JOEL 2:27 - PATHIEN LEKHABU THIENGTHO (BSI)

²⁷ Tichun, aw Israel, na laku ah ka um hi tih leh, Lalpa na Pathien uh ka hi a, Keimah lo chuh a dang a um puoi tih he’n lau! Khutichun, ka mite chuh muhsit in um ngei ta puo’n au.

JOEL 2:27 ပူးပေါင်းရင်းမြစ်များ

ZEPHANIA 3:17

Lalpa na Pathien chun a hun umpih a; va thilhih theihna chun zawhna a hun piei. Lalpa chuh na chungah kipâk intin, a lungsietna chun hinna thak hun pie’n a.

ISAI 45:5

“Kei hi Lalpa ka hi a, Pathien dang himhim a um puoi; nangin ei helo mah leh chin le, hatna hun pie ding ka hi.

JOEL 3:17

Khutichun, Lalpa na Pathien uh, tâng thiengtho Zion a cheng ka hi tih hun he ta’n lau: Jerusalem chuh khawpi thiengtho hi’n tin; malzin kuoma’n a sung tawh ngei ta puo’n au.

EZEKIEL 39:28

Namte lak ah salin ka sawl a, himahlele, khatchale nutsieh umlo a, a gam uh a ka puih khawm kit ziekin, Kei hi Lalpa a Pathien uh ka hi tih he ta’n au.

JOEL 2:26

Nieng takin ne ta’n na tin uh, thilmak hun hihsak sek pa Lalpa na Pathien uh min chuh pakcha ta’n na tin uh: Ka mite chuh zahhuoi himhim ta puo’n au.

SAM LEHKHABU THE PSALMS 46:5

Pathien chuh a lak u ah a um a; kilîng puo’n a: Pathien in khawvak thak tak leh panpih ina.

DAN NIHNA 23:14

Lalpa na Pathien u chun nang u hun vengbit ding leh na melmateu na khut u a hun pie dingin na giehmun vel uh achun a vakviel sek ngâla; zieziekchun, na giehmun chuh a thientho ding ahi; khutilochun, na lak u ah thil buok mu’n tin, hun kiheimangsan kha’n a.

ISAI 12:6

Zion a umte haw chuh ngeih tak in kiko u henla, Israel Pathien Thiengtho, a mite laka cheng chuh a lopi ngâl a,” ti’n.

THUPHUON 21:3

Lalchutphah apat chun aw ngeih tak in, “Ngaitie! Pathien bâwkcha chuh mihiem lak ah a hung um tai, Amah chuh a kawm u ah um intin, Amau haw chuh a mite hiu intin uh; Pathien mawng chuh a kawm u ah um intin, A Pathien uh le hi’n a.

1 PETER 2:6

Zieziekchun, Pathien Lehkhabu achun, “Ngaitiem u, Zion achun a ning a suong phachuom pen, ten dawk, lul tak chuh ka kawih ahi; kuole, amah gingcha ta chuh muolpho hiel puo’n au,” tih zik ahi.

SAM LEHKHABU THE PSALMS 68:18

Nang chuh tâng chunglam ah na kalto ta a, sala matte chu na pui a; Mihiem te apat chun thilpiek le na changa, Ahi, Lalpa Pathien kalh a helte chu a kawm u ah a um ui.

2 KORINTH 6:16

Milim haw leh Pathien Ho-In inle banga kituokna a neih uh? Eihaw vang, Pathien hing Ho-In I ngâl u a: Pathien in, “Kei, amau lak ah cheng ing ka ting, Amau tawh kitawn ing ka: Chun, a Pathien uh hi’ng ka ting, Amau haw le ka mite hi’n au,” a tih bang khan.

EZEKIEL 39:22

Zie ni akipat chuh Israel inkawte chun Kei hi Lalpa a Pathien uh ka hi tih he tau in tin,

ISAI 53:6

I bawn un belam guolin I vakmang u a; mitin eimau lampi chiet ah I kihei tau a; himahleh, I gitlohnau chuh Lalpa’n amah chungah a nga a, I thuok sik un a thuok ta a.

