JOEL 2:17 - PATHIEN LEKHABU THIENGTHO (BSI)

¹⁷ Ho-In hulliep leh maichâm kikala nasem thiempute chuh, kap kawmin paucham u hen la, “Aw Lalpa, ka chungu ah zahngai in! Nam dangte chuh, ‘Na Pathien uh khawia um a hi ta?’ ti a, musit tak leh ei nuihsan dingin umsak ki’n,” ti’n gen u hen.

JOEL 2:17 ပူးပေါင်းရင်းမြစ်များ

EZEKIEL 8:16

Khutichun, Lalpa In huongsung sungnung zaw achun ei puilut a, ngaitie, Lalpa In thiengtho kawt a chun, hulliep leh maichâm kikal ah, mi sawmnih leh nga Lalpa In thiengtho lam nungngat in, a mai uh suohlam nga’n ana um u a, suohlam a nisa chuh ana ho u a.

SAM LEHKHABU THE PSALMS 115:2

Bangatih leh namtin in, “A Pathien uh khawi a um ahi?” a tih uh ahi die aw?

SAM LEHKHABU THE PSALMS 79:10

Bangatih leh namte chun, “A Pathien u chuh khawitaka um ahi?” a tih zing sek u a. Na suokte thisan phuba chu lak hi hen la, Ka mitmuh un ginglo haw lak a hin suklat hi hen la.

MATTHAI 23:35

Khutichun, mi diktat Abel thisan apat in, Pathien Ho-In leh maichâm kikala Berekiah chapa Zakaria na thah pau thisan ngêi khan, lei chunga mi diktat thisan a suoh teu chengcheng phuba chuh na chungu ah hung tung thei ina.

AMOS 7:2

Chun, hiti hi a hung hi a, zie gama hampa chuh a nek zawh hun un, “Aw Lalpa Pathien, ngaidam in, ka hun ngên hi, Jakob chuh bangti’n ahim a din theih ding, amah a neu ngâl a?” ka ti a.

JOEL 1:9

An thillat dingte, uain thillat dingte chuh Lalpa Ho-In apat sukmang a hi ta a; thiempute chuh Lalpa Ho-In a thillat ding um tâk loh ziek chun a lungkham tau a.

HOSEA 14:2

Lalpa kawm lam achun vaikit unla, ziehi pauchamna na lat ding dân u chuh hi hen: “Ka gitlohnateu cheng ei ngaidam inla, ka hihphat taphawt u chuh pawm in; tichun, ka mûk hawu gahte chuh bâwngchal sik in hun pie’ng kau.

1 LENGTE 6:3

Chun, zie In a Mun Thiengtho malam a inliep chu a In vailam chan tawng sawmnih a sau ahi a, a In mai lam letdan chu tawng sawm ahi.

PAWTDAWKNA 34:9

“Tuhin na mit ka tun chun, aw Lalpa, ka kawm u ah hung in. Zie mite hi nam genhak tak ahi ngâl u a; tichun ka manlohnau leh ka gitlohnau ngaidam in la, na go chan dingin ei nei in.” a ti a.

MIKA 7:10

Zie phat chuleh, ka melma, ka kawma, “Lalpa na Pathien chuh khawitaka um a?” ti a ei dawng te khan zie chuh muu in tin, zakcha ta’n au. Ka mitte chun amahnu chuh en intin, tuhin chuh khawlai buonthuok guola tawhden hita’n a.

AMOS 7:5

Chun, ken, “Aw Lalpa Pathien, hai ah, ka hun ngên hi: Jakob chuh bangti’n ahim a din theih ding, amah a neu ngâl a?” ka ti a.

EZEKIEL 20:9

Ahih ziekin ka min vangkhuopna’n a lak u a a chênna teu, Jentel te’n ka min chuh a ngaihho lohna dingun, amau mitmuh ngêi achun Israel te kawmah, Aigupta gam apat puidawk in, keimah ngêi ka na kihetsak a.”

ISAI 37:20

Tuhin, aw Lalpa Pathien, Asuria te khut apat hin ei hukdawk tei in, khutia chuh, khawvel a nam chengcheng in, nangmah mai hi Pathien na hi tih a het theihna dingun,” a ti a.

SAM LEHKHABU THE PSALMS 89:51

Aw Lalpa, nang hun dote gensiet na, Na sathau nuh niek nung haw gensietna chuh.

SAM LEHKHABU THE PSALMS 89:41

Lampi a hawh malam chengin thil a lâksak zel sek u a; A kimvel a mihaw gensiet in a hung um ta a.

