JOEL 2:21 - PATHIEN LEKHABU THIENGTHO (BSI)

²¹ “Aw gamte haw, lau kiu inla, kipâkin lawp un! Lalpa chun thil lopi takte a hih ta ngâl a.

JOEL 2:21 ပူးပေါင်းရင်းမြစ်များ

ISAI 54:4

Lau ki’n la, sukzahhuoi a um kit lo ding na hi a; lungkie ki’n, muolpho in um kit diek ta puo’n la; Na ngaklak lai zahchâkna cheng kha hengilh ta’n na tin, meithai chansie tak guola na umna chuh hengilh ta’n la.

ISAI 41:10

Lau kiu unla, na kawm u ah ka um zing hi! Na Pathien uh ka hi a, lungkie kiu inla, bangmân hun hihlau kihe’n. Hun suhat ing ka ting, ahi hun panpih ing ka.

JEREMIA 33:3

“Ei sam in la, hun dâwng ing ka, thil lopi leh thil kisel na hêtkhâk loh chuh hun hetsak ing ka.

ISAI 35:1

Gamthip leh gamgaw gam thawmhau chuh kipâk intin; gamgaw gam chuh lâwpin phullak a pakcha guolin paklun un au.

1 SAMUEL 12:16

Zieziekchun tuhin ding unla, Lalpa’n thil lopi tak na mit muh u a a hih ding hi a na en un.

ZEKARIA 8:15

Chun, tuhin Jerusalem leh Juda insung mite dingin vangsakna tunsak ding ka hi a, lau hiel ki’n.

JOEL 2:20

Mâllam sepaihte chuh na kawm u apat chawn mang kêi ka ting; thalek gamgaw ah chiehsak ing ka. A masa lawi chu suohlam Tuipi Thi ah sawl ka ting; a nunung lawi chu tumlam Tuipi ah paih ka ting, hung uih dawk un tin, gimsie takin hung um un au. Na chunguh a thil nasatak a hih tâk ziekun amau haw chuh sumangthai ing ka.

1 SAMUEL 12:24

Lalpa chu lau phawt mai unla, na lungthim chengcheng un tihtakzet in a na sem unla; nang u dinga thil thupi taktak a hih dân haw hi ngaihtuoh un.

DAN NIHNA 4:32

“Na masang uh, na malai nite chuh vak sût leu chin Pathien in lei chunga mihing a siem ni apat khan kâwl mawng langkhat apat a lehlam chanin zie tawbanga thil thupi hi a um ngêi in, het ahi kha mawngmawng em?

SAM LEHKHABU THE PSALMS 98:8

Luipite chun a khut uh bêng u hen la; Tang haw chun lawp in lasa khawm u hen;

THILSIEMBUL 15:1

Zie thil haw nung chun, Lalpa thu chuh Abram kawmah vaulam in a hung tung a, “Abram, lau kih, kei hi na phaw ka hi a, na kipahman chuh lopi tak hiding ahi” ti’n

HOSEA 2:21

Chun, Lalpa’n hiti hin a tii, “Zie phat chu leh vante chuh hopih ing ka ting; vante chun le leisiet kawmah thugen un au”

ISAI 44:23

Aw vante haw, kipâk takin la sau in, Lalpa’n zie chuh a hih ta ngâl a, Lei mun niem pente haw hung kiko dawk un, tângte leh gammâng thingte haw, la sa dawk un: Lalpa chun Jakob te a tandawk ta a, Israel te haw achun kisulopi ding ahi ngâl a!

ISAI 55:12

“Lawp takin pawtdawk un na tin uh; thamuong taka puihkit in um un lau. Na masang uh achun tâng lien leh tâng neute chun la sa’n kiko dawk un tin, chun, gammânga thing cheng chengte chuh kipaka kiko in khutbeng un au!

SAM LEHKHABU THE PSALMS 71:19

Aw Pathien, na diktatna chun van a su a; Aw Pathien, nang thil lopi takte hih pa, Nang tawbang hi kuo a um?

JOEL 2:26

Nieng takin ne ta’n na tin uh, thilmak hun hihsak sek pa Lalpa na Pathien uh min chuh pakcha ta’n na tin uh: Ka mite chuh zahhuoi himhim ta puo’n au.