JOEL 2:1 - PATHIEN LEKHABU THIENGTHO (BSI)

¹ Zion achun pengkun mût unla; Pathien tâng thiengtho achun kigalginna thu phuong un. Juda mipite haw, kithingsieu in; Lalpa ni chuh hung tung pai ding ahi ta ngâl a; ahun a nai tai!

JOEL 2:1 ပူးပေါင်းရင်းမြစ်များ

1 KHANGTHUBU 15:28

Khutichun, Israel mi chengcheng te chun, kiko zuoh zuoh kawm leh, pengkun binei leh, belam kite mût hâm chuoi chuoi kawmin, dakkhutbet te, tumgit te, kingkangte tawh gi vengvung in, Thugawlh Bawm chu Jerusalem ah a zawn lut tau a.

SAM LEHKHABU THE PSALMS 119:120

Ka phehlevo hi nangmah kihcha’n a kilîng a; Na vaihawmna chu ka lau ngâl a.

SAM LEHKHABU THE PSALMS 87:1

A tâng thiengtho achun a khawpi phuhdawk chuh a um a.

PAWTDAWKNA 10:14

Khaupehaw chuh Aigupta gamsung chengcheng achun a chuu a; a tam mah mah mai u a, tumasang inle khaupe zie tawbang lâwm lâwma tam chuh a na um kha puoh a, tunung lele zie tawbang chuh um kit ta puo’n a.

ISAI 13:6

Mau vungvung un, Lalpa ni chuh a nai ta ngâl a! Bangkim hihthei apat a hih sietna hungtung ding ahi.

ISAI 13:9

Ngaitie, gam hih mangthai ding leh, zie migilote chuh a sung apat a hih mangthai dingin, Lalpa ni chuh lungnatna leh thangtawmna nasatak tawh hungtung ding ahi.

ISAI 2:12

Sepaihte Lalpa chun mi chapote, kingaisangte leh mite chunga kikawih sang te chengcheng do na ding ni a guot tai.

ISAI 66:2

Zie thil haw cheng hi keimah khut ngeia ka siem ahi a! tichun, keia ahi tau hi, Lalpa’n a tii. Himahleh, mi gimthei, thagau a kisik tuntun leh ka thu a kithing sek te lam chuh en zawng ka.

ISAI 66:5

Nang haw, amah kihcha a, a thu zawpte haw, Lalpa thugen hi a na ngaithau in: Na suohpih teu nanguh hun hawte leh ka min zieka hun nawhdawkte chun hiti hin a tiu a “Lalpa chuh pahchak in um hen” a tiu a. Himahleh, amau haw chuh hung muolpho ding ahiu hi!

JEREMIA 16:10

“Zie thu haw cheng hi zie mite kawma hi na gen tieng leh amau in, Bang ziekin ahim Lalpa’n ka chung u a hiti lâwm lâwma thil phalo a hung gendawk? Bang ahim ka gitlohnau? Lalpa ka Pathien uh chung a ka thilhihkhelh u chuh bang a?” a tih u chun,

JEREMIA 16:7

Lusûnte chuh a mithi ngaih uh lungmuon dingin kuoma’n nek ding luih sak puou untin; a nuu ahim a pau ahim ziekin le lungmuonna khawn dâwn ding kuoma’n luihsak puo’n au.

JEREMIA 4:5

Juda gam ah phuong unla, Jerusalem ah genzak un. Gamsung pumpi achun pengkun mût unla, ngeih tak in kiko un. Hung khawm unla khawpi kulh nei haw ah lut hitiu, tiu un.

JEREMIA 5:22

Nei kihcha puou maw? Lalpa’n a tii. Ka masang ahin kithing lo ding na hiu maw? Kei hi luipi guom panga dinga sehpho kumlekhuo a a let loh na dinga siempa chuh ka hi.

EZEKIEL 12:23

‘Zieziekchun, Lalpa Pathien chun hiti hin a tii: Zie thuching hi suhai ing ka ting, Israel gam ah paunak chawm in mang kha ta puo’n au; ni chuh a nai ta a, kilâkna tin cheng tunkim na ding ni chuh,’ ti’n a kawm u ah gen zaw’n.

EZEKIEL 21:12

Mihing chapa, kiko inla, pengzâk in; Ka mite chunga mat ding ahi ngâla, Israel hotute chunga le. Ka mite chunga tung ding, lauhna leh chemzâm, Zieziekchun, na malpi bêng mai in.

