JOEL 2:12 - PATHIEN LEKHABU THIENGTHO (BSI)

¹² Lalpa chun, “Khutichun, tuhin na lunggil chengcheng u a lungkham in, anngawl in, kap unla kei lam hung ngau in.

JOEL 2:12 ပူးပေါင်းရင်းမြစ်များ

2 SAMUEL 24:10

Himahlele, mi a sim zawh nung chun David lunggil chu ana mah mah mai ta a. Tichun Lalpa kawmah, “Zie tawbang thil ka na hih hi, gitlohna nasa tak hih kha ka na hi tai! Himahleh, tuhin Aw Lalpa lungsiet takin ei ngaidam in, ngawlhuoi takin thil ka na hih ahi tai!” a ti a

2 KHANGTHUBU 30:6

Khutichun, lehkha taihpih vielte chun leng leh a miliente lehkha chawi in Israel leh Juda gam achun leng thupiek in a pawtdawk u a, “Nang haw Israel mite haw, Asuria ten na gam uh a lak nau apat in na suokcha tau a. Tuhin Lalpa, Abraham te, Isak te, Jakob te Pathien kawmah hungkit un, tichun a mah chu nang haw lam ah hung kihei kit in a.

2 KHANGTHUBU 6:27

Nang in van a pat in na ngaitha’n la, a chiehna dinguh lampi pha kâwkmuh in na suokte leh na mi Israel te gitlohna ngaidam in na mite a go chan ding u a na piekna gam ahin guoh hun zuk sak in.

ESTHER 4:16

“Chieh inla, Judate chengcheng chuh Susan achun samkhawm in; an ngawl unla, kei a dingin paucham unla, Ni thum leh zan thum chuh an ne kiu inla, tui le dâwn diek kiu in. Kei leh ka suok nungakte hin le tawbang chun hih ung kau. Dan lo guolin leng kawmah lut ing ka ting, chun, ka thih leh ka thih himai ina,” a ti a.

PAWTDAWKNA 33:5

Chun, Lalpa’n Mosi kawmah, “Nam genhak tak na hiu hi: chawmchah na lak u ah hung tel lengle hun sumangthai mai ding ka hi. Khutichun na kivannau khah kawihthau inla, tichun nang uh ka hun ngaihtuoh ding dân hethei ing ka, a tii, hun ti’n,” a ti a.

ISAI 22:12

Zie ni chun, Lalpa Sepaihte Lalpa chun kap ding leh âwm kichup ding leh, sam met muih a saidippuon silh dingin a hun sama.

ISAI 58:4

Kinakna leh kinielna ding leh, nunsietna khuttuma kichûm dingin an na ngawl sek u a; na awu hi chunglama zak theih ding khawp in an na ngawl kha puou hi.

JEREMIA 3:22

Aw nang haw nungchawn hatte haw, hung vaikit unla, na nung chawnnau apat in hun na sudam ing ka. Ngaitie, na kawmah ka hung ui, nang chuh Lalpa ka Pathien uh na hi ngâla.

JEREMIA 36:7

Mitin chun a umdan gilo uh a haihsan u a a hih chun Lalpa masanga lungsietna a nget u chuh a tung thei kha mawh die; zie chite chunga lungnatna leh thangtawm na Lalpa’n a gen haw chuh a nasa mah mah ngâla, ti’n thu a pie a.

JEREMIA 4:1

Aw Israel, na vaihkit chun kei kawm ngeia na hung vaihkit ding ahi Lalpa’n a tii. Na kihdak-um nate ka mitmuh a na kawih mang leh nang chuh sukmangthai hi puo’n la.

JEREMIA 4:2

Tihtakzet leh vaihawmna diktak manga diktak a, Lalpa a hin zing bangin ti a na kipautiem chun, namte chuh amah achun vangsak in um untin; Amah chuh suong tan au.

EZEKIEL 33:11

A kawm u achun, ‘A hin a ka hin lai chan chuh, migilo thihna ahin kipahna himhim ka nei puo a, migilo in a umdan a nutsieh a a hin hi ka kipahna lam ahi zawi. Na umdan phalo hawu apat chun vaikit un, vaikit un! Aw Israel insung mite haw, bang ziekin e na thih ding uh?’ Lalpa Pathien chun a tii,” ti’n gen in.

