JOHAN 1:14 - PATHIEN LEKHABU THIENGTHO (BSI)

¹⁴ Tichun, Thu chuh phehlevo a hung suok a, I laku ah a um ta a, lungsietna leh thutak in a dim hi. Pa Cha chang khat neih, lopi guolin, a lopi zie I muu hi.

JOHAN 1:14 ပူးပေါင်းရင်းမြစ်များ

SAM LEHKHABU THE PSALMS 2:7

Lalpa thutanna chuh gendawk ing ka: Lalpa’n, “Nang chuh ka chapa na hi ie; Tuni hin ka hun hinthak na hi.

SAM LEHKHABU THE PSALMS 45:2

Mihiem chate lak ah na hawih pena; Lungsietna hi na mûk a sun khum ahi: Zieziekchun Pathien in kumlekhuo a dingin a hun vangsak ahi.

SAM LEHKHABU THE PSALMS 85:9

A hukdamna chuh amah kihchate kawmah achun a um ngêi ngêi sek hi; Zie lopina chuh ka gam u ahin a um theih na dingin.

ISAI 40:5

Tichun, Lalpa lopina chuh suklat hi’n tin, mi chengcheng in zie chuh mu chiet un au; Lalpa kam ngêi in zie chuh a gen ta ngâl a,” a ti a.

ISAI 53:2

Amah chuh lei gaw tak apat a thil zung kek guola, a suok khan dawk chuh Lalpa phasak lam ahi ngâla. Pienken phatna leh mel hawihna himhim a nei puoh a; amah I muh u a I deih na dingun hawihna himhim a nei puoi!

ISAI 7:14

Zieziekchun, Lalpa ngêi chun melchikna hun pie’n tin, ngaitiem u, nungak thiengtho chuh gai intin chapa hing intin, a min dingin Immanuel sa’n au.

EZEKIEL 37:27

Ka bâwkcha le a kawm u ah um intin, a Pathien uh hing ka ting, amau chuh ka mite hi’nau.

MATTHAI 1:16

Zie Mari sunga hin Isu Krista kiti hi a hung pieng tai.

LUKE 2:11

Tuni hin nanguh dingin David khawpi ah Hukdampa chuh a pieng tai, Lal Krista chuh!

LUKE 2:7

Tichun, nautil in chapa a nei a, chun, puon nem in a tuom a, khuolbûk a chuh amau dinga mun a um loh ziekin, gankuong achun a siel ta a.

LUKE 9:32

Himahleh, Peter leh a guolte chuh a ihmut uh a suok mah mah a; chun, a hung halhdawk phet u chun, Isu lopina leh a kienga mi nih dingte chuh a muu a.

JOHAN 1:1

A tûngin Thu a um a, Thu chuh Pathien kawmah a um, Thu chuh Pathien ahi.

JOHAN 11:40

Isu’n a kawmah, “Na ginchak chun, Pathien lopi zie mu’n la ka hun ti hilo ahim?” a ti a.

JOHAN 14:6

Isu’n a kawmah, “Keimah hi lampi leh Thutak leh Hinna ka hii; keimah a chieh lo chuh, kuomah Pa kawm a tung ngei puou.

JOHAN 14:9

Isu’n a kawmah, “Philip, chanpi hi na kawmah ka um a, khutisa chun le nei he puo maw? Kuole, ei mu chuh Pa mu a hii. ‘Pa chuh kei u le nei muh sak ah’ bangti tih a na tih ahi?

JOHAN 17:22

Nangin lopina kei nei piek kha a kawm u ah ka pie tai, nang leh kei pumkhat I hih guola, amau haw le pumkhat a hih theihna dingun:

JOHAN 17:24

“Hepa! nangin kei nei piekte hi, ka umna a ka kawma um dingin ka deih hi; nangin nei piek, ka lopina khah a muhna dingun, lei kisiem masang apat in nei hehpih ta ngâl a.

JOHAN 18:37

Chun, Pilate in a kawmah, “A leh, leng hilo na hi?” a ti a. Isu’n, “Hi e, leng ka hi a puo! Thutak hetsak hi ka pien lawh leh, khawvel a ka hung lawh ahi. Kuole, thutaka um ta poh in ka thu a pawm sek ui,” a ti a.

JOHAN 2:11

Isu’n, zie a thilmak hih kipatna hi, Galili gam Kana khuo achun a hih a, a lopi zie a latsak a; tichun, a sinsakte’n a gingcha tau hi.

JOHAN 3:16

Pathien in khawvel a hehpih mah mah ziekin, a Chapa changkhat neih sun a pie a, kuole, amah gingcha taphawt chuh mangthai puou un tin; himahleh, kumkhuo hinna nei zawn au.

JOHAN 3:18

Kuole, amah gingcha chuh mawh changin um puo’n au, himahleh, a gingcha lo chuh, tu akipat zieng hin le mawhchang in a um ui; Pathien Chapa changkhat a ginchak loh ziekun.

JOHAN 6:51

Kei hi, van apana chângthâk hing hung suk chuh ka hi, kuo’n le zie chângthâk hi a nek chun, kumsawt in hing zing in a, khawvel hinna dinga chângthâk ka piek ding chuh, ka phehlevo hih ahi.” a ti a.

