JOEL 2:3 - PATHIEN LEKHABU THIENGTHO (BSI)

³ A malam u leh a nung lam u chuh a kâng thieng zela; a masang u a gam chuh Eden huon bang himahlele, a khel tieng u leh thalek gamgaw a suok zel a, bangmah sit a nei puou hi.

JOEL 2:3 ပူးပေါင်းရင်းမြစ်များ

ISAI 51:3

Zion chuh thamuon ing ka ting, a hawma taihsan a a umna mun cheng achun A gamgaw chuh Eden bangin siem ing ka ting, Lalpa huon bangin siem ing ka ting; zie tak achun ka kawma kipah thugenna te, pahchakna la te, lawpna leh kipahna thawmte um ta’n a.

THILSIEMBUL 2:8

Chun, Lalpa Pathien in suohlam a Eden achun huon a siem a; a mihiem siem chuh zie tak achun a kawih ta a.

ZEKARIA 7:14

Khutichun, amau chuh gamdang mi a hêtkhâk loh teu lak achun chinpeia thehdalh ding ka hi. Tichun, gam chu a hawm in taihsan un tin; kuomah a lut leh pawt um talo in, gam nuom tak chu thawmhau tak leh kuomah luoh loh a nutsieh a hung um ding ahi ngâl a,” ti’n.

PAWTDAWKNA 10:15

Lei chung chengcheng chuh a dâp suok a, tichun gam chuh a thim mepmup mai ta a; giel seh siet mâwk, zie gama thaichi tincheng leh, thai gah chengcheng chuh a ne zo u a; tichun, Aigupta gamsung cheng achun lo a thilhing himhim, thing leh thaichi haw chuh a bei vek ta a.

PAWTDAWKNA 10:5

tichun, lei chung hi hun dâp suok in au. Kuoma’n lei himhim hi mu thei ta puo’n au, tichun, giel in a suksiet mâwk, na gama um haw chuh neu intin, gamlaka na thing kekhaw cheng chuh ne zo in au.

AMOS 7:4

Hitibang hin Lalpa Pathien chun ei etsak a: chun, en tiem u! Lalpa Pathien chun mei, a do dingin a sama; mei chun tui thuk lientak chuh a katum vek a, gam chule a kâng pan ta a.

JEREMIA 5:17

Chun, amau chun na buh-atsa hawu leh na an teu haw chuh ne zo vek un au; na chanuteu leh na chapateu nek ding ngêi chuh ne zo in au; na gan guol teu leh belam guol haw chuh ne zo untin; na grep guite leh na theipi kungteu chule ne zo un au. Khawpi kulh nei na kimuonpih hawu chule chemzâm in susie vek un au.

SAM LEHKHABU THE PSALMS 50:3

I Pathien u chu hung intin khaw ngai zing puo’n a: A masang achun katum sek mei a um a, A kimvel achun huihpi nasatak nung ina.

THILSIEMBUL 13:10

Tichun Lot chuh Zoar khuo lam nga’n a dâk dawk a, Jordan phaicham chengcheng chuh Lalpa huon tawbang, Aigupta gam bang khan gam hing diei duoi, tui tampi umna mun ahi tih a mu ta a Lalpa’n Sodom leh Gomorra khuo a suksiet masang khah ahi ngâla.

SAM LEHKHABU THE PSALMS 97:3

A masang achun mei a chieh a, A kimvel a chun amah dote haw chuh a katum sek hi.

ISAI 9:18

Nunsietna chuh hambawk leh lingte katum sek mei guolin, a ka luoh luoh a; gamnuoi thing lak achun a ka chuoh chuoh a, a khu to vutvut sek hi.

ISAI 9:19

Sepaihte Lalpa chuh a lungnat ziekin gam chuh a kâng sie a, mihaw chule meia tih ding thing tawbang ahiu a; kuoma’n amah suohpihte a hâwi puou hi.

ISAI 14:17

khawvel thalek banga siem a, a khuo umte hih mangthai a, a salmatte a In lam u a chieh kit dinga thahdawk khalo chuh,” ti’n na chanchin hun sut un au.

ISAI 15:6

Nimrim tuite chuh a kangtan zo ta a, hampa chuh a vuoi zo ta a, hampa dâwng thak chuh a gawp zo a, thil hing mawng mawng chuh a um ta puoh ngâl a,

EZEKIEL 36:35

Khutichun, ‘Zie gam hawmsa nung hi Eden huon bang mai ahung hi kit ta a, chun, khawpi chim leh nutsieh leh suksieta um haw chuh tuhin kulh nei leh luoh kit ahi tau’, tin au.

ISAI 33:4

Na gâllâk sum lak ding haw chuh lungmul in thil a nawhkhawm supsup guolin thak khawm in um un tin; khaupe a chawp kalh lak lak guolin amau chu chawmkalh sausau un au.

HABAKKUK 1:6

Nam lauh-um tak leh, um hiet hiet theilo, Babulon te chuh hun chawktho ka ting, tichun, gamdangte la dingin khawvel dâp suok hielin hung kizawt un au!