SAM LEHKHABU THE PSALMS 79:4

Ka kimvel u a mihaw gensiet in ka um u a, Ka kiengvêl u a mite muhsit leh nuihsan in ka um tau hi.

SAM LEHKHABU THE PSALMS 74:10

Aw Pathien, bang chana melma’n a hun gen siet ding? Melma chun na min hi kumlekhuo’n gensie ding ahi dem?

SAM LEHKHABU THE PSALMS 42:10

Ka taksa a thihna theih liemna um tawbang in ei dote chun ei gen sie sek u a: “Na Pathien khawi ah a um hi?” ei ti matchet u a.

2 KHANGTHUBU 8:12

Khutichun Solomon in Ho-In malam a a siem, maichâm achun Lalpa kawmah hâlmang thil latte a lân a;

DAN NIHNA 32:27

Melma ênghona thatdahum sa kileng chuh, a melma teu in hekhiel in, ‘I khut uh dawp sangin a um tai; Ziehaw cheng hi Lalpa hih ahi puoi’, a tih khâk dinguh.

MATTHAI 27:43

Pathien a taksang hilo maw, a nawp chun, tuhin hukdam hen; Pathien Chapa ka hi, a ti ngâl a,” a tiu a.

MALAKI 1:9

Tuhin, nang haw, thiempute, Pathien chuh I chung u a pha dingin ngên un la, bawl tiem u! Na pauchamna teu dâwng puo’n tin. Zie chuh nangmau haw dikloh hi ding ahi, Lalpa chun a tii.

NEHEMIA 9:36

Ngaitie, tuhin chuh gam nei piek ahin suok in ka um mai tau a; a sunga thil gah leh thilpha ka pileputeu nek dinga na piek chule ne theilo in, zie chun suok in ka um zaw tau hi.

JOEL 1:13

Nang haw thiempute haw, kawlladip puon cheng unla kap un! Pathien Ho-In achun chieh unla, zan khuo vakin sûn un; Na Pathien u In apat chun changbuong lat leh dâwn ding lat chuh khap ahi ta ngâla!

SAM LEHKHABU THE PSALMS 42:3

Ka mittui hi sun leh zan in ka an ahi a, Mite’n “Na Pathien khawi a um ahi?” ei ti mat chet u a.

2 KHANGTHUBU 7:20

amau haw ka piek gam apat hin hun sumangthai ing ka ting; Ho-In ka min umna dinga ka sukthienthosa hih ka mitmuh phâk loh ah chawnmang kêi ing ka ting, namtin lak ah ênghona leh a sie lam a tehkalna’n siem ing ka.

1 LENGTE 9:7

Israel te haw hi gam ka piek apat chun hih mangthai ing ka ting; zie ka min a dinga ka hih thiengtho sa hi ka mitmuh ngêi in paih ing ka. Tichun Israel te hi namtin chengte lak ah muhsit leh thupil a gensiet mai hung hi’n a.

DAN NIHNA 28:37

Khutichun, Lalpa’n a laku a a hun nawhlutna ding mite chun na chungu a thil tung haw chuh tizat-um sa’n tin un, zawnho leh nuihzatbuk in hun nei in au.

KISIMNA 25:6

Israel chate chuh Lalpa umna puon-In kawtkhak a a kah lai tak u chun mi khat in Mosi mitmuh leh Israel mipite mitmuh chun Midian numei khat a inkawte kawmah a hun pui a.

ISAI 22:12

Zie ni chun, Lalpa Sepaihte Lalpa chun kap ding leh âwm kichup ding leh, sam met muih a saidippuon silh dingin a hun sama.

JOSHUA 7:9

Kanaan te leh zie gama um chengcheng te hin heu untin, ei hun ûm untin, lei apat hin ka min uh hihmang kei ding ahiu hi; na min lopi tak hi bangti’n na hih ta die?” a ti a.

SAM LEHKHABU THE PSALMS 42:4

Zie thil haw hi ka hezing a, ka hinna hi ka sung ah ka sung buo a, Mipi lak ah chieh a, kipahna leh pahchakna gi tawh, mipi kut, Pathien Ho-In zuon in amau ka kai sek kha.

SAM LEHKHABU THE PSALMS 42:11

Aw ka hinna bang dinga khun zing? Bangati a ka sunga hi buoi na him? Pathien kineppih in: amah chuh pakcha kit ding ka hi ngâla, Ka hukdampa ka Pathien chuh!