JOHAN 1:10 - PATHIEN LEKHABU THIENGTHO (BSI)

¹⁰ Amah chuh khawvel ah a um, khawvel chuh amah siem ahi, khawvel chun amah a he puou.

JOHAN 1:10 ပူးပေါင်းရင်းမြစ်များ

THILSIEMBUL 16:13

Tichun, Hagar chun a hopih Lalpa chuh a sama “Mutheipa Pathien na hi” a ti a. Pathien chuh mu tak tak ngâla hing nalai ka hi die aw! a ti a.

THILSIEMBUL 17:1

Chun, Abram chuh kum sawmkuo leh kum kuo mi ahih in, Lalpa chuh a kawmah a hung kilak a, a kawmah, “Kei, Pathien Bangkim bawlthei ka hi; ka masang ah um inla pha bukim in um in.

THILSIEMBUL 18:33

Tichun, Lalpa chuh Abraham tawh a kiho zawh u chun a chieh ta a, Abraham chuh amah umna mun lam ah a vaikit tai.

ISAI 53:3

Amah chuh mite muhsit leh deihloh in a um a, lungkham leh natna he mi ahi a, mite chun kihetmawh sak in a mai uh a sel u a; amah chuh muhsit in a uma bangmah lo a ngaih in a um a.

MATTHAI 11:27

“Ka pa’n thil chengcheng ei vawp sak tai; Pa tello in kuoma’n Chapa hi a he puoi; Chapa leh, a kawm u a Chapa’n a phuon nawpna te tihloh chun kuoma’n Pa chuh a he puoi.

JOHAN 1:11

A mite kawmah a hung a, a mite’n amah a na he puou.

JOHAN 1:18

Kuoma’n bangmah tikin Pathien a mu ngei puou, Chapa changkhat neih. Pa ângsung a um ngêi khan, a chanchin a gen ahi tai.

JOHAN 1:3

thil kisiem chengcheng hi amah siem loh bangmah a um puoi.

JOHAN 1:5

Vak chuh thim lak ah a hung vak a; thim in zie chuh a ngaihsak puoi.

JOHAN 17:25

Aw he Pa diktat! khawvel in vang a hun he puou a, ken vang ka hun hêi; te haw hin le, nangin kei nei sawl a hii tih a heu hi.

JOHAN 5:17

Himahlele, Isu’n amau haw chuh a hopih a, a kawm u ah, “Ka Pa’n tu tieng inle na a sem sek, ken le ka sem sek,” a ti a.

NASEPTE 14:17

Himahleh, amah chuh kihetsakna um lo in a um puoi; thilpha hihin, van apat guohtui haw leh, kum phat kum bang a hun pie sek a; nek ding hun pie’n, na lunggil uh kipahna’n a hun hihdim sak sek hi,” a tiu a.

1 KORINTH 1:21

Pathien in a chitna chun, mihiemte’n chitna manga amah a het theih loh nung un thugen ngawlhuoi manga gingchate hukdam chuh, Pathien in pha a sa ta a.

1 KORINTH 2:8

Zie chitna chuh, zie khawvel vaihawmte hin a na he kha himhim puou hi. A na he kha hi taleu chuh, lopina Lalpa chuh khêndên puo’n au.

1 KORINTH 8:6

Ei u dingin vang chuh, Pathien khat mai, Pa chuh a um a, amah chuh Bangakai Siempa ahi a; amah dingin I hing u a, chun, Lalpa khat mai a um a; Isu Krista chuh, thil chengcheng hi amah vanga siem a hi a, ei u le amah vangin I hing uh ahi.

KOLOSSA 1:16

Amah achun bangakai siem a hi a, van a umte, leia umte, muh theih leh muh theih loh cheng tawh, lalchutphah leh lalgam hita leh, vaihawmte leh thuneihna te cheng tawh Pathien in khawvel pumpi hi amah ah leh, amah a ding mah a a siem ahi.

HEBRAI 11:3

Taksanna’n vannuoi haw hi Pathien thu a suktuoh sa diem ahi tai tih I heu a, khutichun, thil muh theih haw hi, thil muh theih loh haw apat a siem ahi.

1 JOHAN 3:1

Ngaitiem u, Pa’n ei hehpihna a nasa na e! “Pathien chate,” ti a, ei minvawh tak uh hi; khutibang chuh I hi him ui. Zieziek hin khawvel in ei uh ei het loh uh ahi, amah chuh a het loh ziekun.