JOEL 1:15 - PATHIEN LEKHABU THIENGTHO (BSI)

¹⁵ Zie ni chuh a chung agik hi! Lalpa ni chuh a nai ta ngâl a; Bangakai hihtheipa apat sukmangthaina chuh a hungtung ina. Zie ni chuh bang tienga tizat um ahi ta dem!

JOEL 1:15 ပူးပေါင်းရင်းမြစ်များ

SAM LEHKHABU THE PSALMS 37:13

Lalpa chun amah chuh nuihsan ina: A ni a hung nai tai tih a het ziekin.

JEREMIA 30:7

Ehe! ni tizat-um tak chuh a hungtung ta a hi! Ni dang, a tehpih theih ding himhim a um puoi. Jakob buoina ni ahi ngâla! Himahlele, amah chuh zie apat chun hukdawk in um ding ahi.”

JEREMIA 46:10

Zie ni chuh ahi, Lalpa sepaihte Lalpa phuba lak ni, a melmate chunga phuba a lâkna ni chuh. Chemzâm in hun that zo in tin, hun zo ding ahi. A thisan u chuh khawp set in dâwn intin, Sepaihte Lalpa chun mâllam a Euphrates lui pang achun tamtak a that lemlum mai hi!

EZEKIEL 30:3

Ni chuh a nai ta ie, Lalpa ni chuh a nai ta ie, Meipi zin ni, Jentel te sietna ding ni chuh.

JOEL 2:11

Chun, Lalpa chuh a sepaih hawnte thupie’n a kiko a, A sepaih, a thu zawpte chuh a tam u a, a hât u ahi. Lalpa ni chuh a lopi a, a lauh-um mah mah ngâl a; Kuo ahim a thuok thei ding?

JOEL 2:31

Nisa chuh hung thim intin, tha thisan hungsuok intin; Lalpa ni lopi tak leh minthang tak chuh a hungtun ma’n.

JOEL 3:14

Thutanna guom achun mipi sang tamtak a um sausau u a. Zie tak achun Lalpa ni chuh hungtung pai ding ahi ngâl a!

OBADIA 1:15

“Namte chengcheng chungah Lalpa ni chuh a nai ngâla, Aw Edom, na hih bangmah chuh na chunga le hih a um ding ahi. Na piek mah chuh na muh kit ding ahi.

ZEPHANIA 1:7

Lalpa ni chuh a nai ta a, Pathien in a nasep ding a hun sepna ding ngêi chuh: zieziekchun, a masang achun thip kêi in um un!

JAKOB 5:9

Ka suohpihte haw, mawhchang a na um lohna dingun, kimukphun kiu in; ngaitiem u, Vaihawmpa chuh kawtkhak bul ah a ding zing hi!

THUPHUON 6:17

A lungnatna ni lopi tak chuh a hungtung ta hi, tichun kuo a ding thei ding?” a tiu a.