JOEL 2:29 - PATHIEN LEKHABU THIENGTHO (BSI)

²⁹ Zie nihaw achun ka suokpa te, ka suoknu te chunga le ka Thagau sungtha’ng ka ting;

JOEL 2:29 ပူးပေါင်းရင်းမြစ်များ

1 KORINTH 12:13

Zie tawbang mah chun, I bawn un, Judate ahim, Grikte ahim, suokte ahim, suok lo ahim, sapum khata um dingin Thagau khat mah ah baptist in I um u a; thagau khat mai ei dâwn sak chiet uh ahi.

GALATI 3:28

Khutichun, Juda leh Grik kal a kilamdanna a um ta puoh a, suok leh suok lo kal a le, numei leh pasal kal a le a um diek ta puoi; na bawn u chun Krista achun pumkhat na hung hi tau hi.

KOLOSSA 3:11

Zie tak achun Grik mi leh Juda mi, zektan leh tan loh, nam chuom te, Skuthia mite, suok leh suok lo tih a um ta puoi; Krista chuh bang cheng hi zaw’n, bangakaia le a um hi.

EZEKIEL 36:27

Chun, na sung u ah Ka Thagau kawih ing ka ting, chun, ka dân siem chuh hun hawhsak ing ka ting, ka thutanna haw chuh zui in na tin un, hih inlau.

EZEKIEL 37:14

Chun, na sung u ah ka thagau kawih ing ka ting; hing un na tin, na gam ngêi uh ah hun kawih ing ka, chun, kei Lalpa hin ka gen ta a; hih le hih ing ka tih hi Lalpa kamsuok ahi,” a ti a.

ZEKARIA 12:10

Chun, David inkawte chung leh Jerusalem a chêngte chung achun lungsietna leh ngetna thagau sungtha’ng ka ting, chun, a sut pau hi hun en un tin, tichun, mi’n a chapa neihsun a sun bangin sun un tin; mi’n cha lutîl chunga a thuok bangin thuok un au.