JOEL 2:19 - PATHIEN LEKHABU THIENGTHO (BSI)

¹⁹ A pauchamnau a dâwng a, “Tuhin buhte, uain te, leh olive thaute hun pie ding ka hi a; tichun, lungbih takin um ta’n lau. Nam dangte chun hun musit ta puo’n au.

JOEL 2:19 ပူးပေါင်းရင်းမြစ်များ

EZEKIEL 34:29

A thaichi phatna mun tak chuh amau pie’ng ka ting, khutichun, zie gam achun kiel in sumang ta puon tin un, nam dangte muhsitna le thuok ta puo’n au.

EZEKIEL 36:15

namte muhsitna hun het sak kha ta puo’ng ka ting, mite gensietna thuok kha ta puo’n na tin, na nam chuh kisuih sak kha ta puon la, Lalpa Pathien chun a tii, ti’n,” a ti a.

MATTHAI 6:33

A gam leh a diktatna hawl masa zawu un; tichun, ziehaw chengcheng chuh piek behlap a um ding na hiu hi.

JOEL 2:24

Buh phuolte chuh buh in dim in tin; uain leh sathau chuh a chilna khuk achun dimlet ina.

JEREMIA 31:12

Zion tângsip achun lasa’n hung un tin, Lalpa phatna achun kipâk untin: buhte, uain te, sathau te, anchehlohing, belam leh gan guol note ka piek achun kipâk un au. A hinnau chuh huon tui pha mun bang hi’n tin, kumlekhuo’n lungkham kit ta puo’n au.

JOEL 1:10

Lo haw chuh suksiet a hi ta a; gam chuh a lungkham ta a, buhte chuh suksiet ahi ta a, grep haw chuh a gaw zo ta a, olive thingte chule a chau zo tau hi.

HOSEA 2:15

Chun, zie apat chun a grep huonte chuh a kawmah pie kit ka ting, Akor guom chuh kinepna kawt dingin siem ing ka. Zie tak achun a ngaklak hun lai nite, leh a vanglai nite, Aigupta gama pata a hung pawt ni bang khan ei dâwng ina.

EZEKIEL 39:29

Ka mipi, Israel te chung achun ka thagau sungtha’ng ka ting, amau apat in kiheimang kit ngei puo’ng ka, tih hi Lalpa Pathien kamsuok a hi,” ti’n.

THIEMPUDANTE 26:5

Na buh phuol u a buh chun grep lawh hun man pha’n tin, na grep lawh u chun na thai chîn hun man pha’n tin, na chângthâk u chuh nieng leh nâl in ne’n na tin un, na gam u ahin thamuong takin khawsa’n lau.

HOSEA 2:21

Chun, Lalpa’n hiti hin a tii, “Zie phat chu leh vante chuh hopih ing ka ting; vante chun le leisiet kawmah thugen un au”

HOSEA 2:22

Chun, Lei in dâwng intin, tichun buhte, grepte leh thau te sepdawk in a.

DAN NIHNA 11:14

na gam u chuh a hunbi zel ah, guohtui kie masa leh guohtui kie nunung chuh hun pie’ng ka ting, khutichun, na buh hawu, uain hawu leh na thau hawu lakhawm thei inlau.

RUTH 1:6

Zie nung chun, Naomi chun Lalpa’n a mite nek ding pie’n nasa takin a vangsak hi tih a na za a; khutichun, a mote nih chu tawh Moab gam chuh taihsan dingin a hung kisa tau hi.

EZEKIEL 36:29

Na buoknau chengcheng apat in hun hukdawk ing ka ting, buh chuh thu pie’ng ka ting, supung ing ka ting, na chung u ah kiel kie ta puo’n a.

EZEKIEL 36:30

Na thing gahteu leh lo a na thawh gahteu supung ing ka ting, kiel zieka namte laka muolphona thuok ta puo’n lau.

ZEKARIA 8:12

Kichamna chi tuh tau intin; grep guite chu gahsuoh ta’n tin, lei in a gah suohdawk intin, van in dâitui kiek sak in a; tichun, zie vangsakna te hi ka nam tel, ka mite a na damsunte luoh dinga pie ding ka hi.