EZEKIEL 30:3

Ni chuh a nai ta ie, Lalpa ni chuh a nai ta ie, Meipi zin ni, Jentel te sietna ding ni chuh.

EZEKIEL 33:3

Amah chun gam chunga chuh chemzâm hung tung a muh a, pengkun a mût a, mipite chuh a hetsak masak a,

EZEKIEL 33:6

Himahleh, gâlvengpa chun chemzâm hung tung chuh a muh a, a pengkun a mût loh a, mipite chuh a kigalgin loh u a, chemzâm chuh a hung tun a, a lak u a kuo ahim in a manthai lawh chun a gitlohna zieka mangthai hi’n tin, ahihziekin, a thisan phuba chuh daiveipa chunga chuh ka lak ding ahi!, ti’n.

EZEKIEL 7:10

Ngaitie, ni chuh, ngaitiem u, a hung tung tai! Na sietna a hung tai, thu dikloh na chuh a pak lun a, uonna chuh a mûm a.

EZEKIEL 7:12

Hun chuh a hung tung ta a, ni chuh a nai huoi huoi tai: a chawte le kipâk kiu henla, a zuokte le lungkham kiu hen: lungnatna chuh a bawn u a chungah a tung ngâla.

DANIEL 6:26

Ka gam awpna sunga mite chengcheng hin Daniel Pathien chuh lau in kilîng u hen, ti’n thupiek ka bawl ahi. “Amah chuh Pathien hing ahi a, kumlekhuo’n vaihawm intin. A lenggam chuh suksiet hi ngêi ta puo’n tin, a thilhih theihna chun tâwp nei ta puo’n a.

DANIEL 9:16

Aw Lalpa, na diktatna chengcheng ziekin na lungnatna leh na lung-awihloh na chuh na khawpi Jerusalem, na tâng thiengtho apat chun kiheimang dingin ka hun ngên hi; ka gitlohnateu ziek leh ka pateu manlohna ziekin Jerusalem leh na mite hi ka kimvel u a mite chengcheng lak ah gensiet a hung hi tai.

DANIEL 9:20

Chun, keimah gitlohna leh ka mipite gitlohna thupha chawi kawm leh, a Ho-In thiengtho hun tungding kit dinga Lalpa ka Pathien kawma ngên a paucham in ka um zing a.

HOSEA 5:8

Gibeah khuo achun kidona pengkun mût unla, Ramah khuo achun kigalginna chuh mût un: Bethel achun lauhna aw suoh unla. Kidona achun lut in aw Benjamin te haw!

HOSEA 8:1

Kigalginna pengkun chuh mût in, Melmate chuh meipi bangin ka gam chungah a chu tai. Ka mite chun a kawm uh a ka thugawlh chuh a bawhsie tau a.

JOEL 1:15

Zie ni chuh a chung agik hi! Lalpa ni chuh a nai ta ngâl a; Bangakai hihtheipa apat sukmangthaina chuh a hungtung ina. Zie ni chuh bang tienga tizat um ahi ta dem!

JOEL 2:11

Chun, Lalpa chuh a sepaih hawnte thupie’n a kiko a, A sepaih, a thu zawpte chuh a tam u a, a hât u ahi. Lalpa ni chuh a lopi a, a lauh-um mah mah ngâl a; Kuo ahim a thuok thei ding?

JOEL 2:15

Zion achun pengkun mût un la; Anngawlh hun mang thiengtho unla, kikhawppi guntak siem un.

JOEL 2:31

Nisa chuh hung thim intin, tha thisan hungsuok intin; Lalpa ni lopi tak leh minthang tak chuh a hungtun ma’n.

JOEL 3:14

Thutanna guom achun mipi sang tamtak a um sausau u a. Zie tak achun Lalpa ni chuh hungtung pai ding ahi ngâl a!

JOEL 3:17

Khutichun, Lalpa na Pathien uh, tâng thiengtho Zion a cheng ka hi tih hun he ta’n lau: Jerusalem chuh khawpi thiengtho hi’n tin; malzin kuoma’n a sung tawh ngei ta puo’n au.

AMOS 3:6

Khawpi a mite sulau lo hielin pengkun a gi ngei em? Lalpa’n a sawl loh chun khawpi ah sietna a tung dinga ahim?

