMBUL 18:33

Tichun, Lalpa chuh Abraham tawh a kiho zawh u chun a chieh ta a, Abraham chuh amah umna mun lam ah a vaikit tai.

PAWTDAWKNA 23:21

Amah zai ngak unla, a thugen chuh zawp un; a chungah kiphin kiu in: zie a helte chuh hun ngaidam nuom lo ding ahi ngâl a; amah achun ka min a um ngâla.

PAWTDAWKNA 24:10

Israel Pathien chuh a va muu a; chun, a kêngpêk nuoi chuh sapphire suongmantam a kisiem hileh kilawm a um a, a thien zie chuh van taksa thien guolin a thieng a.

THUCHINGTE 8:30

Zielai chun a kawm achun nasemte lawiupa bangin ka um a, ni chenga a kipahnau ka hi a; a umna achun kipâk in ka um zing hi.

ISAI 40:11

Amah chun belam chingpa bangin, a belamte chuh veng intin; belam note chuh a khut nih in pawm intin, a ângsung ah kawih in tin, chun, a pi-nokaite chuh awlcha cha’n chiehpih dên dên ina.”

SUNNA LA 2:12

Amau chun a nuteu kawmah buh leh uain khawia um ahi? a tiu a. Sukliem bang hielin khawlai achun thingilh in a kuol u a. A hinnau chu a nuteu angsung achun a sung buou a.

KISIMNA 12:8

Zieziekchun a kawm ahin kimaichangtuoh in thu ka gena, chientak leh het haksa um lo in, Ka lim nasan le a mu ahi! bang zieka ka suok Mosi hi gen sie ngam na hiu em?” a ti a.

MATTHAI 11:27

“Ka pa’n thil chengcheng ei vawp sak tai; Pa tello in kuoma’n Chapa hi a he puoi; Chapa leh, a kawm u a Chapa’n a phuon nawpna te tihloh chun kuoma’n Pa chuh a he puoi.

LUKE 10:22

“Ka pa’n bangakai ei vawp sak tai, Chapa chuh kuo ahi tih Pa ngâllo chun kuoma’n a he puoi; Pa chule kuo a hih, Chapa leh a kawm u a Chapa’n a phuon nawp nate ngâllo chun kuoma’n a he diek puou,” a ti a.

JOHAN 1:14

Tichun, Thu chuh phehlevo a hung suok a, I laku ah a um ta a, lungsietna leh thutak in a dim hi. Pa Cha chang khat neih, lopi guolin, a lopi zie I muu hi.

JOHAN 12:41

Isai in a lopi zie a muh leh a chanchin a gen ziekin ziehaw chuh a gen ahi.

JOHAN 13:23

A sinsakte laka mi khat, Isu’n a hehpih chuh, dawhkân sika Isu kawm achun a chu a.

JOHAN 14:9

Isu’n a kawmah, “Philip, chanpi hi na kawmah ka um a, khutisa chun le nei he puo maw? Kuole, ei mu chuh Pa mu a hii. ‘Pa chuh kei u le nei muh sak ah’ bangti tih a na tih ahi?

JOHAN 17:26

A kawm u ah na min ka hetsak ta a, hetsak kit zel ing ka, ti a chuh, nangin kei nei hehpihna kha amau ah a um a, keile amau a ka um theihna dingin,” a ti a.

JOHAN 17:6

“Nangin khawvel apat a mi nei piek dawkte kawm achun na min ka sulang tai. Amau haw chuh nanga ahiu a, nangin kei nei piekte ahi ngâl u a. Amau chun na thu a zawp tau hi.

JOHAN 3:11

Tihtakzet, tihtakzet a ka hilh na hii, kei un ka het u chuh ka gen sek ui, ka muh u chuh ka hetsak sek ui, himahlele, ka thu hetsak u chuh na awi sek puou hi.

JOHAN 6:46

Mi kuoma’n Pa a mu ngei puou hi, Pathien kawm apat a hung pa ngâllo chun, amah chauh chuh Pa mu ahi.

2 KORINTH 4:4

Zie khawvel pathien hin a lungthim teu a sukdûk ziekin, a gingcha puou hi. Krista lopina, Pathien batpih ngêi, Chanchin Pha eng chun amau haw a salh theih lohna dingin a siem sek hi.

DAN NIHNA 4:12

Chun, Lalpa chun mei kuong apat chun a hun hopih a; aw git na zau a, ahih ziekin, mellepâng nei bangmah na mu puou a, aw git chauh na heu ahi.

KOLOSSA 1:15

Krista chuh muh theih loh Pathien lim, thilsiem dang cheng sanga chungnung a, chapa pieng masapen chuh ahi.

1 TIMOTHE 1:17

Leng lienpen, kumsawt a um, thi theilo, muh theih loh, Pathien khat mai pa kawm achun, limbawlnate, lopinate, kumsawt, kumsawt in um ta hen! Amen.

1 TIMOTHE 6:16

Amah chauh chuh thi thei lo, kuoma’n naih theih loh hiel vak achun a cheng a. Kuoma’n a mah chuh a mu kha puoh a; muh le a mu thei lo ahiu hi. Amah kawm achun kumsawt a limbawlna leh thilhih theihna chuh um hen! Amen.

JOSHUA 5:13

Chun, hiti hi ahi a, Joshua chuh Jerikoh khuo kawm a a um lai chun a khawdak a, a enviel a, chun, ngaitie, a masang cha achun mi khat a chemzâm zuk dawksa chawi a ana ding zing a mu a: a vak zuon a a kawmah, “Kei uh lama pang na him, ka melmateu lama pang?” a ti a.

1 JOHAN 4:12

Kuoma’n, bangtik lai inle Pathien a mu kha puou hi. Himahlele, I kihehpih tuoh uh chun, Pathien eimau ah um zing intin, a hehpihna le eimau ah bukim ta’n a.

1 JOHAN 4:20

Mi’n, “Pathien ka hehpih ie,” ti’n, a suohpih haw leh, amah chuh lepchieh ahi. A suohpih, a muh sa zing bawn a hehpih loh chun, Pathien a muh khâk loh pa chuh bangti’n a a hehpih theih ding?

1 JOHAN 4:9

Zie taka hin Pathien in a hehpihna chuh I chungu ah a hun sulang tai, amah vanga I hin theihna dinguh a, a Chapa neihsun khawvel a a hun sawl ahin.

1 JOHAN 5:20

Chun, Pathien Chapa chuh a hung a, het theihna ei piei tih I heu a, khutichun, Pathien diktak chuh I he tau hi. A Chapa Isu Krista tawh I kipumkhatna zal uh chun, Pathien diktak chu tawh kipumkhat in I hing uh ahi. Amah chuh Pathien diktak a hi a, kumsawt hinna le ahi.