JOEL 2:2 - PATHIEN LEKHABU THIENGTHO (BSI)

² Thimna leh vannîm ni, meizin ni leh thim sah ni hi’n tin; Tang chunga meipi thim zeng zung a kai bangin, khaupe hawn hattak, masanga a na um khalo leh, tunung lele um talo hiel ding chuh hung leng un tin, tâng chuh phalvak in a tuom bangin hun tuom un au.

JOEL 2:2 ပူးပေါင်းရင်းမြစ်များ

JOEL 1:6

Nam tamtak, simsenloh, ka gam ah a hung pawt tau a, A hateu chuh sakeibaknei ha tawbang ahi a, sakeibaknei lien tak hapi tawbang le a nei ui.

JOEL 2:5

Kidona kangtalai bangin tâng chungah a chawm gi sausau u a; buhpawl kuong puotpuot a ka bang leh; Sepaih nasatak, galdo dinga kisazosa bangin a kitieng u a.

JOEL 2:25

Na lak uh a sepaih hawn tamtak banga ka sawl, khaupete, thingnget te, lungte, thinglungte’n a nek zawh kumteu a a na mansakteu kha hun din kit ing ka.

JOEL 2:31

Nisa chuh hung thim intin, tha thisan hungsuok intin; Lalpa ni lopi tak leh minthang tak chuh a hungtun ma’n.

DANIEL 12:1

“Chun, zie phat chuleh na mipite panpih sek, vânsâwlchâk lopi tak Mikael chuh hung kilang intin; chun, buoina hun, nam um tung apat a zie hun chana chule um kha ngeilo chuh hung um ina. Chun, zie hun chuleh namte laka na mite, a min uh lehkhabu a chuong taphawtte chuh hukdam in um un au.

ISAI 8:22

Chun, leituol en untin, lungkhamna leh thimna, lungngai a nguina chuh hi’n tin, tichun, thim sah tak lak ah nawhmang in um in au.

ISAI 5:30

Zie ni chuleh tuisuohgiet gi hum hum bangin a chung u ah gi hum hum un au. Tichun, mi’n gam chuh a vak et u chun, thimna leh lungzînna ngenin dim intin, vak chule meipi’n lieh thim ina.

JUDA 1:13

Tuisuohgiet kinawk banga, amau thilhih zahchâk um tak, tui phuon banga hun suoh dawkte ahiu a; aksi leng viel, amau dinga thim sah tak sit sakte chuh ahiu hi.

HEBRAI 12:18

Nang haw vang, tânga meikuong khawih theih, mei a kâng leh, thimna leh meivawmte, huihpite,

MARK 13:19

Zie nihaw achun gimtheihna hung um ding ahi a; zie bang khawpa nasa mawng mawng chuh, Pathien siem, thilsiem pat tûng apat tu chan hin a um kha ngei puoh a, um le um kha ngei puo’n a.

AMOS 4:13

Ngaitiem u! tângte siem a, huih siem a, mihingte a ngaihtuohna hetsak a, zingkal chuh zan suoh sak a, lei mun sangte a chieh pa chuh, Amin chuh Lalpa, Sepaihte Pathien chuh ahi ngâla.

DANIEL 9:12

Chun, a thu ka chung u a a gen leh ka vaihawm teu, vai ei hawmsakte chunga a gen kha ka chung u a thil phalo nasa tak tunsak in a hih kim ta a: Jerusalem chunga kihih bang chuh vannuoi pumpi ale hih in a um ngei puoi.

JEREMIA 13:16

Lalpa na Pathien u chuh limbawl unla, thim a hun tunsak ma a mielzul a tâng chung haw a na keng uh na suih mau hin, vak na kinep lai tak un thim a hung tunsak a, thim sah tak mai chuh siem ding ahi.

SAM LEHKHABU THE PSALMS 97:2

Meipi leh thim sah tak chu a kimvel ah a um a! Diktatna leh thutak chuh a lalchutphah kingakna ahi.