JOHAN 8:32

tichun, thutak hun heu in na tin uh, Thutak chun suok hun haihsak ina,” a ti a.

NASEPTE 13:33

Khati a Pathien in Isu a kaihthawh khan I chateu kawm ahin ziehaw chuh a hun muolsuoh ahii. Sam nihna ah: ‘Ka Chapa na hi; tuni hin ka hun hin na hi,’ tih zik guol khan.

ROME 8:3

Phehlevo zieka Dan chuh a hatloh a, a hih theih guol loh chuh, Pathien in amah Chapa ngêi, phehlevo gitloh bang pu’n, gitloh thawihna dingin a hun sawl a, phehlevo a gitlohna um chuh mawh a hun chansak ta a:

ROME 9:5

Chi hun suonte chule amau ahiu a, phehlevo lam thu achun Krista chuh amau haw apat hung pawt ahi a; Pathien chuh thil chengcheng chunga vaihawm, kumsawt a pahchak tâk ahi. Amen.

1 KORINTH 15:47

Adam masa chuh, leia siem, leisiet apat a um ahi a, Adam nihna chuh, van apat a hung ahi.

2 KORINTH 12:9

Himahlele, amah chun ka kawmah, “Ka lungsietna hi nang dingin a buting ahi, ka thilhih theihna hi na zawnkhalna ahin a puo sukbukim a a um sek,” a ti a. Khutichun, Krista thilhih theihna chuh ka chunga a um theihna’n, kipâk mah mah kawmin ka zawnkhalna haw hi suong zaw tang ka.

GALATI 4:4

Himahlele, a hunbi a hungtun khan, cha hihna I muh theih na dingun.

EPHESI 3:8

Jentel te kawma Krista neihzawhna hawldawk zawh loh haw chanchin gen ding leh,

KOLOSSA 1:19

Pa lung hihna mawng chun, chapa chun amah achun Pathien batna bukim chuh a nei a.

KOLOSSA 2:3

Amah chuh Pathien chitna leh hetna go selguk hawnna chabi chuh ahi ngâl a.

KOLOSSA 2:9

Pathien hihna bukim chuh Krista mihinna achun a um ngâl a.

1 TIMOTHE 3:16

Chun, I Pathien ngaihsakna thuguk chuh, niel guol loh a lopi ahi ngâl a: “Phehlevo a hung kiphuong a, Thagau a thiem chang a; Vânsâwlchâkte’n le a muh uh, Jentel te laka tângsappih a, Khawvel pumpi a mite ginchak a, Lopina a puih toh takpa chuh.”

HEBRAI 1:3

Amah chuh Pathien lopina eng leh, Pathien hihna kibatpih ngêi, a thu thilhih thei taka bangakai vawp det pa chuh ahi. Mi chengcheng dinga gitloh ngaihdamna a siem nung in, van a, Pathien Bangakai hihtheipa khut changlam akhun a va chu ta a.

HEBRAI 1:5

Vânsâwlchâkte lak ah, kuo kawmah e, zie thu haw hi a gen khâk sek? “Nang vang ka Chapa na hi ie, Tunia ka hun hin na hi tai,” tih leh, “A dingun Pa hi’ng ka ting, Amah chuh kei dingin Chapa hi’n a,” tih hi.

HEBRAI 10:5

Zieziek tak chun ahi, Krista chuh zie khawvel a a hung lai khan, “Kithawihna leh thillat na na deih puoh a, Kei dingin taksapum nei na guot sak zaw a;

HEBRAI 2:11

Amah chun mipite chuh a gitlohnateu apat chun a hih thiengtho ta a, amah leh sukthientho a umte chuh Pa khata pawt a hi ngâl u a. Zieziekchun, Isu chun amau haw chuh “Suohpihte,” tih chuh a zakcha puoi.

HEBRAI 5:5

Khutibang mah in, Krista chule, Thiempu Lienpen a kisiem dingin amah a kisulopi, puoi, zie malak chun: “Nang vang ka chapa na hi ie, Tuni hin ka hun hin na hii,” ti a, a kawma gen pa khan a suklopi zawk ahi tai.

1 JOHAN 4:14

Chun, Pa’n a Chapa chuh khawvel hukdampa dingin a hun sawl hi tih keihaw’n ka mu tau a, mi dangte ka hilh sawn uh ahi.

1 JOHAN 4:9

Zie taka hin Pathien in a hehpihna chuh I chungu ah a hun sulang tai, amah vanga I hin theihna dinguh a, a Chapa neihsun khawvel a a hun sawl ahin.

2 JOHAN 1:7

Themtu tamtak, Isu Krista chuh taksa pu’n a hung hi, tih panpih lote khah, khawvel ahin a hung suok dawk ta ngâl uh a. Khutibang mi chuh ahi, milem leh Krista dodilpa chuh.

THUPHUON 19:13

Chun, amah chuh thisana kidieh puon-In a kithuom a; a min chuh, “Pathien Thu,” a tiu a.

THUPHUON 21:3

Lalchutphah apat chun aw ngeih tak in, “Ngaitie! Pathien bâwkcha chuh mihiem lak ah a hung um tai, Amah chuh a kawm u ah um intin, Amau haw chuh a mite hiu intin uh; Pathien mawng chuh a kawm u ah um intin, A Pathien uh le hi’n a.