ISAI 45:18

Lalpa chun vante hi a siem a, amah chuh Pathien ngêi chuh a hi! Leisiet hi a siem a, a din a, a hihdet a. Mawk um mai dingin a siem puoh a, mihingte chênna dinga a siem ahi. Amah chun, “Kei hi Lalpa chuh ka hi a, Pathien dang himhim a um puoi, a ti a.

ISAI 44:8

Ka mite haw, lau kiu in! Malai apat in tuni gei hin thil hungtung dingte ka genlawk puoh a ahim? Nang haw hi ei hetpihte na hiu hi tih na he ngâl uh a. Pathien dang a um himhim em? Ahi, Pathien dang himhim a um puoh a, khat chale a um lam ka he puoi,” ti’n.

ISAI 45:6

Ni suohna lama mite leh, tumlam geia mite’n Kei hi Lalpa chuh ka hi tih a het theihna dingun leh, Keilo chuh Pathien dang him a um puoi tih a het theihna dingun zie hi ka hih ahi.

ISAI 49:23

Tichun, lengte chun na chateu chuh dâwn un tin; lengnute chun le na chateu enkawl un au. Amau haw chun maia lei si’n chibai hun bûk un tin, na kêngpêk u a leivui chuh liek un au. Tichun, Kei hi Lalpa chuh ka hi tih hun he ta’n au; kuole ka panpihna ngakte chuh muolpho in um puo’n au,” ti’n.

EZEKIEL 37:6

Nangmau ah thagui kawih ing ka ting, pheh in hun tuom ing ka ting, vun in hun khuh ing ka ting, chun. na sung u ah hu kawih ing ka ting, hing inlau; chun. Lalpa chuh ka hi tih he’n lau’, ti’n,” a ti a.

JOEL 3:21

Chun, a thisan phubau chuh la’ng ka ting, gitlohna neite chuh hinghawih lo ding ka hi. Lalpa chuh Zion achun a cheng zing ngâla,” ti’n.

ZEPHANIA 3:11

Zie phat chuleh, nang haw chuh, ka chunga na kiphin na ziek u a na zahchâknau chuh um ta puo’n a. Mi chapo leh kiletsak taphawt chuh ladawk ka ting; Ka tâng thiengtho ahin ka chungah kiphin ngei kit ta puo’n lau.

KISIMNA 11:29

Mosi’n a dâwng a, “Ka lunglut na hi nei ngaihtuoh pih em? Lalpa’n a thagau chuh mipite chengcheng chung ahin sung tha he’n la, thiemgau guolin thu gen vek leu ut ka hi,” a ti a.

KISIMNA 23:21

Pathien vangsak sa chuh ka sam kit theilo ahi; Israel chate masang ding chuh ka mu a, vangsietna leh buoina tun puo’n a; Lalpa a Pathien u chuh a kimvel u ah a um a, ka leng uh ahi ti’n a phuong uh ahi.

THUCHINGTE 1:23

Ka hun hilhgaihna hi ngaithau inla, kithu-hilhna pha chuh hun pie’ng ka ting, ka thu chuh nang haw hun hetsak ing ka.

ISAI 44:3

“Dangchâk na gam achun tui hun pie’ng ka ting, gamgaw achun luicha luon sak ing ka. Na tu leh chateu chung achun ka thagau sung tha’ng ka ting; na suonteu chunga le ka vangsakna sungtha’ng ka.

ISAI 46:9

Tuma lama thil ana umsa te kha hezing unla, Kei hi Pathien ka hi a, Kei tawbang hi kuomah a um puoi.

EZEKIEL 39:29

Ka mipi, Israel te chung achun ka thagau sungtha’ng ka ting, amau apat in kiheimang kit ngei puo’ng ka, tih hi Lalpa Pathien kamsuok a hi,” ti’n.

ZEKARIA 2:9

“Lalpa ngêi chun hun do in tin, tumasang a suok a na neih namteu chun hun thehzak un au,” ti’n. Zie chuh a hungtun tieng leh, mi cheng cheng in, Bangkim hihthei Lalpa chun ei sawl ahi tih he ta’n au.