JOEL 2:13 - PATHIEN LEKHABU THIENGTHO (BSI)

¹³ Na puon uh hilo in, na lunggil uh bawtthêk un la.” Lalpa na Pathien lam u chuh ngau in. Amah chuh mi lungsiet thei tak leh, lainatna a dim, lungnem leh lungsietna hau; thil phalo hihte gawt ding hilo in, ngaidam dinga kisazo zing ahi ngâl a.

JOEL 2:13 ပူးပေါင်းရင်းမြစ်များ

SAM LEHKHABU THE PSALMS 86:15

Himahlele, Aw Lalpa, nang chuh lainatna a dim Pathien, mi lungsiet thei, Lungnieng, chitna leh thutak a dim na hi.

SAM LEHKHABU THE PSALMS 34:18

Lalpa chuh lunggil a thasie te kawmah a nai seka, Lungthima kisik tapohte chuh a hukdam sek hi.

ISAI 57:15

“Chungnung pên Pathien lopi, chawihsân a um, kumlekhuo a hing zing Amin Thiengtho kiti chun hiti hin a gen hi: ‘Mun sang leh Mun Thiengtho achun ka chênga, kingainiemte leh lunggil kisik vulvul te hihhalh ding leh lungthim thasie te chuh suhalh dingin.’

MIKA 7:18

Aw Lalpa, nang tawbang Pathien, a goluoh ding a mite, a suokcha sunte gitlohna ngaidam leh a sukkhelhnau subei dang a um puoi. A lungnat na chu kumlekhuo’n a vawp zing puoh a, zahngaihna chuh a kipahpih lam tak ahih ziekin.

SAM LEHKHABU THE PSALMS 86:5

Aw Lalpa nang chuh na pha a, na ngaidam seka, A hun sam tapoh chungah zahngaihna na hau ngâla:

SAM LEHKHABU THE PSALMS 103:8

Lalpa chuh lainatna a dim, mi lungsiet thei tak, Lungnieng tak, zahngaihna hau tak ahi.

JONA 4:2

Lalpa kawmah a paucham a, “Aw Lalpa, ziehi ka gam u a ka um laia ka gen kha hilo ahim? Zieziek ahih Tarshis lama taimang zieng ka hi kha! Nang hi mi lungsiet thiem leh hehpih thiem Pathien, lungna vak lo; dettaka lungsietna nei zing Pathien, thil phalo apat kisik kit thei Pathien leh mi gawt zieng lo na hi tih ka he a.

ISAI 66:2

Zie thil haw cheng hi keimah khut ngeia ka siem ahi a! tichun, keia ahi tau hi, Lalpa’n a tii. Himahleh, mi gimthei, thagau a kisik tuntun leh ka thu a kithing sek te lam chuh en zawng ka.

2 SAMUEL 1:11

Khutichun David chun a silhlechen haw chu a tu a, a bawtthêk a; zie bang mah chun a kawma mi um cheng chengte chun le a hih u a:

ROME 2:4

A hihloh leh Pathien phatna’n lungheina dingin a hun pui sek hi tih helo in, a phatna hauh zie leh, a mi khuotuoh zie leh, a dawhtheih zie haw chuh na ngaidau ahi maw?

SAM LEHKHABU THE PSALMS 51:17

Pathien pawmtâk kithawihna chuh thagau thasie hi ahi; Aw Pathien, lunggil thasie leh kisik tuntun hi musit puo’n la.

2 LENGTE 22:19

‘Zie mun leh a sunga chêngte hi gawt leh, hansie dawl in hung um un au, tih thu ka gen kha na zak a, na lunggilte a nem a, Lalpa masanga na kingaihniem a, na puonte na bawhthek a, ka masanga na kah ziekin, Ken le na thu chu ka na zai,’ Lalpa’n a tii.

EPHESI 2:4

Himahlele. Pathien chun khuotuohna a hau a, a mi hehpihna nasatak ziek khan,

SAM LEHKHABU THE PSALMS 106:45

Amau haw ziekin a thuthun chu a hezing a, A zahngaih dân bang zelin a lungthim a kilehhei ta a.

JOB LEHKHABU THE BOOK OF JOB 1:20

Tichun, Job chuh a dingdawk a, a puon a bawtthêk a, a luchang a hietkawlh a, tuol ah a bawkkhup a, Pathien a ho a;

KISIMNA 14:18

Lalpa chuh lungchuol tak lungsietna hau, gitlohnate, sukkhelhnate ngaidam sek, mihelte gawt loh a kawih lo; pate gitlohna ziek a chate leh tute suon thumna leh suon lina tienga le gawt sek ahi,’ ti a na gen bang khan.