SAM LEHKHABU THE PSALMS 10:6

A lungthim chun, “Kilîng puo’ng ka: Khang chengcheng tieng inle melma nei puo’ng ka,” a ti a.

DAN NIHNA 32:7

“Tuona tânga nite chuh hezing inla, khang liemsa haw chuh ngaihtuoh in. Na pa dawng in, hun hilh intin, Na upahawu le dawng in, hun hilhchien in au.

PAWTDAWKNA 20:21

Mipite chuh gamla tak ah a na ding zing u a, Mosi chun Pathien umna thim sah mepmup lam chuh a va zuon a.

PAWTDAWKNA 10:14

Khaupehaw chuh Aigupta gamsung chengcheng achun a chuu a; a tam mah mah mai u a, tumasang inle khaupe zie tawbang lâwm lâwma tam chuh a na um kha puoh a, tunung lele zie tawbang chuh um kit ta puo’n a.

PAWTDAWKNA 10:6

Chun, na In leh, na suokte In haw cheng leh, Aigupta mite In cheng achun dim suok untin; na suonte leh, na suonte suonteu inle lei kisiem apat tutieng ale khutibang chuh ana muh khâk nai loh u chuh,’ hung tung ina a tii,” a tiu a. Chun, a kihei a Pharaoh kawm apat chuh a pawt ta a.

MATTHAI 24:21

Zie tieng chu leh gimtheihna nasatak um ding a hi ngâl a; khutibanga nasa himhim chu, lei kisiem tûng apat, tu tieng hin a na um kha puoi, bangmah tikin um le hung um diek ta puo’n a.

THUPHUON 9:2

Zie aksi chun thampikuo-âwng chuh a hawng a, tichun, kawkhuk apat chun meikhu, pummei nasatak khu tawbang a hung pawt a; zie meikhu ziek chun nisa leh vanthamzawl cheng chuh a hung thim ta a.

SUNNA LA 1:12

Ziehi nang u dingin bangmahlo ahim, nang haw chieh suk chieh to te haw, ding unla, entiem u, Lalpa’n a lungnat ni a ei sukgimtheih dân hi, Zie bang lungkhamna ka thuok u hi, a thuok kha a um die aw?

EZEKIEL 32:7

Ka hun sukchimit tieng leh, vanpi tuom ing ting, a aksi cheng suthim ing ka, Nisa meipi’n tuom ka ting, Thapi’n a vak pawtsak puo’n a.

EZEKIEL 34:12

A belam taizak haw laka a um laia belampu’n a belamte a hawl dawk guolin ka belamte hawl dawk ing ka ting; vannîm henla khuo thim lele a kithehzâk nau mun cheng u apat chun hukdawk ing ka.

EZEKIEL 38:9

Chun, chiehto in na tin un, huihpi bang mai in hungtung in tin, meipi’n gam a tuom khepkhup tawbang hiel hi hin la, nang leh na kawma sepaih hawn chengcheng leh na kawma mi tamtak te chuh.

JEREMIA 13:6

Chun, ni tamtak nung chun Lalpa’n ka kawmah, “Kipan inla, Euphrates lui zuon inla, kâwnggak va sel in ka tih kha va ladawk in,” a ti a.

JOEL 3:4

“Nanguh Tura leh Sidon, nanguh Philistia gam chengcheng te haw, ka chunga phulak guo na hiu em? Ka chunga phulak guo na hih u leh vang kin takin na chung u ah phuba leh lak thuk ing ka.

ZEPHANIA 1:7

Lalpa ni chuh a nai ta a, Pathien in a nasep ding a hun sepna ding ngêi chuh: zieziekchun, a masang achun thip kêi in um un!

ZEKARIA 14:6

Chun, zie ni chuleh hiti hi hi’n tin, vak taluo puo’n tin, thim taluo diek puo’n a.