JOEL 2:26 - PATHIEN LEKHABU THIENGTHO (BSI)

²⁶ Nieng takin ne ta’n na tin uh, thilmak hun hihsak sek pa Lalpa na Pathien uh min chuh pakcha ta’n na tin uh: Ka mite chuh zahhuoi himhim ta puo’n au.

JOEL 2:26 ပူးပေါင်းရင်းမြစ်များ

ROME 10:11

Pathien Lehkha thu’n, “Kuole, amah gingcha ta chuh muolpho hiel puo’n au,” a tih ahi.

SAM LEHKHABU THE PSALMS 22:26

Mi gimtheite chun neu un tin, tai un au: A mah hawlte chun Lalpa chuh pakcha’n au: Na lunggil u chuh kumlekhuo’n hing zing hen.

ROME 5:5

Thagau thiengtho I kawm u a ei piek khan, Pathien hehpihna chuh I lunggil u a a sunthak tâk ziekin, zie kinepna chun ei sulungkham puoi.

DAN NIHNA 12:7

Zie achun Lalpa na Pathien mau ah ne’n na tin un, na khut nasepteu Lalpa na Pathien un a hun vangsakna zieka chuh na inkuonteu tawh kipâk taka na um dinguh ahi.

ISAI 49:23

Tichun, lengte chun na chateu chuh dâwn un tin; lengnute chun le na chateu enkawl un au. Amau haw chun maia lei si’n chibai hun bûk un tin, na kêngpêk u a leivui chuh liek un au. Tichun, Kei hi Lalpa chuh ka hi tih hun he ta’n au; kuole ka panpihna ngakte chuh muolpho in um puo’n au,” ti’n.

ISAI 45:17

Himahleh, Israel chuh Lalpa’n a hukdam a, a zawhna chuh kumlekhuo’n um in tin; a mite chuh muolpho in um ngei puo’n au,” ti’n.

THIEMPUDANTE 26:5

Na buh phuol u a buh chun grep lawh hun man pha’n tin, na grep lawh u chun na thai chîn hun man pha’n tin, na chângthâk u chuh nieng leh nâl in ne’n na tin un, na gam u ahin thamuong takin khawsa’n lau.

1 JOHAN 2:28

Khutichun, naute, amah ah um zing un; tichun, amah a hung kilak tieng leh, hangsan tak leh, zakcha lo a, a hungna Ni a chuh na um theihna dingun.

ROME 9:33

Pathien Lehkhathu’n, “Ngaitie, Zion achun pukna suong leh Dalna suongpi ka kawih a; Kuole, amah gingcha ta chuh Muolpho puo’n au,” ti a a gen guol khan.

ISAI 54:4

Lau ki’n la, sukzahhuoi a um kit lo ding na hi a; lungkie ki’n, muolpho in um kit diek ta puo’n la; Na ngaklak lai zahchâkna cheng kha hengilh ta’n na tin, meithai chansie tak guola na umna chuh hengilh ta’n la.

ISAI 25:1

Aw Lalpa, nang chuh ka Pathien na hi a; Hun limbawl ing ka ting, na min pakcha’ng ka. Thilmak tak, malai pek a na guonggalhte chuh ginum takin na hih ta ngâla.

ZEKARIA 9:17

Ahi, zie ni chuleh a gam chuh bang tawbang pheta gam pha leh hawih a hi ta dem! Buhlebal in tangvalte chuh suthanuom intin; uain thak te chun nungakte chuh suthanuom ta’n a!

ZEKARIA 9:15

Lalpa Bangkim hihthei chun a mite chuh veng intin, a melmateu thisan chuh suoh untin, vaisuongseh chang chule tawhden un tin; Kithawihna thisan chuh maichâm ning a buok bang mai in luong ina.

ZEPHANIA 3:11

Zie phat chuleh, nang haw chuh, ka chunga na kiphin na ziek u a na zahchâknau chuh um ta puo’n a. Mi chapo leh kiletsak taphawt chuh ladawk ka ting; Ka tâng thiengtho ahin ka chungah kiphin ngei kit ta puo’n lau.

ISAI 29:22

Zieziekchun, Lalpa, Abraham hukdawkpa chun, Jakob insung thu achun hiti hin a tii “Jakob chuh zahhuoi in um ta puou un tin, a mai chuh le zakcha’n dângtha diek ta puo’n a.

THILSIEMBUL 33:11

Thilpiek ka hun chawihsak hi lungsiet takin ei pawm sak in, Pathien in ei lungsiet a, ka thilkhawk cheng ei piei,” a ti a. A lak masieh chuh Jakob in pawm sak hâm dingin a ngên a ngên a, tichun, a pawm ta a.

