JOEL 3:16 - PATHIEN LEKHABU THIENGTHO (BSI)

¹⁶ Lalpa chuh Zion tâng apat in kiko in tin; Jerusalem khuo apat in a aw suoh in tin; vante leh lei kilîng ina. Himahlele, Lalpa chuh a mite dingin kihumbitna hi’n tin; Israel suonte dingin kulh insang hi’n a.

JOEL 3:16 ပူးပေါင်းရင်းမြစ်များ

SAM LEHKHABU THE PSALMS 18:2

Ka Pathien, ka suongpi dettak ahi a, amah chuh ka kisêlna ahi. Ka phaw leh, ka hukdamna kileh ka insang ahii.

SAM LEHKHABU THE PSALMS 29:11

Lalpa chun a mite kawmah hatna pien tin, Lalpa chun a mite chu thamuonna chun vangsak ina.

SAM LEHKHABU THE PSALMS 61:3

Nang chuh ka kihumbitna na hi a, Melmate laka gâlven insang dettak na hi ngâla.

THUCHINGTE 18:10

Lalpa min chuh kulhpi dettak a hi a, mi diktat chuh a tailut a a bit sek hi.

ISAI 33:16

Zie tawbang mite chuh chunglam ah cheng un tin; a kiselnau chuh suongpi kulh hi’n tin, a nek dinguh piek hizing un tin, a tui dâwn dinguh kang ngei puo’n a.

ISAI 33:21

Zie tak achun Lalpa lui lien tak tak leh lui neu haw um chêkchûk na mun chuh, lopi takin I kawm u ah um zaw’na; zie tui chung achun kidona lawng lienpi a zapna nei chi himhim chieh puo’n tin, lawng lien tak tak haw’n le chieh pel puo’n a.

ISAI 42:13

Lalpa chuh sepaih hattak guolin, galdo dingin a pawt a; kido dinga kisazo leh ngaklah takin, kidona aw leh, gâl thawmte suohdawk in, a melmate chunga chun a thilhih theihna a latsak ta a.

ISAI 51:16

Chun, vante khu ka kaimalh a, leisiet kingakna ka phum a, Zion kawm achun, ‘ka mite na hiu! ka thu sinsakte ka hun pie a, ka khut in ka hun liehkhuh na hiu hi,’” ka ti a.

JEREMIA 16:19

“Aw Lalpa ka hatna leh ka kulhpi, lungkham ni a ka kihumbitna; kâwlmawng apat in namte hung u’ntin, kei uh ei suonte chun lepchieh thil panna bei; phatchuomna neilo tihloh chuh bangmah goluoh a nei puou hi,” hung ti’n au.

JEREMIA 17:17

Himahleh, keia dingin tizat-um hi ki’n la, buoina hungtun phat leh ka bitna mun pên na hi ngâl a.

EZEKIEL 38:19

Ka lungnatna kuong dawk in, Zie ni chu leh Israel gam ah nasa takin lei kilîng ina;

HOSEA 11:10

“Lalpa chuh zui un tin, sakeibaknei banga ngîk ding chuh: ahi, hun ngîk ngêi intin, chun, tumlam apat in a chate chuh hung tai duom duom un au.

AMOS 1:2

Amos chun, “Lalpa chuh Zion tâng apat chun kiko intin, Jerusalem apat in a aw chu gi dawk intin; gancha tatna munte chuh gaw zo intin, tichun, Karmel tânga hampa haw chuh vuoi zo ina,” a ti a.

AMOS 3:8

Sakeibaknei a ngîk tieng leh kuo a lau lo a um? Lalpa Pathien in thu a gen tieng leh, kuo a hilhlawk lo a um thei ding?

NAHUM 1:7

Lalpa chuh a pha a, beidawn ni a kulhpi dettak ahi a; Amah a ginna ngate chuh a he sek hi.

HAGGAI 2:6

“Khatvei chuh, hun chawmchakhat sung, vante, leite leh gam leh tuipite chu hun sulîng ding ka hi, Sepaihte Lalpa chun a tii.

HAGGAI 2:7

Namtin te chuh paih tha’ng ka ting, a hauhsakna teu chuh zie tak a hin puok lut in um intin, tichun, zie In hi lopi na’n su dim ing ka, Sepaih hawnte Lalpa chun a tii.

ZEKARIA 10:12

Chun, amau haw chuh suhat ing ka ting, amah min in asuk ato in chieh un au,” Lalpa’n a tii.

ZEKARIA 10:6

Chun, Juda insung chuh suhat ing ka ting; Joseph insung chuh hukdawk ing ka, puikit ing ka ting, amau haw ka lainat ngâl a. Ka paih thak loh bang mai in, Kei, Lalpa a Pathien u chuh ka hi ngâl a, a pauchamnateu chuh dâwng ing ka.

ZEKARIA 9:12

Nanguh, tu a kinepna nei saltângte haw, vaikit un, na kulhpiu lam achun vaikit un! Tuhin, ka hun hilh na hiu ui, a lehnih in hun pie kit ding ka hi tih ka phuong hi.

HEBRAI 12:26

Zielai khan a aw khan lei hi a sulîng a, tuhin chuh, “Khatvei chuh, leisiet mai hilo in, van le hun sulîng kit ka,” ti’n a tiem ta zaw a.

THUPHUON 11:13

zie lai tak chun, leiling nasatak in a hung kilîng a, khawpi chuh mun sawma khena mun khat chuh suksiet in a um ta a, chun, mi sang sagih suklup in a um tau hi. A thi mâwk cheng chuh a lau mah mah uh a tichun, van Pathien lopina chuh a pakcha tau hi.

THUPHUON 11:19

Tichun, van a Pathien Ho-In chuh a hung kihawng ta a, a sunga Thugawlh Thingkuong chuh a hung kilang ta a. Ziephet chun, kawlphe le, aw le, vangi le, leiling leh gielpi nasatak a hung um zieng ta a.

THUPHUON 16:18

Tichun, kawlphe leh, aw gi leh, vangi a hung uma, chun, leiling nasatak le a hung um ta a! Leichung a mihiem siem a thak, khuti hiela leiling nasa chuh a um kha ngei puoi; zie chuh leiling nasa pên ahi!

1 SAMUEL 15:29

Israel te lopina Pathien chu a lepchieh puoh a, a lungthim le a sang diek puoi. Mihiem a hi puoh a, a lunggel le a sang lam dang diek puoi,” a ti a.