JOEL 3:1 - PATHIEN LEKHABU THIENGTHO (BSI)

¹ Lalpa chun, “Ngaitiem u, zie hun achun Juda leh Jerusalem a mite, saltângte chuh lamzang takin umsak kit ing ka ting.

JOEL 3:1 ပူးပေါင်းရင်းမြစ်များ

JEREMIA 30:3

Ngaitie, Israel leh Juda, ka mipite saltanna apat a ka puih kitna ding nikhuo chuh a hungtung tai! gam, amau haw suonte kawma ka piek achun puikit ing ka ting, luoh ta’n au tih hi Lalpa kamsuok ahi,” ti’n Lalpa’n a tii.

EZEKIEL 39:25

“Zieziekchun, Lalpa Pathien chun hiti hin a tii: Tuhin, Jakob suonte chuh tung ding kit ing ka ting, Israel inkuon pumpi chungah lungsietna nei ing ka ting, ka min thiengtho chuh humbit ding ka hi.

AMOS 9:14

Chun, ka mi Israel te chuh sal apat puidawk ka ting; khuo hawmsa chuh siempha kit un tin; luoh un tin, tichun, grep huon siem un tin, uain chuh dâwn un tin, huonte le siem un tin, a gah chuh ne ta’n au.

JEREMIA 29:14

Tichun, nang haw muhin um ing ka, Lalpa’n a tii. Na umdan uh theng ing ka ting, nam chengcheng laka ka hun thehzakna mun apat in hun puikhawm kit ing ka tih hi, Lalpa kamsuok ahi. Sala ka hun tânsakna apat ngêi khan hun puikit ing ka.”

SAM LEHKHABU THE PSALMS 85:1

Lalpa, na gam chung ahin na kipâk a: Jakob te chuh na tungding kita.

DAN NIHNA 30:3

Lalpa na Pathien un na saltannau subei intin, hun lungsiet intin, Lalpa na Pathien un namtin laka a hun thehzak na apat hun puikhawm kit ina.

JEREMIA 30:18

Lalpa chun hiti hin a tii: “Ngaitiem u, Jakob puon-In chuh tung ding kit ing ka ting, saltângte chuh puikit ing ka. A chênna mun haw lungsiet ing ka, a khawpite chuh a um guol ngei mah chun um sakkit hin tin; a leng In chuh a umdan ngei mah in ding kit ina.

JEREMIA 16:15

Himahleh, “Mâllam leh a delh zakna gam cheng apat Israel chate puidawkpa Lalpa a hin sung chuh,” tih hizaw ta’n a. A pileputeu kawma ka piek, amau haw gam ngêi achun puikit ding ka hi ngâl a.

SAM LEHKHABU THE PSALMS 14:7

Israel te suohchakna chuh Zion apat in hung pawt ta mai zên le chu aw! Lalpa’n a mite a vangsak kit tieng chuleh, Jakob chuh kipâk ta’n tin, Israel le kipâk ta’n a.

EZEKIEL 16:53

“Chun, a umdan uh, Sodom leh a chanu umdan, Samari leh a chanu umdan te, amau haw tawh kituok in nangmah umdan ngei lehhei ing ka:

JOEL 2:29

Zie nihaw achun ka suokpa te, ka suoknu te chunga le ka Thagau sungtha’ng ka ting;

DANIEL 12:1

“Chun, zie phat chuleh na mipite panpih sek, vânsâwlchâk lopi tak Mikael chuh hung kilang intin; chun, buoina hun, nam um tung apat a zie hun chana chule um kha ngeilo chuh hung um ina. Chun, zie hun chuleh namte laka na mite, a min uh lehkhabu a chuong taphawtte chuh hukdam in um un au.

KISIMNA 11:29

Mosi’n a dâwng a, “Ka lunglut na hi nei ngaihtuoh pih em? Lalpa’n a thagau chuh mipite chengcheng chung ahin sung tha he’n la, thiemgau guolin thu gen vek leu ut ka hi,” a ti a.

KISIMNA 12:6

Lalpa’n a kawm u ah, “Ka thu hi ngaiun, na lak u ahin thiemgau na um u chun, amah kawm achun kei Lalpa hi kilak na’n kihetsak ing ka ting, mang lam in hopih ing ka.

THUCHINGTE 1:23

Ka hun hilhgaihna hi ngaithau inla, kithu-hilhna pha chuh hun pie’ng ka ting, ka thu chuh nang haw hun hetsak ing ka.

ISAI 44:3

“Dangchâk na gam achun tui hun pie’ng ka ting, gamgaw achun luicha luon sak ing ka. Na tu leh chateu chung achun ka thagau sung tha’ng ka ting; na suonteu chunga le ka vangsakna sungtha’ng ka.