JOEL 3:2 - PATHIEN LEKHABU THIENGTHO (BSI)

² Nam chengcheng sam khawm ka ting, Jehoshaphat guom ah pui ing ka ting; Ka mipite chunga a thilhih teu ziekin zie tak achun a chungthuu vaihawm ing ka. Israel chate chuh gamdang ah a thehzak uh a, ka gochan Israel chuh a khenzak ziekun.

JOEL 3:2 ပူးပေါင်းရင်းမြစ်များ

ZEPHANIA 3:8

“Khawngai inla, namte mawh ka chansakna ni tieng chuh ngak hâm hâm in. Namte leh lenggamte chuh sam khawm a, ka lungnatna thilhih theihna hetsak dingin ka lungthim ka supuk ta a. Ka lungnatna mei chun khawvel pumpi hi katum vek ding ahi ngâl a.

ISAI 66:16

Lalpa chun mei a vaihawm ding ahi a, hinna nei chengcheng chungah chemzâm in vaihawm ding ahi. Chun, Lalpa’n a thah chuh a tama tam ding ahi.

EZEKIEL 38:22

Chun, hipi leh thisan suohna’n a chungah thu tan ka ting; amah leh a sepaih hawn haw leh a kawma mi tamtak te chung achun guohpi vanawn leh gielpi nasatak leh mei leh kât zuk sak ing ka.

THUPHUON 16:16

Khutichun, Thagau chun, lengte chuh mun khat, Hebrai pau a, “Armageddon,” a tihnau achun a puikhawm ta a.

JOEL 3:12

“Namte chuh kichawktho u hen la, Jehoshaphat guom achun hung u hen. Zie tak achun a kimvela nam cheng chengte vaihawm sak dingin chu ding ka hi!

EZEKIEL 39:11

Chun, zie ni chuleh hiti hi hi’n tin, “Gog dingin Israel gam ah kivuihna ding pie’ng ka ting, tuipi suohlam, Abarim guom ngêi chuh: zie chun zinvielte chuh kituok khawm un tin, Gog leh a lawite chuh vui ding a hi ngâl uh a; tichun, zie gam chuh ‘Hamon-gog guom’ min vawh un au.

EZEKIEL 35:10

“Lalpa chuh zie tak achun a um na a, zie nam nih te leh gam nih te hi keia hiu intin, chang den hitiu, na tih ziekin,

JEREMIA 25:31

A gi chun kâwl mawng tâwp chan thawng ina! Lalpa’n namte chuh a kilanpih a, mi chengcheng chungah vaihawm intin, mi nunsiete chuh chemzâm kawmah pie’n a,’ tih hi Lalpa kamsuok ahi.”

THUPHUON 20:8

tichun, kâwlmawng li a namte, zie chuh Gog leh Magog ahi, thêm ding leh kidona a puikhawm dingin chiehdawk ina: ziete tam zie chuh, tuisuohgiet a pîlnel banga tam ahiu hi.

THUPHUON 16:14

Ziete chuh thitha thagau, melchikna hih sekte chuh ahiu hi. Zie thagau thum te chuh, Bang cheng hihthei Pathien Ni lopi a kidona dinga mi pui khawm dingin, khawvel lengte kawm achun a kuon dawk tau a.

THUPHUON 16:6

Amau haw chun mi thiengthote leh thiemgaute thisan kha a na suoh uh a, nangin thisan dâwn dinga na piek thuk hi, dâwn tak him ahiu ie!” a tih uh ka za a.

AMOS 1:11

Lalpa chun hiti hin a tii, “Edom mite bawhsietna thum ziekin, ahi, li ziekin ka gawtna chuh suhai puo’ng ka. A suohpihteu Israel te chuh delh zinga, a chung u a zahngaihna himhim a suklat loh ziek un. A lungnatnau chun tâwp a nei puoh a, a thihsan ngeiloh ziekun.

EZEKIEL 36:5

“Zieziekchun, Lalpa Pathien chun hiti hin a tii: Namte laka a dang haw leh Edom chengcheng, neih dinga ka gam, lunggil kipâk tak leh muhsitna lungthim pu-a gam chuh suksiet ding ti a, amau leh amau kipiete chung achun lungna mah mah in thu ka gen him ahi.

EZEKIEL 25:8

“Lalpa Pathien chun hiti hin a tii: Moab leh Seir chun, ‘Ngaiin, Juda inkawte chuh nam dang haw tawbang tho ahiu hi’, a tih ziekun,

JEREMIA 49:1

Amon chate thu, Lalpa chun hiti hin a tii: “Israel in chapa neilo ahim? Goluoh ding neilo ahim? Bangati a Gad chuh Milkom in a luoh a, a mite khawpi haw a a chen sak a?

JEREMIA 12:14

Ka mi Israel chate kawma go luoh dinga ka piek khawih sie pa, ka inveng gilo haw chengte chungchâng achun Lalpa’n hiti hin a tii: “Ngaitiem u, a gam u apat in bawt dawk ing ka ting, a lak u apat Juda inkuonte chuh bawt dawk ding ka hi.

2 KHANGTHUBU 20:26

Tichun a ni li ni chun Berakah lui phai ah a kikhawm u a, zie tak a chun a thilhihte ziek chun Lalpa a pakchau a; zieziekchun zie mun min ding chun Berakah tih a hi tai.

THUPHUON 11:18

Namte chuh lungnatna’n a dim tau a, Na lungnatna ni a hungtun tâk ziek leh, Mithi te chunga vaihawmna ni a hungtun tâk ziekin. Na sawntawlawi, na thiemgaute kipahman leh, nang hun ho, na mite chengcheng, a lien a neute kawma kipahman piek ni a hungtung ta ngâl a. Leisiet sumangthaite sukmangthaina ding hun le a hungtun ta ngâl a,” ti’n, Pathien a ho uh a.

ISAI 66:18

A thilhih teu leh a thil ngaihtuoh teu chuh ka he vek a. Namtin leh pau tinte sam khawm ding ka hi. Tichun, hungkhawm un tin, ka lopina chuh mu ta’n au.

JEREMIA 50:17

Israel chuh belam guol a thehdalh ahi a, sakeibaknei te’n a delhmang u a, a masa’n Asuria leng in amah chuh a ne zo a, a tawpna ah Babulon leng Nebuknezar in a guh haw chuh a sukbawt sak tai.

EZEKIEL 34:6

Ka belamte chuh a vak zak u a, tâng tin leh muol tin ah a vakmang tau a; ahi, ka belamte chuh lei chung ahin a kithehzak zo tau a; amau chuh kuoma’n a ngaihsak puou a, a hawl puou hi,’ ti’n gen in,” a ti a.

EZEKIEL 36:1

“Chun, nang mihing chapa, Israel tânghaw kawm achun genlawk inla, Nang haw Israel tângte haw, Lalpa thu hi ngaithau in!

JOEL 3:14

Thutanna guom achun mipi sang tamtak a um sausau u a. Zie tak achun Lalpa ni chuh hungtung pai ding ahi ngâl a!

MIKA 4:12

Himahleh, zie namte chun Lalpa lungthim a he hiel puou a, buh phuol a buh chil dinga lâkkhâwma um guola hung kikhawm ahiu ui tih a he hiel puou ui!