DANIEL 9:3

Tichun, an ngawlin, kawlladip puon silh in, vut laka kibuol in, Lalpa Pathien kawm achun phachuomngai takin ka paucham ta a.

HOSEA 12:6

Khutichun nanguh Jakob suonte haw, na Pathien lam nga kit unla; ginum tak leh, thudik takin um un. Thuokhat takin na Pathien chuh ngak zing un.

HOSEA 12:7

“Kanaan te bangin Israel chun bûkna diklo a manga: tehna diklo manga a thil chawteu thep chuh a nawp lam tak uh ahi.

HOSEA 14:1

Aw Israel, Lalpa na Pathien uh lam ah hung vaikit un! Na manlohna ziekin na kisui a, na puk ta ngâla.

HOSEA 6:1

“Hung tiem u, Lalpa lam ah vaikit hitiu: ama’n ei bawttel ta mahleh ei sudam kit ding ahi ngâla. Ei na suliem ta mah leh ei tuom kit ding ahi ngâl a.

JOEL 1:13

Nang haw thiempute haw, kawlladip puon cheng unla kap un! Pathien Ho-In achun chieh unla, zan khuo vakin sûn un; Na Pathien u In apat chun changbuong lat leh dâwn ding lat chuh khap ahi ta ngâla!

ZEKARIA 7:3

Sepaihte Lalpa chun a thiempute leh thiemgaute kawm achun a gen u a: Tuma kum tam taka ka na hih bangin keimah kikawihchuom in tha ngana achu ka su’na, an ka ngawlh sek ding ahi dem? ti’n.

ZEKARIA 7:5

Gama mipite leh thiempute kawma chun, zie kum sawmsagih sunga tha ngana leh tha sagihna chenga anngawl a, sûnna a neih sek u kha, Kei ei limbawlna’n a bawl puou a.

MALAKI 1:9

Tuhin, nang haw, thiempute, Pathien chuh I chung u a pha dingin ngên un la, bawl tiem u! Na pauchamna teu dâwng puo’n tin. Zie chuh nangmau haw dikloh hi ding ahi, Lalpa chun a tii.

NASEPTE 26:20

Himahleh, a tûngin Damaska khuo a mite kawmah, zie nung chun, Jerusalem khuo a mite kawmah, chun, Judai gamtina mite kawm leh, Jentel te kawm nasan ale, lunghei min pu kham a thilhih a, lunghei a, Pathien lam a ngatna dingun, ka hilh zawk sek ahi.

VAIHAWMTE 2:4

Chun, hiti hi a hi a, Lalpa vânsâwlchâk in Israel chate kawma zie thu chuh a va gen phet chun mipite chuh ngeih tak in a kap tau a.

VAIHAWMTE 20:26

Khutichun, Israel suonte chengcheng leh mipite chuh a chiehto u a. Bethel ah a chieh u a, a kap u a, zie ni chun Lalpa masang ah nitâk lam tiengin an a ngawl u a; chun Lalpa kawma hâlmang kithawih na leh chamna thillat a la’n u a.

1 SAMUEL 7:3

Chun, Samuel chun Israel inkuonte chengcheng kawmah, “Na lunggil tak zet uh a Lalpa lam hung nga na hih takzet u chun, gamdang pathien haw leh Ashtaroth chu na lak uh apat kawihmang kei unla, na lunggil u chu Lalpa dingin guonggalh unla, Amah na mai sem un; tichun Philistia mite khut apat hin hun hukdawk ding ahi,” ti’n a gena.

1 SAMUEL 7:6

Tichun, Mizpah a chun a chieh khawm tau a, tui a khâi uh a, Lalpa ma achun a sungthau a, zie ni chun an a ngâwl uh a, zie tak achun, “Lalpa chungah I na gilo tau hi,” a tiu a. Chun, Samuel chun, Mizpah achun Israel te vai a hawm a.