JOEL 3:9 - PATHIEN LEKHABU THIENGTHO (BSI)

⁹ “Ziehi namte lak ah phuong unla: ‘Kido dingin kiguonggalh un; na gâl hatteu sam un la; na sepaihteu cheng khawm unla, chieh un!

JOEL 3:9 ပူးပေါင်းရင်းမြစ်များ

SAM LEHKHABU THE PSALMS 96:10

Namtin laka chun, “Lalpa chuh lal in a chûi,” tiu in: Khawvel hi a phuhdet ahi a, kilîng ngei puo’n a: Amah chun khenchuom neilo in namtin vaihawm ina.

ISAI 34:1

Nang haw, namtina mite haw, hung khawm un! Hung khawm unla, ngaithau un! aw mipite haw ngaithau un. Lei leh a sunga um chengcheng te hung khawm unla, ngaithau un!

JEREMIA 31:10

“Aw namte haw, Lalpa thu chuh ngaithau inla, gamla taka tuipi panga gam haw achun phuongzak unla, Israel thehzakpa chun hun puikhawm kit intin, belampu’n a belamte a ven bangin veng ina, tiu in.

JEREMIA 50:2

“Nam tin lak achun gen un la, phuong un! puonlap khâi unla, phuong unla, îm kiu in. Babulon chuh lak a hi tai! Bel chuh a zahhuoi ta a, Merodak chuh a taisie, a milim pathiente chuh a zahhuoi ta a, a sie zo tai!”

JEREMIA 51:11

Thalchang te chuh tâthiem unla, phaw haw chu tuu in. Media leng te lunggil chuh Lalpa’n a chawktho tai. A thilhih guot chuh Babulon suksiet ahi ngâl a, zie chuh Lalpa phuba lak na ahi ngâl a, a Ho-In phuba ngêi chuh.

JEREMIA 51:27

Zie gam achun kidona puonlap khâi unla; namte laka chun pengkun mût un, amah do ding nam chuh guonggalh unla, Ararat leh Minni te, Ashkenaz gam tawh amah do dingin kisam khawm un: amah do dingin sepaih guot unla, lung vak sausau guol in sakawl kaikhawm un.

JEREMIA 6:4

Amah do dingin kisau inla, kipan un, sun chang lai tak in do hitiu. I chunguh a gik na e! ni a kihei ta a, nitâk lam lim le a hung sau tai.

EZEKIEL 38:17

Chun, Lalpa Pathien chun hiti hin a tii: Malaia ka nasemte Israel thiemgau, zie laia kum tamtak sunga thu ana genlawk sek te’n amau do dinga ka hun puih ding thu ana gen sek u kha na him? ti’n,” a ti a.

EZEKIEL 38:7

Kigalging inla, ahi, ana kisazo in, nang leh na kawma umkhawm chengcheng te chu tawh; chun, a hotuu in pang in.

MIKA 3:5

Piek ding a neih lai u a “Muonna” thu tiem khum a, piek ding neilote kawma kidona thu phuong a gen lauhsak thiemgaute chun ka mite a thêm u a, a chungchâng thu Lalpa’n hiti hin a gen hi.

HAGGAI 2:7

Namtin te chuh paih tha’ng ka ting, a hauhsakna teu chuh zie tak a hin puok lut in um intin, tichun, zie In hi lopi na’n su dim ing ka, Sepaih hawnte Lalpa chun a tii.

ZEKARIA 14:2

Lalpa’n Jerusalem do dingin nam chengcheng sam khawm ding ahi ngâl a. Khawpi chuh lâk in um intin; Inhaw chule suksiet hi’n tin, numeite chuh pawngsuol in um un au. Khawpi a mi kimkhat chuh sala puih in um un tin, mipi nutsieh a umsunte chuh khawpi apat in sukmang hi puo’n au.

ZEKARIA 14:3

Zie tieng chuleh, Lalpa chuh pawt in tin, kido ni a a hih sek bangin, zie namte chuh do ina.