1 TIMOTHE 6:17

Zie tulai hinkhuo a neizote hi, kiletsak lo ding leh, sum muon-umlo ahin a kinepnau ngalo a, thil chengcheng, I kipahna ding u a ei piepa Pathien chunga chuh nga zaw dingin hilh ah.

ISAI 55:2

Vahna ding hilo a, bang zieka dangka seng a, lung-awihna tun diek lo dinga bang zieka na sepgim uh ahi? Ka thugente hi gunchuh takin ngaithau unla, an pha chuh neu inla, tichun, na hinnau chuh thil thau achun lung-awi hen.

SOLOMON LA 5:1

Ka huon a ka luta, ka suohpihnu, ka lawinu, Ka murra ka gimlimte tawh ka lakhawm a, ka khuoizu chuh a phâng pum in ka ne a, ka uain ka dâwn a, bâwngnawi tui tawh; Guolte haw, neu inla, dâwn un; hehpihna chuh kham hielin ta’n un,

THUCHINGTE 13:25

Mi diktat chun deihkham seta nek ding a nei a, himahleh, migilo gilpi vang chun deihkhawp mu puo’n a.

SAM LEHKHABU THE PSALMS 116:7

Aw ka hinna, na chawlhna achun vaikit in; Lalpa chun na chungah phatak in a hih ta ngâl a.

SAM LEHKHABU THE PSALMS 103:5

Na damsung chengin na kam chu thilpha’n a hih tai sek a; Khutichun na tanglakna chuh mupi banga siemphat in a um kit sek.

SAM LEHKHABU THE PSALMS 72:18

Lalpa Pathien, Israel Pathien chuh pahchak in um hen. Thilmak haw hih chu Amah maicha hi ahi.

SAM LEHKHABU THE PSALMS 37:19

Hun phalo ale muolpho puo’n au: Kiel kum inle kibuting takin um un au.

SAM LEHKHABU THE PSALMS 13:6

Buting taka ka chunga a thilhihte ziekin: Lalpa pahchak na la sa’ng ka.

NEHEMIA 9:25

Kulh nei khawpi leh gam phatak haw chuh a lau a, thilpha chitin a dim in a luoh u a, tuikhuk laihsate, grep huonte leh theikung tampi a nei u a. Tichun, a neu a, a vah u a, a hung thau tau a, na phatna chuh kiningting tak in a nawpchen u a.

DAN NIHNA 12:18

Lalpa na Pathien un mun ahun guot sak ding ah, Lalpa na Pathien mau a nang u leh na chapateu leh na chanuteu tawh, na suokpateu leh na suoknu teu tawh, na khuou a um Levi te chuh tawh, na nek dinguh ahi zawi; na seplebawl teu chunga Lalpa na Pathien mau a kipâk taka na um dinguh ahi.

DAN NIHNA 12:12

Chun, Lalpa na Pathien mau a chuh kipâk taka na um dingu ahi, nang u leh na chapateu leh na chanuteu tawh, na suokpateu na suoknu teu tawh, na khuou a cheng Levi te tawh, amau chun na lak u ah chanvo leh gam a nei puoh ngâl u a.

DAN NIHNA 8:10

Na nek u a na tai tiengu leh, gam phatak a hun piek ziek chun Lalpa na Pathien u chuh pakcha’n lau.

THIEMPUDANTE 26:26

Na nek muh na lampiu hun suktan sak ing ka ting, zie tieng chuleh, numei sawm in thuk khat ah chângthâk kang untin, na chângthâk u chuh teh det det in hun pie kit untin, neu in na tin un vah diek puo’n lau.

MIKA 6:14

Neu in na tin la vah chuom puo’n na tin uh, na gil uh kiel tho tho ina. Thil kawihheh un na tin uh, himahleh hukbit diek puo’n lau; na kawihkhawl cheng u chuh gâl in sumangthai vek ding ahi ngâl a.

DAN NIHNA 11:15

Na ganchateu dingin le na gam u ah hampa keh sak ing ka ting, khutichun, neklechâk buting in na tin un, tai takin um inlau.

SAM LEHKHABU THE PSALMS 67:5

Aw Pathien, namtin chengin hun pakchau hen; A milip in hun pakchau hen.

THIEMPUDANTE 25:19

Gam chun gahsuoh intin kiningting takin chên un na tin uh, thamuong taka va khawsa ding na hiu hi.