JOEL 2:32 - PATHIEN LEKHABU THIENGTHO (BSI)

³² Chun, tihi hi’n tin, kuole, Lalpa min sam tapohte chuh hukdam hin au: Lalpa’n a gen bang khan, ‘Zion tâng leh Jerusalem a khenkhat chuh suokchau un tin; ka telte chauh chuh hing dawk un au,’ ” ti’n.

JOEL 2:32 ပူးပေါင်းရင်းမြစ်များ

THILSIEMBUL 4:26

Chun, Seth inle chapa a nei ta a; a min dingin Enos a sa ta a. Zielai chun mite’n Lalpa min a hun sam pan tau hi.

SAM LEHKHABU THE PSALMS 50:15

Chun, lungkham ni leh ei sam inla; Hun humbit ing ka, khutichun nangin nei limbawl ding hi chin a,” a ti a.

ISAI 10:22

Na mi Israel te chuh tuisuohgiet pîlnel zah in um mahleu, nutsieh a umsunte chuh vaikit ding ahi ngâl u a; sukmangthaina chuh tung tei dinga guotsa ahi ngâl a.

ISAI 11:11

Zie ni a hungtun tieng chuleh, Lalpa’n a mite sukmangthai loh a na umsunte Asuria gam apat te, Aigupta gam apat te, Pathros gam apat te, Kush gam apat te, Elam gam apat te, Shinar gam apat te, Hamath khuo apat te, Tuisuohgiet tuikuol apat te chuh la kit dingin, a thilhih theihna khut hun zak kit ina.

ISAI 11:16

Tichun, Aigupta gam apat a a chieh toh niu a, Israel te dinga lamlien a na um bang khan, a mite a suokcha sunte ding chun, Asuria gam apat in lamlien hung um ina.

ISAI 4:2

Zie ni chuleh Lalpa bâk chuh hawih tak leh lopi tak hung hi ta’n tin, a gam gahte chuh Israel chate laka suokcha ana umsunte a dinga kithang-at pih leh a lopinau hung hi ta’n a.

ISAI 46:13

Zawhna ni chuh hun hih nai ka ting; gamla lo hiel ding a hi! Ka hukdawkna ni ding chun sawt hal ta puo’n tin; Zion chuh hukdawk ing ka ting, tichun, Ka lopina, Israel te dingin hukdamna chuh Zion achun kawih tang ka,” a tii.

JEREMIA 31:7

Lalpa chun, “Jakob a dingin kipâk in la sau unla, nam lopite lak achun kiko dawk un, phuongdawk unla, pakchau un, aw Lalpa chun Israel nutsieh a um te hi na hukdawk tai,” tiu in.

JEREMIA 33:3

“Ei sam in la, hun dâwng ing ka, thil lopi leh thil kisel na hêtkhâk loh chuh hun hetsak ing ka.

AMOS 9:8

“Ngaitiem u! Lalpa Pathien mit chuh lal gam gilote chungah a chu a, chun, lei chung apat in sumangthai ka ting, amahvang chuh, Jakob inkawte chu susie vek puo’ng ka,” a tii.

OBADIA 1:17

Himahleh, Zion tâng chuh hukdawk hi’n tin, zie tak a chun thientho na um intin, Jakob inkawte chun a gochan ngêi u chuh luoh un au.

OBADIA 1:21

Chun, Zion tâng achun hukdampate hung pawtdawk intin, Esau tâng chuh vaihawm sak intin, tichun, gam chuh Lalpa a hi ta’n a.”

MIKA 5:3

Zieziekchun, naunei ding nu chun chapa a hin masang sieh chuh, Lalpa a mite chuh melmate khuta pie’n, kiheimangsan ina. Tichun, a suohpih dangte cheng chuh Israel gam achun vaikit un au.

ZEKARIA 13:9

Tichun, amun thumna te chuh mei ah patep ing ka ting; dangkaguo sukthientho bangin amau hih thiengtho ing ka ting. Sana patep a um bangin amau chuh enchien ing ka. Zie tieng chuleh kei kawmah paucham untin, amau haw ngaitha’ng ka. Chun, amau chuh ka mite ahiu, ti’ng ka ting, amau haw chun, Lalpa chuh ka Pathien uh ahi, ti’n au,” tih hi Lalpa kamsuok ahi.

JOHAN 10:16

Chun, zie belam huong a um tih loh hi, belam dang le ka nei hi; amau chule hun pui ding ka hi; ka aw le he’nau; khutichun, lawikhat in um un tin, a chingpa khat tawh.

JOHAN 4:22

Nang un na het loh uh na chibai sek ui, kei hawn vang ka het u chuh ka chibai sek ui; hukdamna chuh Judate kawm apat hung tung ding a hi ngâl a.

NASEPTE 15:17

Mi dang, Jentel chengcheng, ka min sam haw chun, Lalpa a hawlna dingun zie bâwkcha chuh tungding ing ka, ti’n,

NASEPTE 2:39

Pathien thutiem khah, nang haw leh na chateu ding leh, gamla taka mi chengcheng ding leh, Lalpa I Pathien un a kawma a sap tapohte ding le ahi ngâl a,” a ti a.

ROME 11:26

Chun, ziehi, Israel mi chengcheng hukdama a umdan ding u chuh ahi: “Zion apat Hukdampa chuh hung pawt intin, Jakob kawm apat Pathien khawksaklohna chuh sumang ina.

ROME 11:5

Khutibang mah chun, tulai hin le, a lungsietna zieka Pathien in a tel, tawmcha ana um uh ahi.

ROME 11:7

Bangti ahi ta die leh? Israel mite chun a hawl u chuh a mu puou a. Telte vang chun a muu a, a dang chengcheng te chuh a chavai zo tau hi.

ROME 9:24

Zie khuotuohna belhaw chuh Judate lak apat mai hilo in, Jentel te lak apat a sapte le I hiu ui.

ROME 9:27

Isai inle Israel mite thu kikopih in, “Israel mite chuh tuisuohgiet pîlnel zat in tam mahleu le, a gawt mâwkte mai chuh hukdam in um un au.

1 KORINTH 1:2

Korinth khuo a Pathien sapchuom umte, Krista Isu a sukthientho, mithiengtho hidinga sapte kawmah, gamtin a I Lalpau (amau leh ei uh Lalpa) Isu Krista min lo chengcheng kawm a tawh,

HEBRAI 12:22

Nang haw vang, Zion tâng leh, Pathien hing khawpi, Angel sang tamtak te umna a chuh hung na hi zaw ngâl u a.