AMOS 5:18

Lalpa ni utchate haw, na chung uh a gik hi! Bangati a, Lalpa ni utcha? vak hilo in thim ahi zaw ngâl a.

AMOS 8:2

Lalpa chun ka kawmah, “Amos, banga na muh?” ei ti a. Chun, kei chun, “Nipi theigah bawm,” ka ti a. Chun, Lalpa chun ka kawmah, “Ka mi Israel te chungah tawpna a hungtung tai, amau haw chiehpel kit ta puo’ng ka!” a ti a.

OBADIA 1:15

“Namte chengcheng chungah Lalpa ni chuh a nai ngâla, Aw Edom, na hih bangmah chuh na chunga le hih a um ding ahi. Na piek mah chuh na muh kit ding ahi.

ZEPHANIA 1:14

Lalpa ni lopitak chuh a nai tai! a nai ta a, hungtung vak ding ahi! Lungkhamna ni hi’n tin, zie tak a chun, mi hangsan pên chule lungdawng in mau vungvung ina.

ZEPHANIA 1:16

Kulh a ki-um khawpite chunghaw leh, gâlven kulh sangte chunga kidona pengkun leh galdo kiko thawm a dimna ni hi’n a.

ZEPHANIA 1:7

Lalpa ni chuh a nai ta a, Pathien in a nasep ding a hun sepna ding ngêi chuh: zieziekchun, a masang achun thip kêi in um un!

ZEPHANIA 3:11

Zie phat chuleh, nang haw chuh, ka chunga na kiphin na ziek u a na zahchâknau chuh um ta puo’n a. Mi chapo leh kiletsak taphawt chuh ladawk ka ting; Ka tâng thiengtho ahin ka chungah kiphin ngei kit ta puo’n lau.

ZEKARIA 14:1

Ngaiun, Lalpa ni chuh hungtung ding ahi tai! Zie ni chuleh, Jerusalem chu gâllâk a chawmgam in um intin, gâllâkte chuh, na mitmuh ngêi u a hawp zak in um ina!

ZEKARIA 8:3

Lalpa chun hiti hin a tii, ka khawpi thiengtho, Zion lam ah hung kihei kit ka ting, Jerusalem lailung achun cheng ing ka, tichun, Jerusalem chuh THUTAK KHAWPI, ti a het hi’n tin, Lalpa tâng chuh, Tang thiengtho tih hi ta’n a.

MALAKI 4:1

Ngaitiem u, ni chuh hungtung ding ahi, “Mi kiletsakte leh mi gilote chengcheng buhpawl banga a kâktum ni hungtung ding ahi tai! Zie ni chuleh, katum vek in tin a zung leh a bâkte le sit hiel puo’n a, Bangkim hihthei Lalpa chun a tii.

KISIMNA 10:2

“Dangkaguo’n pengkun nih siem inla, a seka sek thawh in siem in; mipite sap khawmna ding leh, giehbuk chawnna dinga na mat ding ahi.

KISIMNA 10:3

Zie pengkunte nih chuh na mût tieng leh, mipite chengcheng chuh, na kawma puon-In kawtkhak bul achu a hung khawm dinguh ahi.

1 KORINTH 14:8

Pêngkun le, mumal nei taka a mût loh u chun, kuo a galkap dinga kisakhawl thei ding?

PHILIPPI 2:12

Khutichun, ka deihtakte haw, gen na ngaih zing sek bang u khan, ka um pet maia sem lo in, tu a ka umloh kal hin sem zawu un la, lau leh kilîng kawmin nangmau haw hukdamna chuh sem dawk un.

1 THESSALONIKA 5:2

Lalpa Ni chuh zan a gucha a hung bangin hungtung ding ahi tih, nangmau haw mawng inle chientakin na he ngâl u a.

JAKOB 5:8

Nanguh le, thuokhat takin um unla, na lungthim uh sudet un; Lalpa hungna ding chuh a nai ta ngâl a.

1 PETER 4:7

Himahlele, thil chengcheng tawpna ding chuh a nai ta a. Zieziekchun, na paucham theihna dingun, lungthim diktak pu’n, chingkieu in um un.

THUPHUON 6:17

A lungnatna ni lopi tak chuh a hungtung ta hi, tichun kuo a ding thei ding?” a tiu a.