NEHEMIA 9:17

A zui nuom puou a, a chung u a na thilmak hih haw le a he nuom diek ta puou hi. A lunggil uh sukhauh in a kiphin u a; suok a a tânnau a vaikit dingin lawiupa a kisiem tau hi. Himahleh, nang chuh ngaidam dinga kisazo zing Pathien, mi lainat thei leh lungsiet na a dim, lungchuol tak leh nunnem na a dim, amau haw hengilh lo na hi.

1 TIMOTHE 4:8

Taksa kisawihzawina hin phatchuomna huntieng a nei na a, Pathien khawksakna vang hin chuh, tu a umsa leh, hung um kit ding piek tiemna a neih ziekin, thil tin chengah a phachuom hi.

NAHUM 1:3

Lalpa chuh lungna vak zieng lo, himahleh, thilhih theihna nasa tak nei ahi; gitlohna chuh bangti zawng in le gawt loh in kawih puo’n a. A lampi chuh chinpei leh huihpite achun a um a; meipite khuh a kêngpêk a leivui ahi!

EZEKIEL 9:4

Chun, Lalpa chun ka kawmah, “Khawpi chuh tawh viel inla, Jerusalem chuh tawh suok in; a sunga thil tenum kihih haw zieka lungkham a kap sek haw chuh a chalpâng u ah tiemteh in,” a ti a.

2 LENGTE 6:30

Chun, leng chun zie numei thugen chu a zak chun, lungkham in a puon a bawtthêk a, (kulhpi chunga vakviel lai ahi a) mipi kulh bâng naih a umte chun a puon nuoia kawlladip puon a silh chu a muu a.

2 LENGTE 5:7

Chun, Israel leng chun, zie lehkha chu a vak sim phet chun, tihna ding helo in, a puon a bawtthêk a, “Suria leng hin bangti dana, zie pa hi sudam thei dinga ei gingcha a hi die aw! Pathien guola thihna leh hinna dinga thilhih theihna nei kha ei sak ahi die aw? ngaihtuoh un, ka chunga lemchâng a hawl ahi hi,” a ti a.

1 LENGTE 21:27

Chun, Ahab in zie thu chu a het phetin hiti hi ahi a, a puon a bawtthêk a, kawlladip puon a silh a, an a ngawl a, kawlladip puon chungah a kuol a, kingainiem takin a um ta a.

THILSIEMBUL 37:34

Tichun, Jakob chun a silhlechen haw chuh a bawtthêk a, saidippuon a cheng a, ni sawttak a chapa chuh a sûn a.

THILSIEMBUL 37:29

Chun, Reuben chuh kawkhuk lam achun a va chieh kit a, Joseph chuh kawkhuk achun aum ta puoi tih a muh phet chun a silhlechen haw a bawtthêk a.

ISAI 58:5

An na ngawlh tieng u leh, nangmau kisugimthei in, hampa vuoi bangin na luu na khun u a, saidippuon leh vut chutna dingin na phah u a. Zie chuh an ngawlh dân dik ahim? Zie chuh kipâk dingin nei ngaihtuoh um?

2 LENGTE 22:11

Chun, leng chun Dan Lehkhabu kisim a hun zak chun, hiti hi ahi a, a puonte a bawtthêk a.

JEREMIA 41:5

Shekem apat te, Shiloh apat te, Samari akipat te chun mi sawmgiet, a khabemul uh met in, a puonteu bawtthêk in, amau ki-ât in, chângthâk thillat te leh gimlim chawiin Lalpa Ho-In a lân dingin a hung u a.

JEREMIA 42:10

‘Zie gam ahi na um zing u chun hun tung dawk kit ing ka ting, hun supuk puo’ng ka; hun phut ing ka ting, hun bawt dawk puo’ng ka, na chung u a thil phalo ka tunsak te chuh ka kisik ta ngâl a.

HOSEA 14:1

Aw Israel, Lalpa na Pathien uh lam ah hung vaikit un! Na manlohna ziekin na kisui a, na puk ta ngâla.

2 KHANGTHUBU 6:27

Nang in van a pat in na ngaitha’n la, a chiehna dinguh lampi pha kâwkmuh in na suokte leh na mi Israel te gitlohna ngaidam in na mite a go chan ding u a na piekna gam ahin guoh hun zuk sak in.

JEREMIA 36:7

Mitin chun a umdan gilo uh a haihsan u a a hih chun Lalpa masanga lungsietna a nget u chuh a tung thei kha mawh die; zie chite chunga lungnatna leh thangtawm na Lalpa’n a gen haw chuh a nasa mah mah ngâla, ti’n thu a pie a.

JONA 3:9

Khutichun, I manthai lohna dingun Pathien chuh lehhei kitin, lunghei in, a lungnatna nasa tak apat chun kilehhei puo’n a tih kuo a he?” ti’n.