JOEL 2:18 - PATHIEN LEKHABU THIENGTHO (BSI)

¹⁸ Lalpa’n gam a ngaihsakna chuh a hun sulang kit a, A mipite chungah lungsietna a hau a.

JOEL 2:18 ပူးပေါင်းရင်းမြစ်များ

ZEKARIA 8:2

Sepaihte Lalpa chun hiti hin a tii “Thikthusie hielin Zion chuh ka kihukpih a, chun, a chunga lungna khawp in amah ding chun ka phachuomngai a.

ZEKARIA 1:14

Khutichun, vânsâwlchâk ei hopihpa chun Bangkim hih thei Lalpa thugen chuh phuong dingin ei hilh ta a: Lalpa chun hiti hin a tii: “Jerusalem leh Zion chung ahin ka thikthusie mah mah a.

SAM LEHKHABU THE PSALMS 103:13

Pa’n a chate a lungsiet bang in, Lalpa chun amah kihchate a lungsiet sek hi.

JAKOB 5:11

Ngaitiem u, a thuok tum sek ziekun, kipâk, I ti sek uh ahi. Job thuokhat zie chuh na zau a, Lalpa’n a tawpa a hih dân khale na muu a, Lalpa chuh lungsietna a dim leh, zahngaihna a dim ahi ngâl a.

SUNNA LA 3:22

Lalpa lungsietna zieka sukmangthai a umlo I hiu hi; a zahngaihna chu a bei ngei puoh a.

ISAI 63:15

Van apat khan hun en suk inla, na thienthona leh na lopina umna mun apat khan hun en tie! Kei uh nei ngaihtuohna nasatak leh na hatnate kha khawitaka um ahi ta’m? Na lungthima nei ngaihsakna leh na lainatna chuh kei u apat a lâkmang ahi tai!

ISAI 63:9

A lungkhamna chengcheng u achun amah chule a lungzîng seka, a masanga um Vânsâwlchâk chun amau chuh a hukdawk seka; a hehpihna leh a zahngaihna chun a tandawk ta a, a masang hun lai cheng khan amau chuh a puoh a, a pawm sek hi.

LUKE 15:20

Khutichun, a kipan a, a pa kawmah a chieh ta a. “Tichun, gamla taka a um lai in a pa’n a na mu a, a lungsiet ta mah mah a, a tai a, a ngâwngkawih a, a châwp tuntun a.

JEREMIA 31:20

“Ephraim chuh ka chapa deihtak, ka cha ngaih-um tak a hih ziek ahim? Amah ka thunun chenga, ka lungthima a chen zing sek hih? Ka lunggil in a lainat sek a, a chungah zahngai tei ing ka, tih hi Lalpa kamsuok ahi.

ISAI 60:10

Chun, gamdang mite chun na kulhbang teu chuh lemto kit un tin; A lengteu in na nau sem un au. Ka lungnat in amau haw ka gawt a; himahleh, tuhin ka lungsietna leh ka deihsakna sulang ing ka.

ISAI 42:13

Lalpa chuh sepaih hattak guolin, galdo dingin a pawt a; kido dinga kisazo leh ngaklah takin, kidona aw leh, gâl thawmte suohdawk in, a melmate chunga chun a thilhih theihna a latsak ta a.

SAM LEHKHABU THE PSALMS 103:17

Himahleh, Lalpa zahngaihna vang chuh amah kihchate chung achun kumsawt apat kumsawt tiengin um in a, A diktatna le a tusawn tiengin um in a.

VAIHAWMTE 10:16

Tichun, a lak u a nam dang pathiente chuh a kawihmang u a, Lalpa na a sem tau a. Chun, Israel chate lungkham ziek chun a lungthim chuh a lungkham mah mah ta a.

DAN NIHNA 32:43

“Aw, nanguh namtin te haw, a mite tawh kipâk un; A suokte thisan phuba chuh la ding ahi ngâla; Amah dote chungah phuba la ding ahi, A gam leh a mite dingin kichamna bukim siem ina.”

DAN NIHNA 32:36

Lalpa chun a mite vaihawm intin, A suokte chungah lungsietna nei ina, A thilhih theihnau a beih a, um himhim um talo a a muh tieng.

DAN NIHNA 32:16

Gam dang pathiente’n a mitthîpna a chawktho u a; A milim tenum hawu in a châwk lungnau hi.

ISAI 37:32

A suokcha umsunte chuh Jerusalem apat chun chiehdawk untin, chun, Zion tâng achun a suokcha te chuh cheng un au; Bangkim hihthei Lalpa phatchuom ngaihna chun zie chuh hih ding ahi ngâla.

2 LENGTE 19:31

Jerusalem apat leh, Zion tâng apat in, a na thi mâwk um ngêi ding ahiu ui. Lalpa’n zie chu um ngêi dinga a na gensa ahi tai.